பதிவு செய்த நாள்
30 ஏப்2013
00:50
துபாய்;உலக அளவில் விமானச் சேவையில் ஈடுபட்டு வரும் நிறுவனங்களின் லாபம், நடப்பு 2013ம் ஆண்டில், 750 கோடி டாலரை (41,250 கோடி ரூபாய்) எட்டும் என, சர்வதேச விமான போக்குவரத்து கூட்டமைப்பு (ஐ.ஏ.டி.ஏ.,) தெரிவித்துள்ளது.நடப்பாண்டில், சர்வதேச அளவில் பயணிகளை கையாள்வதில், ஆசிய பசிபிக் மற்றும் மத்திய கிழக்கு நாடுகளில் உள்ள விமானச் சேவை நிறுவனங்களின் பங்களிப்பு, குறிப்பிடத்தக்க அளவிற்கு இருக்கும். எனவே, இந்நாடுகளில் உள்ள விமானச் சேவை நிறுவனங்களின் செயல்பாட்டு, லாபம் அதிகரிக்கும்.
குறிப்பாக, சென்ற 2009ம் ஆண்டில், சர்வதேச விமான சேவை நிறுவனங்களின் லாபம், 460 கோடி டாலராக இருந்தது. இது, நடப்பாண்டில், 750 கோடி டாலராக வளர்ச்சி காணும் என, மதிப்பிடப்பட்டுள்ளது.வரும் 2031ம் ஆண்டிற்குள், உலகளவில், அதிகமான பயணிகளை கையாள்வதில், ஆசிய பசிபிக் நாடுகள், 32 சதவீத பங்களிப்பை கொண்டு முன்னிலை வகிக்கும். இதே போன்று, மத்திய கிழக்கு நாடுகளின் பங்களிப்பும், தற்போதைய, 7 சதவீதத்திலிருந்து, 11 சதவீதம் என்ற அளவில் வளர்ச்சி காணும் என, ஐ.ஏ.டி.ஏ., மேலும் தெரிவித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|