புதுடில்லி:கடந்த சில வாரங்களில், மத்திய அரசு, 11.5 லட்சம் டன் கோதுமையை, வெளிச் சந்தையில் விற்பனை செய்து உள்ளது. இவற்றில், 5.50 லட்சம் டன்னுக்கும் அதிகமான கோதுமை, டில்லி, பஞ்சாப், அரியானா மாநிலங்களில் விற்பனை செய்யப்பட்டுள்ளது.
கையிருப்பு:அளவிற்கு அதிகமான கோதுமை உற்பத்தி மற்றும் கையிருப்பை பாதுகாப்பாக வைக்க போதிய கிடங்கு வசதிகள் இல்லாதது போன்ற வற்றால், மத்திய அரசு, கோதுமையை வெளிச் சந்தையில் விற்பனை செய்து வருகிறது.இவற்றை, மாவு ஆலைகள், வர்த்தகர்கள் உள்ளிட்டோர், மொத்தமாக கொள்முதல் செய்து வருகின்றனர்.இந்த வகையில், வரும், 2014ம் ஆண்டு, மார்ச் மாதத்திற்குள், 85 லட்சம் டன் கோதுமையை விற்பனை செய்ய, மத்திய அரசு திட்டமிட்டுள்ளது.சென்ற, 2012–13ம் நிதியாண்டில், 9.24 கோடி டன் கோதுமை உற்பத்தி செய்யப்பட்டது.
இந்திய உணவு கழகம்:நடப்பு நவம்பர் மாத துவக்க நிலவரப்படி, பொதுத் துறையை சேர்ந்த, இந்திய உணவு கழகத்திடம், 3.40 கோடி டன் கோதுமை கையிருப்பு உள்ளதாக மதிப்பிடப்பட்டுள்ளது. இது, இருப்பு வைக்க வேண்டிய அளவை விட, அதிகமாகும்.போதிய கிடங்கு வசதியின்றி, வெட்ட வெளியில் வைக்கப்படும் கோதுமை, மழை மற்றும் பனிப்பொழிவால் பாழாவதை தடுக்க, அதனை வெளிச்சந்தையில் விற்க மத்திய அரசு அனுமதி அளித்து உள்ளது.
போக்குவரத்து செலவு:இதையடுத்து, இந்திய உணவு கழகம், வாரம்தோறும், மொத்த வியாபாரிகளுக்கு, ஒரு குவிண்டால், கோதுமையை 1,500 ரூபாய்க்கு விற்பனை செய்து வருகிறது. இத்துடன் போக்குவரத்து செலவையும் கணக்கிட்டால், சராசரியாக, ஒரு குவிண்டால் கோதுமையின் விலை, 1,603 ரூபாயாகும்.கடந்த சில வாரங்களில், தமிழகம், மேற்குவங்கம், ஒடிசா ஆகிய மாநிலங்களை சேர்ந்த வர்த்தகர்களுக்கு, முறையே, 65 ஆயிரம் டன், 64 ஆயிரம் டன், 58 ஆயிரம் டன் கோதுமை விற்பனை செய்யப்பட்டு உள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 25,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 25,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 25,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 25,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 25,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்