பதிவு செய்த நாள்
11 ஜன2017
01:20
புதுடில்லி : யு.எம்., மோட்டார் சைக்கிள்ஸ் நிறுவனம், தன் இருசக்கர வாகனங்கள் விலையை, 8,000 ரூபாய் வரை உயர்த்தியுள்ளது.
அமெரிக்காவைச் சேர்ந்த, யு.எம்., மோட்டார் சைக்கிள்ஸ், இருசக்கர வாகனங்கள் உற்பத்தி, விற்பனையில் ஈடுபட்டு வருகிறது. இந்நிறுவனம், இந்தியாவில், லோஹியா மோட்டார் நிறுவனத்துடன் இணைந்து, இருசக்கர வாகனங்களை விற்பனை செய்கிறது. இந்நிலையில், யு.எம்., மோட்டார், வாகனங்களின் விலையை, 8,000 ரூபாய் வரை உயர்த்தியுள்ளது.
இது குறித்து, அந்நிறுவனத்தின் அதிகாரி ஒருவர் கூறியதாவது: எங்கள் நிறுவனம், மூலப்பொருட்கள் விலை உயர்வால், வாகனங்கள் விலையை உயர்த்தியுள்ளது. அதன்படி, 280 சி.சி., திறனுடைய, ‘ரெனிகேட் கமாண்டோ’ மாடல் வாகனத்தின் விலை, 5,000 ரூபாய் உயர்த்தப்பட்டு, 1.64 லட்சம் ரூபாயாக நிர்ணயிக்கப்பட்டு உள்ளது. அதே போல், ‘ரெனிகேட் ஸ்போர்ட்ஸ்’ மாடல் வாகனத்தின் விலை, 8,000 ரூபாய் அதிகரிக்கப்பட்டு உள்ளது. இதையடுத்து இந்த வாகனத்தின் விலை, 1.57 லட்சம் ரூபாயாக அதிகரித்துள்ளது. இந்த விலை உயர்வு, ஜன., 1ல் இருந்து, நடைமுறைக்கு வந்துள்ளது. இவ்வாறு அவர் கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|