பதிவு செய்த நாள்
22 ஜூன்2012
03:32
புதுடில்லி:ஆண்டுக்கு 10 லட்சம் ரூபாய் வரை வருவாய் ஈட்டும் வழக்கறிஞர்களுக்கு, 12 சதவீத சேவை வரியில் இருந்து விலக்கு அளிக்கப்பட்டுள்ளது. இத்துடன் ஒரு வழக்கறிஞர், சக வழக்கறிஞருக்கு வழங்கும் சேவை உள்பட, 14 சேவைகளுக்கு, மத்திய அர" வரி விலக்கு அளித்துள்ளது.வாடகை நூலகம், பொது நூலகங்கள் வெளியிடுகிற வெளியீடுகள் மற்றும் அறிவுசார் பதிப்புகள், அரசு மற்றும் பொதுத் துறையைச் சேர்ந்த விமானங்களைப் பழுது பார்த்தல், பராமரித்தல் உள்ளிட்ட சேவைகளுக்கு வரி விலக்கு அளிக்கப்பட்டுள்ளது.
மேலும், பொதுக் கழிப்பிடம் மற்றும் குளியலறை, துணை கல்விச் சேவை, ஜவகர்லால் நேரு நகர்ப்புற புனரமைப்பு திட்டம் மற்றும் ராஜீவ் ஆவாஸ் யோஜனா திட்டம், அரசின் பெருநகர கட்டுமானத் திட்டங்கள், 10 லட்ச ரூபாய் வரை விற்றுமுதல் கொண்ட நிறுவனங்கள் ஆகியவற்றுக்கும் சேவை வரி விலக்கு அளிக்கப்பட்டுள்ளது.இந்த வரி விலக்கு, வரும் ஜூலை 1ம் தேதி முதல் நடைமுறைக்கு வருகிறது. இதையடுத்து, வரி விலக்கு பெற்ற சேவைகளின் மொத்த எண்ணிக்கை 38 ஆக உயர்ந்துள்ளது. தற்போது 119 சேவைகளுக்கு வரி விதிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|