பதிவு செய்த நாள்
12 டிச2013
00:27
தமிழக எண்ணெய் ஆலைகளுக்கு, கர்நாடகா, ஆந்திர மாநிலங்களில் இருந்து, சூரியகாந்தி வரத்து அதிகரித்துள்ளதை அடுத்து, எண்ணெய் விலை, லிட்டருக்கு, 5 ரூபாய் வரை சரிவடைந்து உள்ளது.
அறுவடை: சேலம், ஈரோடு மாவட்டம் காங்கேயம், வெள்ளக்கோவில் ஆகிய இடங்களில்உள்ள எண்ணெய் ஆலைகளுக்கு, கர்நாடகாவின் தாவனிக்கரை, ஆந்திர மாநிலத்தின் பல்வேறு இடங்களில் இருந்து சூரியகாந்தி விற்பனைக்கு வருவது வழக்கம்.சில மாதங்களாக, சூரிய காந்தியின் வரத்து எதிர்பார்த்த அளவு இல்லை. தற்போது, கர்நாடக மாநிலம் தாவனிக்கரையில், சூரியகாந்தி அறுவடை தீவிரமாக நடந்து வருவதால், அங்கிருந்து தமிழக ஆலைகளுக்கு, அதிகளவு சூரியகாந்தி விற்பனைக்கு வருகிறது.
இதே போல், ஆந்திராவில் இருந்தும் சூரியகாந்தியின் வரத்து அதிகரித்துள்ளதால், எண்ணெய் உற்பத்தியில் சுறுசுறுப்பு ஏற்பட்டுள்ளது. இதனால், சந்தைக்கு வரும் எண்ணெயின் வரத்து அதிகரித்து உள்ளது.கடந்த நவம்பர் மாதம் முதல் வாரம், தீபாவளி பண்டிகைக்கு பின், சூரிய காந்தி எண்ணெய் விலை தொடர்ந்து சரிவடைந்து வருகிறது.
அக்டோபர் இறுதியில், பிரபல எண்ணெய் நிறுவனங்களின் சூரியகாந்தி எண்ணெய், 1 லிட்டர், 92 ரூபாய்க்கும், உள்ளூர் தயாரிப்பு எண்ணெய், 1 லிட்டர், 88 ரூபாய்க்கும் விற்பனை செய்யப்பட்டது. தற்போது, 1 லிட்டருக்கு, 5 ரூபாய் குறைந்துள்ளது.
விற்பனை: பிரபல நிறுவனங்களின் எண்ணெய், 1 லிட்டர், 87 ரூபாய்க்கும், உள்ளூர் தயாரிப்பு எண்ணெய், 1 லிட்டர், 82 ரூபாய்க்கும் விற்பனை செய்யப்படுகிறது.பிரபல நிறுவனங்களின், 15லிட்டர் எண்ணெய் டின், 1,380 ரூபாய்க்கு விற்றது, 1,305 ரூபாய்க்கும், உள்ளூர் தயாரிப்பு எண்ணெய், 1,320 ரூபாய்க்கு விற்றது, 1,230 ரூபாய்க்கும் விற்கப்படுகிறது.
– நமது நிருபர் –
மேலும் கம்மாடிட்டி செய்திகள்
|
Advertisement
|
Advertisement
|
Advertisement
|
|
|
|