பதிவு செய்த நாள்
16 செப்2011
03:25
சென்னை : சென்னையில், தகவல் தொழில்நுட்பம் மற்றும் அது சார்ந்த சேவைத் துறைகளில் வேலை வாய்ப்பு, சென்ற ஆகஸ்ட் மாதம், கடந்தாண்டு இதே மாதத்தை விட 18 சதவீதம் வளர்ச்சி கண்டுள்ளதாக நவ்க்ரி டாட் காம் நிறுவனம்,தெரிவித்துள்ளது. சென்னை நகரில், தகவல் தொழில் நுட்பம் மற்றும் அது சார்ந்த சேவைத் துறைகளில் வேலைவாய்ப்பு அதிகரித்து வருகிறது. இத்துறைகளுக்கான, சென்னை நவ்க்ரி வேலைவாய்ப்பு குறியீட்டு எண், நடப்பாண்டு சென்ற ஜூலை மாதம் 948 ஆக இருந்தது. இது, ஆகஸ்ட் மாதம் 13 சதவீத வளர்ச்சி கண்டு 1,069 ஆக அதிகரித்துள்ளது. தகவல் தொழில்நுட்பம் மற்றும் அது சார்ந்த சேவைத் துறைகளின் பணி வாய்ப்பு, ஜூலை மாதத்தை விட, ஆகஸ்ட் மாதத்தில் முறையே 8 மற்றும் 19 சதவீத வளர்ச்சியை கண்டுள்ளது. அதே சமயம், கடந்தாண்டு ஆகஸ்ட் மாதத்துடன் ஒப்பிடும் போது, நடப்பாண்டில், சென்ற ஆகஸ்ட் மாதம் வேலைவாய்ப்பு வளர்ச்சி 18 சதவீதமாக அதிகரித்துள்ளது. சாப்ட்வேர் சேவை மற்றும் பீ.பி.ஓ துறைசார்ந்த வல்லுனர்களுக்கான பணிவாய்ப்பு சென்ற ஆகஸ்ட் மாதம் 15 சதவீதமாக இருந்தது. இந்த வளர்ச்சி, முந்தைய ஜூலை மாதம் 7 சதவீதம் என்ற அளவில் இருந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|