ஐரோப்பிய நாடுகளில் உள்ள, பென்ஸ், பி.எம்.டபிள்யூ., ஆடி உள்ளிட்ட சொகுசு கார் நிறுவனங்கள், இந்தியாவிலும் தொழிற்சாலைகளை அமைத்துள்ளன. எனினும், சில மாடல் கார்களை, வெளிநாடுகளில் உள்ள தொழிற்சாலைகளில் உற்பத்தி செய்து, முழுமையான காராக, இந்தியாவுக்கு இறக்குமதி செய்து, விற்பனை செய்கின்றன. இவ்வகை கார்களை, "கம்ப்ளிட்லி பில்ட் யூனிட்(சி.பி.யூ.,)' என்று அழைக்கின்றனர். 2012-13 ஆண்டுக்கான பொது பட்ஜெட்டில், இவ்வகை கார்கள் மீதான சுங்க வரி, 60 சதவீதத்தில் இருந்து, 75 சதவீதமாக உயர்த்தப்பட்டது. அதாவது, ரூ.20 லட்சத்துக்கும் அதிகமான விலை கொண்ட, 3,000 சிசி இன்ஜின் பொருத்தப்பட்ட பெட்ரோல் கார்கள் மற்றும் 2,500 சிசி இன்ஜின் பொருத்தப்பட்ட டீஸல் கார்களுக்கு, கூடுதலாக, 15 சதவீதம் சுங்க வரி வசூலிக்கப்படுகிறது.
இந்த சூழ்நிலையில், இந்தியா மற்றும் ஐரோப்பிய யூனியன் இடையேயான, வர்த்தக உடன்பாட்டின் கீழ், பெரிய கார்கள் மீதான வரியை குறைக்க வேண்டும் என்ற கோரிக்கை, ஐரோப்பிய நாடுகளில் இருந்து எழுப்பப்பட்டுள்ளது. ஆனால், இந்திய ஆட்டோமொபைல் உற்பத்தியாளர்கள் சங்கம்( சியாம்), இதற்கு கடும் எதிர்ப்பு தெரிவித்து வருகிறது.
இந்தியாவில் முதலீடு செய்துள்ள கார் நிறுவனங்களுக்கு, இந்த நடவடிக்கை பாதிப்பை ஏற்படுத்தும். வேலை வாய்ப்பும் குறையும் என்று, "சியாம்' அமைப்பு கூறி
வருகிறது. இந்த சூழ்நிலையில், டில்லியில் சமீபத்தில் நிருபர்களிடம் பேசிய, மத்திய கனரக தொழிற்சாலைகள் மற்றும் பொதுத்துறை நிறுவனங்கள் துறை அமைச்சர் பிரஃபுல் பட்டேல், "ஐரோப்பாவில் இருந்து இறக்குமதி செய்யப்படும் சொகுசு கார்களுக்கு, இந்திய - ஐரோப்பிய யூனியன் வர்த்தக உடன்பாட்டின் கீழ், வரிச்சலுகை அளிக்க வேண்டும் என்ற கோரிக்கையை, எனது அமைச்சகம் ஏற்றுக் கொள்ள தயாராக இருக்கிறது. எனினும், இந்த விஷயத்தில் அனைத்து தரப்பினரும் ஏற்றுக் கொள்ளக்கூடிய நடவடிக்கையே அமலுக்கு வரும். அதே நேரத்தில், இந்த விஷயத்தில், மத்திய அரசின் நிலைப்பாட்டில், இதுவரை எந்த மாற்றமும் இல்லை' என்று குறிப்பிட்டார். அமைச்சர் பிரஃபுல் பட்டேல் கூறியதன் மூலம், ஐரோப்பிய நாடுகளில் இருந்து இறக்குமதி செய்யப்படும், சொகுசு கார்கள் மீதான வரி, வரும் காலத்தில் குறைய வாய்ப்பு ஏற்பட்டுள்ளது. இதன் காரணமாக, இவ்வகை கார்களின் விலையும் குறைய வாய்ப்பு ஏற்பட்டுள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 13,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 13,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 13,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 13,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 13,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்