பதிவு செய்த நாள்
02 மே2014
01:28
புதுடில்லி:கடந்த 2013–14ம் நிதியாண்டில், நாட்டின் முக்கிய எட்டு துறைகளின் உற்பத்தி வளர்ச்சி, 2.6 சதவீதமாக குறைந்துள்ளது. இது, முந்தைய 2012–13ம் நிதியாண்டில், 6.5 சதவீதமாக அதிகரித்து காணப்பட்டது.முக்கிய எட்டு துறைகளின் உற்பத்தி வளர்ச்சி, சென்ற மார்ச் மாதத்தில் 2.5 சதவீதமாக குறைந்து உள்ளது. இது, முந்தைய ஆண்டின் இதே மாதத்தில், 7 சதவீதமாக அதிகரித்து காணப்பட்டது என, மத்திய அரசின் புள்ளிவிவரத்தில் தெரிவிக்கப்பட்டுள்ளது.
மிளகு விலை குறைவுகொச்சி:வரத்து அதிகரிப்பால் கொச்சி நடப்பு சந்தையில், மிளகின் விலை குவிண்டாலுக்கு, 1,000 ரூபாய் குறைந்துள்ளது.சுத்தப்படுத்தப்பட்ட ஒரு குவிண்டால் மிளகின் விலை, 68 ஆயிரம் ரூபாயாகவும், சுத்தப்படுத்தப்படாத மிளகின் விலை, 66 ஆயிரம் ரூபாயாகவும் இருந்தது.சில்லரை விற்பனையில், ஒரு கிலோ மிளகின் விலை, 670 – 680 ரூபாயாக சரிவடைந்தது.
இறக்குமதி செய்யப்படும்தங்கத்தின் மதிப்பு குறைப்புபுதுடில்லி:மத்திய அரசு, இறக்குமதி செய்யப்படும், 10 கிராம் தங்கத்தின் மதிப்பை, 422 டாலராக குறைத்துள்ளது. இது, இதற்கு முன், 431 டாலராக இருந்தது.இதே போன்று, இறக்குமதி செய்யப்படும் ஒரு கிலோ வெள்ளியின் மதிப்பை, 646 டாலரிலிருந்து, 632 டாலராக குறைத்துள்ளது.சர்வதேச நிலவரங்களுக்கு ஏற்ப மத்திய அரசு, இறக்குமதி செய்யப்படும் தங்கம், வெள்ளி உள்ளிட்ட பல்வேறு பொருட்களின் மதிப்பை, மாதத்திற்கு இருமுறை மாற்றி அமைத்து வருகிறது.மத்திய அரசு, நிர்ணயிக்கும் மதிப்பின் அடிப்படை யில்தான் இவற்றின் மீது சுங்கவரி விதிக்கப்படுகிறது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|