பதிவு செய்த நாள்
31 அக்2011
00:01
பாரத் எலக்ட்ரானிக்ஸ் வருவாய் ரூ.1,224 கோடி பாரத் எலக்ட்ரானிக்ஸ் நிறுவனம், செப்டம்பர் மாதத்துடன் நிறைவடைந்த இரண்டாவது காலாண்டில், 125 கோடி ரூபாயை நிகர லாபமாக ஈட்டியுள்ளது. இது, கடந்த நிதியாண்டின் இதே காலாண்டை விட, 20 சதவீதம் (104 கோடி ரூபாய்) அதிகமாகும்.இதே காலத்தில், இந்நிறுவனத்தின் மொத்த வருவாய், 1,046 கோடியிலிருந்து, 1,224 கோடி ரூபாயாக உயர்ந்துள்ளது. என்.எச்.பி.சி. நிறுவனம்நிகர லாபம் ரு.966 கோடி பொதுத் துறையைச் சேர்ந்த என்.எச்.பி.சி., நிறுவனம், செப்டம்பருடன் முடிவடைந்த இரண்டாவது காலாண்டில், 966 கோடி ரூபாயை நிகர லாபமாக ஈட்டியுள்ளது. இது, முந்தைய நிதியாண்டின் இதே காலாண்டை விட, 40 சதவீதம் அதிகமாகும்.இதே காலத்தில், இந்நிறுவனத்தின் நிகர விற்பனை, 48 சதவீதம் வளர்ச்சி கண்டு, 1,831 கோடி ரூபாயாக உள்ளது. சுந்தரம் பைனான்ஸ் வழங்கிய கடன் ரூ.2,273 கோடி சுந்தரம் பைனான்ஸ் நிறுவனம், செப்டம்பருடன் முடிந்த இரண்டாவது காலாண்டில், 90.73 கோடி ரூபாயை நிகர லாபமாக ஈட்டியுள்ளது. இது, கடந்த நிதியாண்டின் இதே காலாண்டை விட, 34 சதவீதம் (67.53 கோடி ரூபாய்) அதிகம்.இதே காலத்தில், இந்நிறுவனம் வழங்கிய கடன்கள், 20 சதவீதம் அதிகரித்து, 1,898 கோடியிலிருந்து, 2,273 கோடி ரூபாயாக உயர்ந்துள்ளது. பீ.இ.எம்.எல். நிறுவனம் நிகர லாபம் 4 சதவீதம் வளர்ச்சி பீ.இ.எம்.எல்., நிறுவனம், செப்டம்பருடன் முடிந்த இரண்டாவது காலாண்டில், 15.30 கோடி ரூபாயை நிகர லாபமாக ஈட்டியுள்ளது. இது, கடந்த நிதியாண்டின் இதே காலாண்டை விட, 3.8 சதவீதம் (14.74 கோடி ரூபாய்) அதிகம்.இதே காலத்தில், இந்நிறுவனத்தின் நிகர விற்பனை, 56 சதவீதம் வளர்ச்சி கண்டு, 509.27 கோடியிலிருந்து, 792.47 கோடி ரூபாயாக உயர்ந்துள்ளது. மாருதி சுசூகி இந்தியா நிகர லாபம் 60 சதவீதம் சரிவு மாருதி சுசூகி இந்தியா நிறுவனம், செப்டம்பருடன் முடிந்த இரண்டாவது காலாண்டில், 240.44 கோடி ரூபாயை நிகர லாபமாக பெற்றுள்ளது. இது, கடந்த நிதியாண்டின் இதே காலாண்டை விட, 60 சதவீதம் (598.24 கோடி ரூபாய்) குறைவு.இதே காலத்தில், இந்நிறுவனத்தின் மொத்த வருவாயும், 9,282.30 கோடியிலிருந்து, 7,949.36 கோடி ரூபாயாக குறைந்துள்ளது. இந்நிறுவனம், குஜராத் மாநிலத்தில் உள்ள மெசனா மாவட்டத்தில் புதிய கார் தயாரிப்பு தொழிற்சாலையை அமைக்க திட்டமிட்டுள்ளது. டைட்டான் இண்டஸ்ட்ரீஸ் நிகர விற்பனை ரூ.2,096 கோடி டைட்டான் இண்டஸ்ட்ரீஸ் நிறுவனம், சென்ற செப்டம்பர் மாதத்துடன் நிறைவடைந்த காலாண்டில் 148கோடி ரூபாயை தனிப்பட்ட நிகர லாபமாக ஈட்டியுள்ளது. இது கடந்த நிதியாண்டின் இதே காலாண்டில் 128கோடி ரூபாயாக இருந்தது. இதே காலாண்டுகளில் இதன் நிகர விற்பனை 1,536 கோடியிலிருந்து 2,096 கோடி ரூபாயாக உயர்ந்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|