பதிவு செய்த நாள்
21 மே2012
12:47
பல நாட்களாகக் காத்திருந்த பின்னர், இந்தியாவில் சாம்சங் காலக்ஸி எஸ்3 ஸ்மார்ட்போன் எப்போது விற்பனைக்கு வரும் என அறிவிக்கப்பட்டுள்ளது. இதன் விலை ரூ.38,000 எனக் குறிக்கப்பட்டுள்ளது. காலக்ஸி எஸ் 2 ஏற்படுத்திய பரபரப்பினால், பலரும் காலக்ஸி 3 ஸ்மார்ட் போனை ஆவலுடன் எதிர்பார்த்துக் காத்திருந்தனர். மே இறுதி வாரத்தில் ஐரோப்பிய நாடுகளில் வெளியான பின்னர், இந்தியாவில் ஜூன் முதல் வாரத்தில் இது கிடைக்கும். குறிக்கப்பட்ட விலையைக் காட்டிலும் ரூ.4,000 குறைவாக இது கிடைக்கலாம் என்று எதிர்பார்க்கப்படுகிறது. தைவான் நாட்டின் எச்.டி.சி. நிறுவனத்தின் ஒன் எக்ஸ் (‘One X’) என்ற ஸ்மார்ட் போனுக்குப் போட்டியாக, சாம்சங் கேலக்ஸி எஸ்3 சந்தையில் இறக்கிவிடப்பட்டுள்ளது. நிச்சயமாக சாம்சங் போனின் விலை எச்.டி.சி.யின் விற்பனையைப் பாதிக்கும் என்றே தோன்றுகிறது. கேலக்ஸி எஸ்3 யின் அம்சங்களை இங்கு பட்டியலிடலாம்.
1. டச் விஸ் தொழில் நுட்பத்துடன் ஆண்ட்ராய்ட் 4.0 ஐஸ்கிரீம் சாண்ட்விச் இயக்கத்துடன் கிடைக்கிறது.
2. 1.4 கிகா ஹெர்ட்ஸ் குவார் கோர் எக்ஸைனோஸ் 4212 ப்ராசசர்
3. 4.8 அங்குலத்திரையில், 1280 x 720 ரெசல்யூசனில் எச்.டி. சூப்பர் AMOLED டிஸ்பிளே.
4. ஆட்டோ போகஸ் திறனுடன் 8 எம்.பி. கேமரா, எல்.இ.டி. ப்ளாஷ், BSI சென்சார், 1080p HD வீடியோ ரெகார்டிங் எனப் பல தரப்பட்ட வசதி.
5. வீடியோ சேட் வசதிக்கென முன் பக்கமாக 1.9 எம்.பி. கேமரா,
6. உள் நினைவகமாக 16/32/64 ஜிபி; 64 ஜிபி வரை அதிகப்படுத்த வசதி.
7. 1 ஜிபி ராம் நினைவகம்.
8. நெட்வொர்க் இணைப்பிற்கென NFC, WiFi, DLNA, GLONASS, microUSB 2.0, HDMI, Bluetooth 4.0 ஆக பல தரப்பட்ட வசதிகள்.
மேலும் சந்தையில் புதுசு செய்திகள்
|
Advertisement
|
Advertisement
|
Advertisement
|
|
|
|