புதுடில்லி:பொதுத் துறையை சேர்ந்த, 17 வங்கி களின், டெபாசிட் செலவினம் அதிகரித்துள்ளதால், அவற்றின் லாபம் குறைய வாய்ப்புள்ளது.
போட்டி:வங்கிகளிடையே வாடிக்கையாளர்கள் எண்ணிக்கையை உயர்த்தி, அதிக அளவில், டெபாசிட்டை திரட்டுவதில் போட்டி நிலவுகிறது. இதற்காக, வங்கிகள், மிக அதிக தொகையை, சேமிப்பு கணக்கில் டெபாசிட் செய்யும் வாடிக்கையாளர் களுக்கு, நிர்ணயிக்கப்பட்டதை விட, கூடுதல் வட்டியை வழங்குகின்றன. இத்தகைய செயல்பாடுகளால், வங்கிகளின் டெபாசிட் செலவினம் உயர்கிறது. இதை கட்டுப்படுத்தும் நோக்கில், கடந்த, 2012ம் ஆண்டு செப்., 26ம் தேதி, மத்திய நிதி அமைச்சகம், அனைத்து வங்கிகளுக்கும் சுற்றறிக்கை அனுப்பியது.
அதில், ஒரு வங்கியின் மொத்த டெபாசிட்டில், அதிக செலவின டெபாசிட்டின் பங்களிப்பு, 15 சதவீதத்திற்கு மிகாமல் இருக்க வேண்டும் என, தெரிவிக்கப்பட்டிருந்தது.அதிக செலவின டெபாசிட் பிரிவில், நிர்ணயிக்கப்பட்டதை விட, கூடுதலாக டெபாசிட் திரட்டி இருந்தால், அதை வங்கிகள் குறைத்துக் கொள்ள வேண்டும் எனவும்,
அறிவுறுத்தப்பட்டிருந்தது.
ஆனால், சென்ற 2012ம் ஆண்டு, ஏப்ரல் முதல் டிசம்பர் வரையிலான ஒன்பது மாதங்களில், பொதுத் துறையை சேர்ந்த ஏழு வங்கிகள் மட்டுமே, அரசு நிர்ணயித்ததை விட, குறைவாக, அதிக செலவின டெபாசிட்டுகளை திரட்டி உள்ளன.பொதுத் துறையை சேர்ந்த, 17 வங்கிகளின் மொத்த டெபாசிட்டில், அதிக செலவின டெபாசிட் பிரிவின் பங்களிப்பு, 15.31 சதவீதம் முதல், 36.10 சதவீதம் வரை உள்ளது. இது, நிர்ணயிக்கப்பட்ட இலக்கை விட அதிகமாகும்.
செலவினம்:ஐ.டீ.பீ.ஐ. பேங்க்-ன் சராசரி டெபாசிட் செலவினம், 8.49 சதவீதமாக உள்ளது. அது போன்று, பஞ்சாப் அண்டு சிந்த் பேங்க் (8.31 சதவீதம்), கார்ப்பரேஷன் பேங்க் (8.15 சதவீதம்), விஜயா பேங்க் (8.09 சதவீதம்) ஆகியவற்றின் சராசரி டெபாசிட் செலவினம், இதர வங்கிகளை விட, அதிகமாக உள்ளது.இதனால், 17 பொதுத் துறை வங்கிகளின் நிகர லாபத்தில் சரிவு ஏற்பட வாய்ப்புள்ளது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 03,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 03,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 03,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 03,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 03,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்