பதிவு செய்த நாள்
01 ஜூலை2014
07:16
புதுடில்லி: முக்கிய எட்டு துறைகளின் உற்பத்தி வளர்ச்சி, சென்ற மே மாதத்தில், 2.3 சதவீதமாக குறைந்துள்ளது என, மத்திய வர்த்தகம் மற்றும் தொழில் துறை அமைச்சகத்தின் புள்ளிவிவரத்தில் தெரிவிக்கப்பட்டுள்ளது.இது, கடந்தாண்டு இதே மாதத்தில், 5.9 சதவீதமாகவும், சென்ற ஏப்ரல் மாதத்தில், 4.2 சதவீதமாகவும் அதிகரித்து காணப்பட்டது.நாட்டின் தொழில் துறை உற்பத்தி குறியீட்டு எண் கணக்கிடுவதில், முக்கிய எட்டு துறைகளின் பங்களிப்பு, 38 சதவீதமாக உள்ளது.
மதிப்பீட்டு மாதத்தில், கச்சா எண்ணெய் (மைனஸ் 0.3 சதவீதம்), இயற்கை எரிவாயு (மைனஸ் 2.2 சதவீதம்), பெட்ரோலிய சுத்திகரிப்பு பொருட்கள் (மைனஸ் 2.3 சதவீதம்) மற்றும் உருக்கு (மைனஸ் 2 சதவீதம்) ஆகிய துறைகள், உற்பத்தியில் பின்னடைவை கண்டுள்ளன.அதேசமயம், நிலக்கரி, உரம், சிமென்ட், மின்சாரம் ஆகிய துறைகளின் உற்பத்தி முறையே, 5.5 சதவீதம், 17.6 சதவீதம், 8.7 சதவீதம் மற்றும் 6.3 சதவீதம் வளர்ச்சி கண்டுள்ளன.நடப்பு நிதியாண்டின் ஏப்ரல் முதல் மே வரையிலான இரண்டு மாத காலத்தில், முக்கிய எட்டு துறைகளின் உற்பத்தி வளர்ச்சி, 3.3 சதவீதமாக குறைந்துள்ளது.இது, கடந்த நிதியாண்டின் இதே காலத்தில், 4.9 சதவீதமாக அதிகரித்து காணப்பட்டது என, புள்ளிவிவரத்தில் மேலும் தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|