பதிவு செய்த நாள்
02 டிச2016
00:05
புதுடில்லி: மாருதி சுசூகி, கடந்த நவ., மாதம், 1.35 லட்சம் கார்களை விற்பனை செய்துள்ளது. மாருதி சுசூகி இந்தியா நிறுவனத்தின் கார்கள் விற்பனை, கடந்த நவ., மாதம், 12 சதவீதம் உயர்ந்து, 1.35 லட்சமாக அதிகரித்துள்ளது. இது, 2015ம் ஆண்டின், இதே மாதத்தில், 1.20 லட்சம் கார்கள் என்றளவில் குறைந்திருந்தது.
இதே காலத்தில், மாருதி நிறுவனத்தின், உள்நாட்டு கார்கள் விற்பனை, 14.2 சதவீதம் அதிகரித்து, 1.10 லட்சம் என்ற எண்ணிக்கையில் இருந்து, 1.26 லட்சமாக உயர்ந்துள்ளது. அதில், சிறிய வகையை சேர்ந்த ஆல்ட்டோ, வேகன் ஆர் மாடல் கார்களின் விற்பனை, 8.1 சதவீதம் உயர்ந்து, 35 ஆயிரத்து, 981ல் இருந்து, 38 ஆயிரத்து, 886 ஆக அதிகரித்துள்ளது. ஸ்விப்ட், எஸ்டிலோ, டிசையர், ரிட்ஸ், பலேனோ மாடல் கார்கள் விற்பனை, 10.8 சதவீதம் அதிகரித்து, 44 ஆயிரத்து, 626ல் இருந்து, 49 ஆயிரத்து, 431 ஆக உயர்ந்துள்ளது.
ஜிப்சி, எர்டிகா, எஸ் கிராஸ், விட்டரா பிரெஸ்ஸா ஆகிய மாடல் கார்களின் விற்பனை, 98.1 சதவீதம் உயர்ந்து, 8,688ல் இருந்து, 17 ஆயிரத்து, 215 ஆக அதிகரித்துள்ளது. அதேசமயம், மாருதியின் கார்கள் ஏற்றுமதி, 9.8 சதவீதம் குறைந்து, 10 ஆயிரத்து, 225ல் இருந்து, 9,225 ஆக சரிவடைந்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|