புதுடில்லி:சிறப்பு பொருளாதார மண்டலங்களில், முதலீடு செய்துள்ள நிறுவனங்கள் மீது விதிக்கப்பட்டுள்ள, குறைந்தபட்ச மாற்று வரியை (மேட்) திரும்பப் பெற வேண்டும் என, அசோசெம் கோரிக்கை விடுத்துள்ளது.மத்திய அரசு, நாட்டின் ஏற்றுமதியை ஊக்குவிக்கும் வகையில், சிறப்பு பொருளாதார மண்டலங்கள் அமைக்கத் திட்டமிட்டது.
இதன்படி, நாடு தழுவிய அளவில், 588 சிறப்பு பொருளாதார மண்டலங்கள் அமைப்பதற்கு, முறைப்படியான ஒப்புதல் வழங்கியது. இதில், 161 மண்டலங்களே செயல்பாட்டில் உள்ளன.சென்ற செப்டம்பர் மாதம் வரையிலுமாக, இம்மண்டலங்களில் மேற்கொள்ளப்பட்ட மொத்த முதலீடுகளின் மதிப்பு, 2.19 லட்சம் கோடி ரூபாய் என்ற அளவில் உள்ளது. இம்மண்டலங்களில் தொழிற்சாலைகள் அமைத்துள்ள நிறுவனங்கள் வாயிலாக, 9 லட்சத்துக்கும் அதிகமானோர் வேலைவாய்ப்பு பெற்றுள்ளனர்.
சிறப்பு பொருளாதார மண்டலங்களில், முதலீடு செய்துள்ள நிறுவனங்கள் மீது, மத்திய அரசு, கடந்த, 2010-11ம் ஆண்டு, குறைந்தபட்ச மாற்று வரி, டிவிடெண்டு வினியோக வரி ஆகியவற்றை விதித்தது.இது, இந்நிறுவனங்களுக்கு அதிக இடர்ப்பாடாக உள்ளதாக கருதப்படுகிறது. எனவே, இந்த வரி விதிப்புகளை திரும்பப் பெற வேண்டும் என, பல்வேறு தொழில் அமைப்பினர் கோரிக்கை விடுத்து வருகின்றனர்.
இந்நிலையில், வரும் 2013-14ம் நிதியாண்டிற்கான மத்திய பட்ஜெட், வரும் 28ம் தேதி தாக்கல் செய்யப்பட உள்ளது. இதில், சிறப்பு பொருளாதார மண்டலங்கள் மீது விதிக்கப்பட்டுள்ள வரிகளை திரும்பப் பெற வேண்டும் என, அசோசெம், அரசுக்கு கோரிக்கை விடுத்துள்ளது.சென்ற, 2011 - 12ம் நிதியாண்டில், நாட்டின் மொத்த ஏற்றுமதியில், சிறப்பு பொருளாதார மண்டலங்கள் வாயிலாக மேற்கொள்ளப்பட்ட ஏற்றுமதி மதிப்பு, 3.65 லட்சம் கோடி ரூபாயாக இருந்தது என்பது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 04,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 04,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 04,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 04,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 04,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்