கொச்சி:நாட்டின் கடல் உணவு பொருட்கள் ஏற்றுமதி, நடப்பு நிதியாண்டின் ஏப்ரல் முதல் டிசம்பர் வரையிலான ஒன்பது மாத காலத்தில், மதிப்பின் அடிப்படையில், 12 ஆயிரத்து 191 கோடி ரூபாயாக அதிகரித்துள்ளது.
தென் கிழக்கு ஆசிய நாடுகள்: இந்திய கடல் உணவுப் பொருட்களுக்கு, அமெரிக்கா, ஐரோப்பா, தென் கிழக்கு ஆசிய நாடுகள், ஜப்பான், சீனா, மலேசியா, சிங்கப்பூர் போன்ற நாடுகளில் அதிக தேவைப்பாடு உள்ளது. கடல் உணவு பொருட்கள் ஏற்றுமதியில், இறால், மீன் ஆகியவற்றின் பங்களிப்பு அதிகளவில் உள்ளது.
நடப்பு நிதியாண்டின் ஏப்ரல் முதல் டிசம்பர் வரையிலான ஒன்பது மாத காலத்தில், கடல் உணவு பொருட்கள் ஏற்றுமதி, ரூபாய் மதிப்பின் அடிப்படையில், 12 ஆயிரத்து 191 கோடி ரூபாயாக அதிகரித்துள்ளது. இது, இதற்கு முந்தைய நிதியாண்டின் இதே காலத்தில், மேற்கொள்ளப்பட்ட ஏற்றுமதியை விட, 21.68 சதவீதம் (10 ஆயிரத்து 18 கோடி ரூபாய்) அதிகம்.
மதிப்பீட்டு காலத்தில், அளவின் அடிப்படையில் இதன் ஏற்றுமதி, 1.48 சதவீதம் வளர்ச்சிகண்டு, 6 லட்சத்து 12 ஆயிரத்து 505 டன்னிலிருந்து, 6 லட்சத்து 21 ஆயிரத்து 577 டன்னாக உயர்ந்துள்ளது. டாலர் மதிப்பின் அடிப்படையில் இவற்றின் ஏற்றுமதி, 18.72 சதவீதம் வளர்ச்சியடைந்து, 221 கோடி டாலரிலிருந்து, 263 கோடி டாலராக அதிகரித்துள்ளது.
நாட்டின் மொத்த கடல் உணவு பொருட்கள் ஏற்றுமதி வாயிலான அன்னியச் செலாவணி வருவாயில், இறால்களின் பங்களிப்பு, 51.35 சதவீதம் என்றளவில் உள்ளது. அளவு, ரூபாய் மற்றும் டாலர் மதிப்பின் அடிப்படையில், இவற்றின் ஏற்றுமதி முறையே, 17.67 சதவீதம், 34.77 சதவீதம், 32.98 சதவீதம் அதிகரித்துள்ளது. தென் கிழக்கு ஆசிய நாடுகள், ஜப்பான் மற்றும் அமெரிக்க நாடுகளுக்கு, இறால் அதிகளவு ஏற்றுமதி செய்யப்பட்டுள்ளது.மதிப்பீட்டு காலத்தில், இந்தியாவிலிருந்து மேற்கொள்ளப்பட்ட கடல் உணவு பொருட்கள் ஏற்றுமதியில், அளவின் அடிப்படையில் அமெரிக்காவின் பங்களிப்பு, 38.34 சதவீதம் என்றளவில் உள்ளது.
ரூபாயின் வெளிமதிப்பு:இந்நாட்டிற்கு ரூபாய் மற்றும் டாலர் மதிப்பின் அடிப்படையில் மேற் கொள்ளப்பட்ட ஏற்றுமதி முறையே, 41.97 சதவீதம் மற்றும் 41.07 சதவீதம் என்றளவில் வளர்ச்சி கண்டுள்ளது. மேலும், ஏற்றுமதி அதிகரித்ததற்கு, அமெரிக்க டாலருக்கு எதிரான ரூபாயின் வெளிமதிப்பில் ஏற்பட்ட சரிவே காரணம் என கூறப்படுகிறது.
ஜப்பான் நாட்டிற்கான இறால் ஏற்றுமதி, அளவு, ரூபாய் மற்றும் டாலர் மதிப்பு அடிப்படையில் முறையே, 10.15 சதவீதம், 19.40 சதவீதம் மற்றும் 18 சதவீதம் வளர்ச்சிகண்டுள்ளது. மீன்கள் ஏற்றுமதியும், மதிப்பின் அடிப்படையில், 39.43 சதவீதமும், அளவு மற்றும் டாலர் மதிப்பின் அடிப்படையில், 19.1 சதவீதம் உயர்ந்துள்ளது.
கடல் உணவு பொருட்கள் ஏற்றுமதி சந்தையில், தென் கிழக்கு ஆசிய நாடுகளின் பங்களிப்பு, முதன் முறையாக டாலர் மதிப்பின் அடிப்படையில், 39.58 சதவீதம் உயர்ந்துள்ளது. அளவின் அடிப்படையில், இது, 25.75 சதவீதம் வளர்ச்சி கண்டுள்ளது.மேலும், இந்நாடுகளுக்கான கடல் உணவு பொருட்கள் ஏற்றுமதி, அளவின் அடிப்படையில் 43.19 சதவீதமும், ரூபாய் மற்றும் டாலர் மதிப்பில் முறையே, 103.7 சதவீதம் மற்றும் 95.99 சதவீதம் என்றளவில் வளர்ச்சிகண்டுள்ளது.
சந்தைப் பங்களிப்பு :கடல் உணவு பொருட்கள் ஏற்றுமதியில், ஐரோப்பிய நாடுகளின் சந்தைப் பங்களிப்பு 22 சதவீதமாக சரிவடைந்துள்ளது. மேலும், அமெரிக்கா (19 சதவீதம்), ஜப்பான் (14 சதவீதம்), சீனா (7 சதவீதம்), மேற்கு ஆசிய நாடுகள் (4 சதவீதம்), இதர நாடுகள் (8 சதவீதம்) என்ற அளவில் சந்தை பங்களிப்பைக் கொண்டுள்ளன.ஐரோப்பிய நாடுகளுக்கு, கடல் உணவு பொருட்கள் ஏற்றுமதி, அளவின் அடிப்படையில், 13.6 சதவீதம் உயர்ந்துள்ள நிலையில், டாலர் மதிப்பு அடிப்படையில், 1.3 சதவீதம் குறைந்துள்ளது.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 22,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 22,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 22,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 22,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 22,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்