புதுடில்லி: வரும் டிசம்பர் மாதத்திற்குள், பொதுத் துறை நிறுவனங்களின் பங்கு விற்பனை மூலம், 13 ஆயிரம் கோடி ரூபாய் திரட்ட முடியும் என, மத்திய நிதி அமைச்சகம் தெரிவித்துள்ளது.மத்திய அரசு, நடப்பு 2012-13ம் நிதியாண்டில், பொதுத் துறை நிறுவனங்களுடன் கொண்டுள்ள, மொத்த பங்கு மூலதனத்தில், குறிப்பிட்ட சதவீத பங்குகளை விற்பனை செய்வதன் மூலம், 30 ஆயிரம் கோடி ரூபாய் திரட்ட இலக்கு நிர்ணயித்துள்ளது.இதில், வரும் டிசம்பருக்குள், 13 ஆயிரம் கோடி ரூபாய் திரட்ட முடியும் என, மத்திய பொருளாதார விவகாரங்கள் துறையின் செயலர், அரவிந்த் மயாராம் தெரிவித்தார்.பொதுத் துறை நிறுவனங்களின் பங்கு விற்பனை மூலம், நிர்ணயிக்கப்பட்ட இலக்கு எட்டப்படும் நிலையில், மத்திய அரசின் நிதிப்பற்றாக்குறை, 5.3 சதவீதமாக இருக்கும் என, மதிப்பிடப்பட்டுள்ளது. வரும் 2016-17ம் நிதியாண்டில், நாட்டின் நிதி பற்றாக்குறையை, 3 சதவீதம் என்ற அளவில் குறைக்க திட்டமிடப்பட்டுள்ளது.ஆயில் இந்தியா, எம்.எம்.டி.சி., இந்துஸ்தான் காப்பர் மற்றும் நால்கோ ஆகிய நான்கு நிறுவனங்களின் பங்கு வெளியீட்டிற்கு, மத்திய அமைச்சரவை குழு ஒப்புதல் அளித்துள்ளது. இந்நிறுவனங்களின் பங்கு வெளியீடுகள் மேற்கொள்ளப்படும் நிலையில், அரசுக்கு, 15 ஆயிரம் கோடி ரூபாய் கிடைக்கும் என, அரவிந்த் மயாராம் மேலும் தெரிவித்தார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 26,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 26,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 26,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 26,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 26,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்