பதிவு செய்த நாள்
14 அக்2013
00:31
புதுடில்லி:நடப்பாண்டின் ஜூலை முதல் செப்டம்பர் வரையிலான, மூன்று மாத காலத்தில், ஆசிய பசிபிக் நாடுகளில், கம்ப்யூட்டர் விற்பனை, 11.2 சதவீதம் சரிவடைந்து, 2.81 கோடியாக குறைந்துள்ளது.இந்தியா மற்றும் இந்தோனேஷிய நாடுகளில், ரூபாய் மதிப்பு முன் எப்போதும் இல்லாத அளவில் சரிவடைந்ததையடுத்து, மதிப்பீட்டு காலாண்டில், கம்ப்யூட்டர் விற்பனை குறிப்பிடத்தக்க அளவிற்கு குறைந்து போயுள்ளது என, கார்ட்னர் ஆய்வுநிறுவனம் தெரிவித்துள்ளது.
மதிப்பீட்டு காலாண்டில், சர்வதேச அளவிலும், கம்ப்யூட்டர் விற்பனை, 8.6 சதவீதம் வீழ்ச்சி கண்டு, 8.03 கோடியாக சரிவடைந்துள்ளது. தொடர்ந்து, ஆறு காலாண்டுகளாக, சர்வதேச அளவில் கம்ப்யூட்டர் விற்பனை, சரிவடைந்து வருகிறது என்பது குறிப்பிடத்தக்கது.கணக்கீட்டு கலாண்டில், சர்வதேச அளவில், கம்ப்யூட்டர் விற்பனையில், லெனோவா நிறுவனம், 17.6 சதவீத சந்தை பங்களிப்புடன் முதலிடத்திலும், எச்.பி., நிறுவனம், 17.1 சதவீத பங்களிப்புடன் இரண்டாம் இடத்திலும் உள்ளன.இதையடுத்து, டெல், ஏசர் மற்றும் அசஸ் நிறுவனங்கள் முறையே, மூன்று, நான்கு மற்றும் ஐந்தாம் இடங்களில் உள்ளன என, கார்ட்னர் மேலும் தெரிவித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|