பதிவு செய்த நாள்
13 மார்2017
23:59
புதுடில்லி : இந்தியாவின், தங்கம் இறக்குமதி, கடந்த டிச., மாதம், 54 டன்னாக குறைந்துள்ளது.
உலகில், தங்கத்தின் பயன்பாட்டில், இந்தியா முன்னணியில் உள்ளது. உள்நாட்டு தங்கத்தின் தேவையில் பெரும்பகுதி இறக்குமதி வாயிலாக பூர்த்தி செய்யப்படுகிறது. கடந்த நிதியாண்டில், இந்தியாவின் தங்க இறக்குமதி, 968 டன்னாக இருந்தது. மத்திய அரசு, 2016 நவ., மாதம், பண மதிப்பு நீக்க நடவடிக்கை எடுத்ததால், பணப்புழக்கம் குறைந்தது. இதனால், தங்கம், வெள்ளி ஆகியவற்றின் விற்பனை பாதித்தது. இதன் தொடர்ச்சியாக, கடந்த டிச., மாதம், தங்கத்தின் இறக்குமதி, 54.10 டன்னாகவும், 2017 ஜன., மாதம், 53.20 டன்னாகவும் குறைந்தது. அதேசமயம், கடந்த நவ., மாதத்தில், தங்கம் இறக்குமதி, 119.20 டன்னாக உயர்ந்திருந்தது. நடப்பு நிதியாண்டில், ஏப்., – ஜன., வரையிலான காலத்தில், தங்கம் இறக்குமதி, 546 டன்னாக குறைந்துள்ளது. இது, முந்தைய ஆண்டின், இதே காலத்தில், 893 டன்னாக அதிகரித்து இருந்தது.
இது குறித்து, ரிசர்வ் வங்கி அதிகாரி ஒருவர் கூறுகையில், ‘இந்தியாவில், தங்கம், வெள்ளி ஆபரணங்களை, 80 சதவீதம் பேர், ரொக்கம் வாயிலாக வாங்குகின்றனர். செல்லாத ரூபாய் நோட்டு அறிவிப்பால், பணப்புழக்கம் குறைந்து, தங்கத்தின் தேவை குறைந்துள்ளது’ என்றார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|