மும்பை:நாட்டின் பங்கு வர்த்தகம் வாரத்தின் தொடக்க தினமான, திங்கட்கிழமையன்று மிகவும் மோசமாக இருந்தது. சர்வதேச நிலவரங்கள் சாதகமாக இல்லாததையடுத்து, இந்திய பங்குச் சந்தைகளில், வர்த்தகம் சுணக்கமாகவே இருந்தது. இந்நிலையில், லாப நோக்கம் கருதி, முதலீட்டாளர்கள் அதிகளவில் பங்குகளை விற்பனை செய்ததையடுத்து, கடந்த 10 நாட்களில் இல்லாத அளவாக, பங்கு வியாபாரம் சரிவைக் கண்டது.உலக வங்கி, கிழக்கு ஆசிய நாடுகளின் பொருளாதார வளர்ச்சியை குறைத்து மதிப்பீடு செய்துள்ளது.
மேலும், கடன் நெருக்கடி குறித்து, ஐரோப்பிய நாடுகளின் நிதி அமைச்சகர்கள் கூட்டத்தில் ஆலோசிக்கப்பட உள்ளது போன்றவற்றால், ஐரோப்பா மற்றும் இதர ஆசியப் பங்குச் சந்தைகளில், வர்த்தகம் மந்தமாக காணப்பட்டது. இதன் தாக்கம், இந்திய பங்குச் சந்தைகளிலும் எதிரொலித்தது.நேற்று நடைபெற்ற பங்கு வியாபாரத்தில், ரியல் எஸ்டேட், எண்ணெய், எரிவாயு, பொறியியல் பொருட்கள், நுகர்வோர் சாதனங்கள் உள்ளிட்ட, பல துறைகளைச் சேர்ந்த நிறுவனப் பங்குகளின் விலை சரிவடைந்து போனது.
இருப்பினும், ஆரோக்யபராமரிப்பு துறையைச் சேர்ந்த நிறுவனப் பங்குகளுக்கு ஓரளவிற்கு தேவை இருந்தது. மும்பை பங்குச் சந்தையின் குறியீட்டு எண், வர்த்தகம் முடியும் போது, 229.48 புள்ளிகள் வீழ்ச்சி கண்டு, 18,708.98 புள்ளிகளில் நிலைகொண்டது. வர்த்தகத்தின் இடையே, அதிகபட்சமாக, 18,969.19 புள்ளிகள் வரையிலும், குறைந்தபட்சமாக, 18,684.40 புள்ளிகள் வரையிலும் சென்றது.'சென்செக்ஸ்' கணக்கிட உதவும், 30 நிறுவனங்களுள், ரிலையன்ஸ்,ஹிண்டால்கோ, பீ.எச்.இ.எல்., எல் அண்டு டி உள்ளிட்ட 22 நிறுவனப் பங்குகளின் விலை சரிவடைந்தும், சன்பார்மா, பார்தி ஏர்டெல், சிப்லா, ஜிந்தால் ஸ்டீல், ஐ.டி.சி., உள்ளிட்ட 8 நிறுவனப் பங்குகளின் விலை உயர்ந்தும் காணப்பட்டன.தேசிய பங்குச் சந்தையின் குறியீட்டு எண், 'நிப்டி' 70.95 புள்ளிகள் குறைந்து, 5,676 புள்ளிகளில் நிலைபெற்றது. வர்த்தகத்தின் இடையே அதிகபட்சமாக, 5,751.85 புள்ளிகள் வரையிலும், குறைந்தபட்சமாக, 5,666.20 புள்ளிகள் வரையிலும் சென்றது.

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 09,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 09,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 09,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 09,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 09,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்