மும்பை: சாதகமற்ற சர்வதேச நிலவரங்களால், இந்திய பங்குச் சந்தைகளில் தொடர் சுணக்கம் நிலவி வருகிறது.அமெரிக்கா வட்டி விகிதங்களை உயர்த்தும் என்ற நிலைப்பாடு மற்றும் சீனாவின் பொருளாதார வளர்ச்சி குறையும் என்ற மதிப்பீடு போன்றவற்றால், சர்வதேச அளவில் பங்கு வியாபாரம் மந்தகதியில் உள்ளது. இதன் தாக்கம் இந்திய சந்தைகளிலும் எதிரொலித்து வருகிறது.நேற்றைய வியாபாரத்தில், மருந்து துறை குறியீட்டு எண், அதிகபட்சமாக, 1.73 சதவீதம் சரிவை கண்டது.
இதையடுத்து, உலோகம் (–1.08 சதவீதம்), ரியல் எஸ்டேட் (–0.34 சதவீதம்) உள்ளிட்ட துறைகள் உள்ளன.அதேசமயம், பொறியியல், மின்சாரம், நுகர்பொருட்கள் துறைகளைச் சேர்ந்த நிறுவனப் பங்குகள் அதிக விலைக்கு கைமாறின. நேற்றைய வர்த்தகத்தில், அன்னிய நிதி நிறுவனங்கள், 434 கோடி ரூபாய் மதிப்பிலான பங்குகளை வாங்கி உள்ளன. அதேசமயம், உள்நாட்டு நிதி நிறுவனங்கள், 531 கோடி ரூபாய் மதிப்பிலான பங்குகளை விற்பனை செய்து உள்ளன.மும்பை பங்குச் சந்தையின் குறியீட்டு எண், வர்த்தகம் முடியும்போது, 61.54 புள்ளிகள் வீழ்ச்சி கண்டு, 26,995.87 புள்ளிகளில் நிலைகொண்டது.
‘சென்செக்ஸ்’ கணக்கிட உதவும், 30 நிறுவனங்களுள், சன்பார்மா, கோல் இந்தியா, ஓ.என்.ஜி.சி., உள்ளிட்ட, 16 நிறுவனப் பங்குகளின் விலை சரிவடைந்தும், ஸ்டேட் பேங்க் ஆப் இந்தியா, பெல், கெயில் உள்ளிட்ட, 14 நிறுவனப் பங்குகளின் விலை உயர்ந்தும் இருந்தன.தேசிய பங்குச் சந்தையின் குறியீட்டு எண், ‘நிப்டி’, 8.40 புள்ளிகள் குறைந்து, 8,085.70 புள்ளிகளில் நிலைபெற்றது.

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 12,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 12,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 12,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 12,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 12,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்