பதிவு செய்த நாள்
19 அக்2012
01:08
புதுடில்லி: உலகளவில், அலைபேசிச் சேவையில் அதிக வாடிக்கையாளர்களுடன் செயல்பட்டு வரும், 20 நிறுவனங்களின் பட்டியலில், இந்தியாவை சேர்ந்த நான்கு நிறுவனங்கள் இடம் பெற்றுள்ளன.ஏப்ரல் முதல் ஜூன் வரையிலான காலாண்டில், அலைபேசி நிறுவனங்களின் வாடிக்கையாளர் பட்டியலை, "ஒயர்லெஸ் இண்டெலிஜன்ஸ்' என்ற ஆய்வு நிறுவனம் வெளியிட்டுள்ளது.இதில், சைனா மொபைல் நிறுவனம், 68 கோடி வாடிக்கையாளர்களுடன் முதலிடத்தில் உள்ளது. இதையடுத்து, வோடபோன் நிறுவனம், 38 கோடி வாடிக்கையாளர்களுடன் இரண்டாவது இடத்திலும், அமெரிக்கா மோவில் நிறுவனம், 25.18 கோடி வாடிக்கையாளர்களுடன், மூன்றாவது இடத்திலும் உள்ளன. இந்தியாவைச் சேர்ந்த பார்தி ஏர்டெல் நிறுவனம், 25 கோடி வாடிக்கையாளர்களுடன் நான்காவது இடத்தில் உள்ளது.இப்பட்டியலில், இதர இந்திய நிறுவனங்களான, ரிலையன்ஸ் கம்யூனிகேஷன், 15 கோடி வாடிக்கையாளர்களுடன், எட்டாவது இடத்திலும், ஐடியா செல்லுலார் நிறுவனம், 11 கோடி சந்தாதாரர்களுடன், 14வது இடத்திலும், பொதுத் துறையை சேர்ந்த பி.எஸ்.என்.எல்.,நிறுவனம் 9.80 கோடி வாடிக்கையாளர்களுடன், 20வது இடத்திலும் உள்ளன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|