புதுடில்லி:இந்தியாவின் மொத்த உள்நாட்டு உற்பத்தி குறித்த மதிப்பீட்டை மூடீஸ் நிறுவனம் குறைத்திருப்பது கவலை அளிக்கிறது. இருப்பினும், நாட்டின் அடிப்படை பொருளாதாரம் வலுவாகவே உள்ளது என, பிரதமர் மன்மோகன்சிங் தெரிவித்தார்.அண்மையில், நடப்பு நிதியாண்டில், இந்தியாவின் பொருளாதார வளர்ச்சி, 5.5 சதவீதமாகத்தான் இருக்கும் என, மூடீஸ் நிறுவனம் அறிவித்தது.
மேலும், வரும் 2013-14ம் நிதியாண்டில், பொருளாதார வளர்ச்சி 6.2 சதவீதத்தில் இருந்து 6 சதவீதமாக குறையும் என, மறுமதிப்பீடு செய்துள்ளது.சர்வதேச அளவில் ஸ்திரத்தன்மையற்ற நிலை காணப்படுகிறது. ஆனால், மத்திய அரசோ அல்லது ரிசர்வ் வங்கியோ மிகச் சிறிய அளவிலேயே கொள்கை முடிவுகளை எடுத்துள்ளன. அதனால், சரிவில் இருந்து பொருளாதாரத்தை மீட்டெடுப்பதற்கான அறிகுறி எதுவும் தென்படவில்லை என, மூடிஸின் மூத்த பொருளாதார ஆய்வாளர் கிளென் லெவின் தெரிவித்திருந்தார்.
இது குறித்து பிரதமர் கூறியதாவது: இந்தியாவின் பொருளாதார வளர்ச்சி குறித்த மதிப்பீடு குறைக்கப்பட்டுள்ளது கவலை அளிக்கிறது. எனினும், தேவையற்ற முடிவுகளுக்கு ஒருவர் வரக்கூடாது. இந்திய பொருளாதாரத்திற்கான அடிப்படை காரணிகள் வலுவாக உள்ளன. உலகிலேயே, இந்தியாவில்தான் முதலீடுகளும், சேமிப்பும் அதிகமாக உள்ளன. கடந்த நிதியாண்டில், மொத்த உள்நாட்டு உற்பத்தி 6.5 சதவீதமாக இருந்தது. நடப்பு நிதியாண்டில், இதற்கும் மேலான வளர்ச்சி எட்டப்படும் என நம்புகிறேன். இவ்வாறு பிரதமர் தெரிவித்தார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 12,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 12,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 12,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 12,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 12,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்