பதிவு செய்த நாள்
19 செப்2012
05:35
புதுடில்லி:சென்ற ஆகஸ்ட் மாதத்தில், நுகர்வோர் விலை குறியீட்டு எண் அடிப்படையில் கணக்கிடப்படும், சில்லரை பணவீக்கம், 10.03 சதவீதமாக அதிகரித்துள்ளது. இது, முந்தைய ஜூலை மாதத்தில், 9.86 சதவீதம் என்ற அளவில் இருந்தது என, மத்திய அரசு தெரிவித்துள்ளது.நடப்பாண்டு ஆகஸ்ட் மாதத்தில், காய்கறிகள் விலை, 20.79 சதவீதம் என்ற அளவில் மிகவும் அதிகரித்திருந்தது. இதனால் தான், சில்லரை பணவீக்கம் உயர்ந்துள்ளது.
மதிப்பீட்டு மாதத்தில், நகரங்களுக்கான, சில்லரை பணவீக்கம், 10.10 சதவீதத்திலிருந்து, 10.19 சதவீதமாகவும், கிராமங்களுக்கான பணவீக்கம், 9.76 சதவீதம் என்ற அளவிலிருந்து, 9.90 சதவீதமாகவும் அதிகரித்துள்ளது.சென்ற ஆகஸ்ட் மாதத்தில், நுகர்வோர் விலை குறியீட்டு எண் அடிப்படையில் கணக்கிடப்படும், உணவு மற்றும் குளிர்பானங்கள் பிரிவிற்கான சில்லரை பணவீக்கம், 12.03 சதவீதம் என்ற அளவில் உயர்ந்துள்ளது. சில்லரை விற்பனையில், சமையல் எண்ணெய் விலை 18.41 சதவீதம் என்ற அளவில் உயர்ந்திருந்தது. மேலும், சர்க்கரை (17.51 சதவீதம்), பருப்பு வகைகள் (16.04 சதவீதம்) ஆகியவற்றின் விலையும் உயர்ந்திருந்தன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|