பதிவு செய்த நாள்
03 டிச2013
00:36
மும்பை: நடப்பு 2013–14ம் நிதியாண்டின், செப்டம்பர் வரையிலான இரண்டாவது காலாண்டில், நாட்டின் நடப்பு கணக்கு பற்றாக்குறை, 520 கோடி டாலராக சரிவடைந்துள்ளது. இது, நாட்டின் மொத்த உள்நாட்டு உற்பத்தியில், 1.2 சதவீதம் என, ரிசர்வ் வங்கி வெளியிட்டுள்ள புள்ளிவிவரத்தில் தெரிவிக்கப்பட்டுள்ளது.தங்கம் இறக்குமதிமத்திய அரசின் நடவடிக்கைகளால், தங்கம் உள்ளிட்ட அத்தியாவசியமற்ற பொருட்களின் இறக்குமதி குறைந்துள்ளது.
அதேசமயம், கடந்த ஒரு சில மாதங்களாக, நாட்டின் ஏற்றுமதி அதிகரித்து வருகிறது. இதனால், நடப்பு கணக்கு பற்றாக்குறையும் குறைந்துள்ளது.கடந்த 2012 – 13ம் நிதியாண்டின் இரண்டாவது காலாண்டில், நாட்டின் நடப்பு கணக்கு பற்றாக்குறை, 2,100 கோடி டாலராக இருந்தது. இது, நாட்டின் மொத்த உள்நாட்டு உற்பத்தியில், 5 சதவீதமாக இருந்தது. இது, நடப்பு நிதியாண்டின் முதல் காலாண்டில், 4.9 சதவீதமாக காணப்பட்டது. கணக்கீட்டு காலாண்டில், நாட்டின் ஒட்டு மொத்த ஏற்றுமதி, 11.9சதவீதம் வளர்ச்சி கண்டு, 8,120 கோடிடாலராக அதிகரித்துள்ளது. இதற்கு, ஜவுளி, ஆடைகள், தோல் பொருட்கள் மற்றும் ரசாயனம் போன்ற வற்றின் ஏற்றுமதி அதிகரித்ததுதான் முக்கிய காரணமாகும்.மதிப்பீட்டு காலாண்டில், நாட்டின் ஒட்டு மொத்த இறக்குமதி, 4.8 சதவீதம் சரிவடைந்து, 11,450 கோடி டாலராக குறைந்துள்ளது. கடந்த இரண்டாவது காலாண்டில், நாட்டின் தங்கம் இறக்குமதி, 390 கோடி டாலராக மிகவும் சரிவடைந்துள்ளது.
இது, நடப்பு நிதியாண்டின் முதல் காலாண்டில், 1,640 கோடி டாலராகவும், கடந்த நிதியாண்டின் இரண்டாவது காலாண்டில், 1,100 கோடி டாலராகவும் இருந்தது என்பது குறிப்பிடத்தக்கது.கணக்கீட்டு காலாண்டில், நாட்டின் வர்த்தகப் பற்றாக்குறை, 4,780 கோடி டாலரிலிருந்து, 3,330 கோடி டாலராக சரிவடைந்துள்ளது.நடப்பு நிதியாண்டின் இரண்டாவது காலாண்டில், அன்னிய நேரடி நிகர முதலீடு, 690 கோடி டாலராக அதிகரித்து காணப்பட்டது.ஏற்றுமதிநடப்பு 2013ம் ஆண்டின் ஜூலை மாதம் முதல் நாட்டின் ஏற்றுமதி அதிகரித்து, இறக்குமதி குறைந்து வருகிறது. இதனால், நடப்பு நிதியாண்டின் முதல் ஆறு மாத காலத்தில், நாட்டின் நடப்பு கணக்கு பற்றாக்குறை, 2,690 கோடி டாலராக சரிவடைந்துள்ளது. இது, கடந்த நிதியாண்டின் இதே ஆறு மாத காலத்தில், 3,790 கோடி டாலராக இருந்தது என, ரிசர்வ் வங்கியின் புள்ளிவிவரத்தில் மேலும் தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|