பதிவு செய்த நாள்
18 ஆக2012
00:16
ஐதராபாத்:நடப்பு ஆண்டில்,ஏப்.,- ஜூன் வரையிலான இரண்டாவது காலாண்டில், சர்வதேச அலைபேசி சாதனங்கள் விற்பனை, 41.90 கோடியாக குறைந்துள்ளது. இது, முந்தைய 2011ம் ஆண்டின் இதே காலத்தில், மேற்கொள்ளப்பட்ட விற்பனையை விட, (42.87 கோடி அலைபேசி சாதனங்கள்) 2.3 சதவீதம் குறைவு என, கார்ட்னர் ஆய்வு நிறுவனம் தெரிவித்துள்ளது.மதிப்பீட்டு காலத்தில், சாம்சங் நிறுவனத்தின் அலைபேசி சாதனங்கள் விற்பனை, 6.98 கோடியிலிருந்து, 9.04 கோடி என்றளவில் மிகவும் அதிகரித்துள்ளது.
அதே சமயம், நோக்கியா நிறுவனத்தின் விற்பனை, 9.79 கோடியிலிருந்து, 8.34 கோடியாக குறைந்துள்ளது. ஆப்பிள் நிறுவனத்தின் விற்பனை, 1.96 கோடியிலிருந்து, 2.89 கோடியாக உயர்ந்துள்ளது.எல்.ஜி. எலக்ட்ரானிக்ஸ் நிறுவனத்தின் அலைபேசி சாதனங்கள் விற்பனை, 2.44 கோடியிலிருந்து, 1.43 கோடியாகவும், எச்.டி.சி.நிறுவனத்தின் விற்பனை, 1.10 கோடியிலிருந்து, 93 லட்சமாகவும் குறைந்துள்ளது.
மோட்டோரோலா நிறுவனத்தின் விற்பனை, 1.02 கோடியிலிருந்து, 92 லட்சமாகவும், ரிசர்ச் இன் மோஷன் நிறுவனத்தின் விற்பனை, 1.26 கோடியிலிருந்து, 80 லட்சமாகவும் குறைந்துள்ளது. இது தவிர, இதர சில நிறுவனங்களின் விற்பனையும் சரிந்துள்ளது.சர்வதேச அளவில், ஒட்டுமொத்த அலைபேசி சாதன விற்பனையில், "ஸ்மார்ட்' போன்களின் பங்களிப்பு, 36.7 சதவீதம் என்றளவில் உள்ளது. இது, கடந்த இரண்டாவது காலாண்டில், 42.7 சதவீதம் வளர்ச்சிகண்டுள்ளது என்பது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|