பதிவு செய்த நாள்
30 ஜன2017
04:44
2017-- – 18ம் ஆண்டுக்கான பொது பட்ஜெட், பலவிதங்களில் முக்கியத்துவம் மிக்கதாக விளங்குகிறது.
கறுப்பு பணத்தை ஒழிப்பதற்காக, அரசு அறிவித்த பண மதிப்பு நீக்க நடவடிக்கைக்குப் பின், இந்த பட்ஜெட் தாக்கல் செய்யப்படுகிறது. வழக்கமாக, பிப்ரவரி மாத இறுதியில் தாக்கல் செய்யப்படும், வழக்கத்திற்கு மாறாக, இந்த பட்ஜெட் பிப்ரவரி, 1ம் தேதி தாக்கலாகிறது. மேலும், ரயில்வே பட்ஜெட் தனியே தாக்கல் செய்யப்படாமல், மத்திய பட்ஜெட்டுடன் இணைந்து தாக்கலாகிறது. நாட்டின் பட்ஜெட் தயாராகும் விதம் மற்றும் அதன் முக்கிய அம்சங்கள் குறித்து, ஒரு பார்வை:
--தகவல் சேகரிப்புரயில்வே பட்ஜெட்டை மத்திய பொது பட்ஜெட்டுடன் இணைக்கவும், முன்கூட்டியே தாக்கல் செய்யவும், கடந்த ஆண்டு செப்டம்பர் மாதம், மத்திய அமைச்சரவை ஒப்புதல் அளித்தது. எனினும், பட்ஜெட் முன்கூட்டியே தாக்கல் ஆகலாம் என்பதை எதிர்பார்த்து, சில மாதங்கள் முன்பே, நிதி அமைச்சகம் தயாரிப்பு பணிகளை துவக்கி விட்டது. பல்வேறு துறைகளில் இருந்து தகவல்களை சேகரித்து, பட்ஜெட்டிற்கான திருத்தப்பட்ட மதிப்பீட்டை நிதி அமைச்சகம் உருவாக்கும் பணியில் ஈடுபட்டது.
பரம ரகசியம் பட்ஜெட் தயாரிப்பு பணிகள், மிகவும் ரகசியமாக மேற்கொள்ளப்படும். கசிவை தடுக்க கண்காணிப்பு கேமராக்கள் பொருத்தப்பட்டுள்ளன. நிதி அமைச்சகம் அமைந்துள்ள, ‘நார்த் பிளாக்’ பகுதியில், டிசம்பர் மாத வாக்கில் ஊடகங்கள் அனுமதிக்கப்படுவதில்லை. இந்த பகுதியின் கீழ் தளத்தில் அமைந்துள்ள, அச்சகத்தில் பட்ஜெட் ஆவணங்கள் அச்சடிக்கப்படும். ஒரு வார காலத்திற்கு முன், பட்ஜெட் தயாரிப்பில் ஈடுபட்டுள்ள அதிகாரிகளின் வெளி உலக தொடர்பு துண்டிக்கப்படும். இரண்டு நாட்களுக்கு முன், பி.ஐ.பி., அதிகாரிகள் பட்ஜெட் செய்தி அறிக்கைகளை தயாரிப்பர். நிதி அமைச்சர் பட்ஜெட்டை தாக்கல் செய்யும் வரை, அவர்கள் தங்கள் இடத்திலேயே இருக்க வேண்டும்.
பட்ஜெட் அகராதிஜி.டி.பி.: மத்திய புள்ளியியல் துறை கணக்கின்படி, இந்திய பொருளாதாரத்தின், அனைத்து துறைகளின் உற்பத்தியின் மொத்தம். நிதி பற்றாக்குறை; ஆண்டுதோறும், தன் வருவாய் மற்றும் செலவுகளுக்கு இடையிலான இடைவெளியை ஈடுசெய்ய, அரசு வாங்கும் கூடுதல் மொத்த கடன்.மூலதன செலவுகள்; எந்த சொத்தையும் உருவாக்காத செலவுகள் வருவாய் செலவு கள் ஆகும். நெடுஞ்சாலை, கட்டடங்கள், அணைக்கட்டுகள் போன்றவற்றுக்கான செலவுகள் மூலதன செலவுகள். வரி வருவாய்; அரசுக்கான பிரதான வருவாய் ஆதாரம். நேரடி வரி விதிப்பு, பொருட்கள் மற்றும் சேவைகள் மீதான வரி விதிப்பு மூலம், அரசு தன் செலவுகளுக்கான நிதியை பெறுகிறது.மானியங்கள்: வருவாய் ஏற்றத்தாழ்வை போக்க, அரசு அளிக்கும் பொருளாதார பலன்கள்.
ஆலோசனைபட்ஜெட்டிற்கு முன்பாக, தொழில் துறை அமைப்புகள், பொருளாதார வல்லுனர்கள், தொழிற்சங்கங்கள், மாநில நிதி அமைச்சகங்கள் உள்ளிட்ட அமைப்புகளுடன் ஆலோசனை நடைபெறுவது வழக்கம். இந்த ஆலோசனைகளும், வழக்கமாக நடைபெறும், டிசம்பர் மாதத்திற்கு ஒரு மாதம் முன்னதாக, நவம்பர் மாதமே துவங்கின. பிரதமர் அலுவலக கலந்தாலோசனையுடன் பட்ஜெட் தயாரிப்பு மேற்கொள்ளப்படுகிறது.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|