திருப்பூர்: பருத்தி வரத்து துவங்கியுள்ளதையடுத்து, கேண்டி 44 ஆயிரம் ரூபாயாக பஞ்சு விலை குறைந்துள்ளது. இதனால், நூல் விலையை குறைக்க நூற்பாலைகள் திட்டமிட்டு வருகின்றன.
பருத்தி அறுவடையாகும், அக்., - ஏப்., வரையிலான மாதங்கள் பருத்தி ஆண்டாக கணக்கிடப்படுகிறது. கடந்த பருத்தி ஆண்டில் (2012-13), ஏற்றுமதிக்கு தடை விதிக்காததால், சீனா, வங்கதேசம் போன்ற நாடுகளுக்கு அதிகளவில் பருத்தி பஞ்சு ஏற்றுமதி செய்யப்பட்டது. அதனால், ஏப்., இறுதி முதல், பஞ்சு விலை அபரிமிதமாக உயர்ந்து, கேண்டி 54,000 ரூபாயை தொட்டது. இதை காரணம் காட்டி, தமிழக நூற்பாலைகள், நூல் விலையை படிப்படியாக கிலோவுக்கு 30 ரூபாய் வரை உயர்த்தின. தற்போது, பருத்தி பஞ்சு ஏற்றுமதிக்கு மத்திய அரசு 10 சதவீதம் வரி விதித்துள்ளது; நூல் ஏற்றுமதிக்கு வழங்கிய சலுகைகளும் ரத்து செய்யப்பட்டுள்ளன. தற்போது, புதிய சீசன் துவங்கியுள்ளதால், வெளிமாநிலங்களில் இருந்து பருத்தி வரத்து துவங்கியுள்ளது. கடந்த மாத இறுதிவரை, ஒரு கேண்டி 48,000 ரூபாயாக இருந்த பருத்தி பஞ்சு விலை, 44,000 ரூபாயாக குறைந்துள்ளது. புதிய சீசன் துவக்கம், பஞ்சு ஏற்றுமதிக்கு மத்திய அரசு விதித்துள்ள கட்டுப்பாடு, வங்கதேசம், சீனாவில் ஏற்பட்டுள்ள உற்பத்தி பாதிப்புகளால், உள்நாட்டில் பஞ்சு விலை மேலும் குறைய வாய்ப்புள்ளது. இதனால், திருப்பூரில் உள்ள நூற்பாலைகள், நூல் விலையை கிலோவுக்கு 7 முதல் 10 ரூபாய் வரை குறைக்க திட்டமிட்டு வருகின்றன.

நூல் வியாபாரிகள் கூறுகையில், "சீசன் துவங்கியுள்ளதால், குஜராத், ஆந்திரா, கர்நாடகா மாநிலங்களில் இருந்து புதிய பருத்தி வரத்து துவங்கியுள்ளது. இதனால், அபரிமிதமாக உயர்ந் திருந்த பஞ்சு விலை, குறைந்து கொண்டே வருகிறது. பஞ்சு விலை குறைவால், கடந்த 1ல் தமிழக நூற்பாலைகள் கிலோவுக்கு 5 ரூபாய் நூல் விலையை குறைத்தன. தற்போது ஒரு கேண்டி பஞ்சு விலை 44,000 ரூபாயாக உள்ளது. இதனால், சில நூற்பாலைகள் விலையில் சலுகை வழங்கி வருகின்றன. மற்ற நூற்பாலைகள், ஓரிரு நாட்களில் கிலோவுக்கு 10 ரூபாய் வரை குறைக்க திட்டமிட்டு வருகின்றன,' என்றனர்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 15,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 15,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 15,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 15,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 15,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்