பதிவு செய்த நாள்
03 செப்2016
03:15
புதுடில்லி : டாடா நிறுவனத்தின், வாகனங்கள் விற்பனை, கடந்த மாதத்தில், 43 ஆயிரத்து, 61 ஆக அதிகரித்துள்ளது.
டாடா குழுமத்தை சேர்ந்த, டாடா மோட்டார்ஸ், மோட்டார் வாகன தயாரிப்பு, விற்பனையில் முன்னணியில் உள்ளது. இந்த நிறுவனம், கடந்த ஆக., மாதத்தில், 43 ஆயிரத்து, 61 வாகனங்களை விற்பனை செய்துள்ளது. இது, முந்தைய ஆண்டின், இதே மாதத்தில், 40 ஆயிரத்து 679 வாகனங்களாக குறைந்திருந்தது. இதே மாதங்களில், உள்நாட்டில் வர்த்தக மற்றும் பயணிகள் வாகனங்கள் விற்பனை, 3 சதவீதம் உயர்ந்து, 36 ஆயிரத்து, 466 ஆக அதிகரித்துள்ளது.
கார் விற்பனை, 17 சதவீதம் உயர்ந்து, 9,814 என்ற எண்ணிக்கையில் இருந்து, 11 ஆயிரத்து, 435 ஆக உயர்ந்துள்ளது. அதேசமயம், வர்த்தக வாகனங்கள் விற்பனை, 3 சதவீதம் சரிவடைந்து, 23 ஆயிரத்து, 464 ஆக குறைந்துள்ளது. கடந்த ஆக., மாதம், டாடா மோட்டார்ஸ், 6,595 வாகனங்களை ஏற்றுமதி செய்துள்ளது. இது, முந்தைய ஆண்டின் இதே காலத்தில், 5,021 வாகனங்கள் என்ற எண்ணிக்கையில் குறைந்திருந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|