உலகளவில், சொகுசு கார் விற்பனையில் முன்னணியில் இருப்பது ஜெர்மனியை சேர்ந்த பி.எம்.டபிள்யூ., நிறுவனம். இந்த நிறுவனம் தனது 3 சிரீஸ் மாடல் காரை, 1975ம் ஆண்டு உருவாக்கியது. தற்போது ஆறாவது தலைமுறையை சேர்ந்த 3 சிரீஸ் கார் வந்து விட்டது. இந்தியாவில், பி.எம்.டபிள்யூ., நிறுவனம் காலடி எடுத்து வைத்து ஐந்து ஆண்டுகளாகி விட்டது. இருந்தாலும், தற்போது தான் 3 சிரீஸ் காரை, இந்தியாவில் அறிமுகப்படுத்தியுள்ளது.
மும்பையில், எஃப் 30 3 சிரீஸ் காரை, கிரிக்கெட் வீரர் சச்சின் டெண்டுல்கர் அறிமுகப்படுத்தினார். பெட்ரோல் மற்றும் டீஸல் என இரண்டு வகைகளிலும் இந்த கார் கிடைக்கும். டீஸல் காரில், 2 லிட்டர், 4 சிலிண்டர் காமன் ரயில் டர்போ டீஸல் இன்ஜின் பொருத்தப்பட்டுள்ளது. இந்த கார் அதிகபட்சமாக, மணிக்கு 235 கி.மீ., வேகம் செல்ல கூடியது. பூஜ்ஜியத்தில் இருந்து 100 கி.மீ., வேகத்தை, 7.6 வினாடிகளில் தொட்டு விடும். பெட்ரோல் காரில், 2 லிட்டர் பெட்ரோல் இன்ஜின் பொருத்தப்பட்டுள்ளது. இந்த கார், பூஜ்ஜியத்தில் இருந்து 100 கி.மீ., வேகத்தை, 6.1 வினாடிகளில் தொட்டு விடும். அதிகபட்சமாக, மணிக்கு 235 கி.மீ., வேகத்தில் செல்ல கூடியது. பெட்ரோல் மற்றும் டீஸல் கார்களில், 8 ஸ்பீடு ஆட்டோமேடிக் டிரான்ஸ்மிஷன் வசதி உள்ளது. டீஸல் கார், ஒரு லிட்டருக்கு, 18.88 கி.மீ., மைலேஜும், பெட்ரோல் கார், 14.79 கி.மீ., மைலேஜும் தரும் என்று நிறுவனம் தரப்பில் தெரிவிக்கப்பட்டுள்ளது.
பி.எம்.டபிள்யூ., 3 சிரீஸ் கார், ஐந்து வேரியன்ட்களில் கிடைக்கும். இதன் விலை ரூ.28.90 லட்சத்தில் துவங்கி, ரூ.37.90 லட்சம்( எக்ஸ் ஷோரூம், டில்லி) வரை உள்ளது.

மேலும் சந்தையில் புதுசு செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 09,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 09,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 09,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 09,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 09,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்