பதிவு செய்த நாள்
09 ஆக2011
00:06
சென்னை: ஐ.டீ.பீ.ஐ பெடரல் லைப் இன்சூரன்ஸ் நிறுவனம், 'வெல்த்சூரன்ஸ் டிரீம் பில்டர்' என்ற புதிய மருத்துவ காப்பீட்டு திட்டத்தை அறிமுகப்படுத்தியுள்ளது.இத்திட்டம் குறித்து இந்நிறுவனத்தின் நிர்வாக இயக்குனரும் தலைமை செயல் அதிகாரியுமான ஜி.வி.நாகேஸ்வரராவ் கூறியதாவது :இத்திட்டத்தில் உயிரிழப்பு இடர்பாடு மட்டுமின்றி 17 முக்கிய நோய்கள், மருத்துவமனையில் அனுமதிக்கப்படுதல், உடல் ஊனம்,விபத்து காயங்கள், போன்றவற்றுக்கான காப்புறுதியையும் வழங்குகிறது. இந்த பட்டியலில் மாரடைப்பு, இதயநாள மாற்று இணைப்பு அறுவை சிகிச்சை, புற்றுநோய், பக்கவாதம்,கோமா,மூளை கட்டி, சிறுநீரக செயலிழப்பு, முக்கிய உறுப்பு மாற்றங்கள் உள்ளிட்டவையும் அடங்கும். இந்த திட்டத்திற்கான குறைந்தபட்ச பிரீமியம் 25 ஆயிரம் ரூபாய், அதிகபட்ச பிரிமியம் ஒரு லட்சம் ரூபாய் ஆகும். பங்குகள், கடன் பத்திரங்களில் முதலீடு செய்யக் கூடிய இத்திட்டத்தில், முதலீட்டாளர்கள் தங்களுக்கு விருப்பமான முதலீட்டு பிரிவை தேர்வு செய்து கொள்ளலாம் இவ்வாறு நாகேஸ்வரராவ் கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|