பதிவு செய்த நாள்
17 செப்2011
05:03
சென்னை : இந்துஜா குழுமத்தை சேர்ந்த, அசோக் லேலண்ட் நிறுவனம், நிசான் மோட்டார் நிறுவனத்துடன் இணைந்து, "தோஸ்த்' என்ற இலகு ரக வர்த்தக வாகனத்தை அறிமுகம் செய்துள்ளது. இது, இந்நிறுவனத்தின் முதல் இலகுரக வர்த்தக வாகனம் என்பது குறிப்பிடத்தக்கது. இதுகுறித்து அசோக் லேலண்ட் நிறுவனத்தின் தலைவர் தீரஜ் இந்துஜா கூறியதாவது: நிறுவனம், சில ஆண்டுகளாக, இலகு ரக வர்த்தக வாகனங்கள் சந்தையில் நுழைய ஆர்வம் காட்டி வந்தது. தோஸ்த், வாகனத்தை அறிமுகப்படுத்தியதன் மூலம், இலகு ரக வாகனத் சந்தையில் புதிய பாதையில் காலடி பதித்துள்ளது. 1.25 டன் எடையை தாங்கும் திறன் கொண்ட இந்த வாகனத்தின் விலை, 3.79 லட்சம் முதல் 4.39 லட்சம் ரூபாய் வரை உள்ளது. இந்த வாகனத்தை முதலில் தமிழகம், கர்நாடகம், ஆந்திரா மற்றும் கேரளா உள்ளிட்ட தென் மாநிலங்களிலும், பின்னர் வட மாநிலங்களிலும் அறிமுகப்படுத்த நிறுவனம் திட்டமிட்டுள்ளது. இவ்வாறு தீரஜ் இந்துஜா கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|