பன்­னாட்டு முத­லீட்­டா­ளர்கள் தொடர்ந்து, இந்­திய சந்­தையில் முத­லீடு செய்து வரு­வது, சந்­தைக்கு ஒரு நிலை­யான தன்­மையை தந்து வரு­கி­றது.
உள்­நாட்டு முத­லீட்­டா­ளர்­க­ளான, பரஸ்­பர நிதி நிறு­வ­னங்கள், தொடர்ந்து பங்­கு­களை இந்த வாரமும் ரூ.2,589 கோடிக்கு விற்­றனர். அதே­ச­மயம், எப்.ஐ.ஐ., முத­லீடு ரூ.3,714 கோடி­யாக இருந்­தது. பங்­கு­களை, எப்.ஐ.ஐ., நிறு­வ­னங்கள் அதிகம் வாங்­கியும், சந்தை சென்ற வாரத்­தை­விட, நிப்­டியில் 0.57 சத­வீ­தமும், சென்­செக்ஸில் 0.77 சத­வீ­தமும் குறை­வா­கவே முடிந்­தது. தொடர்ந்து எப்.ஐ.ஐ., முத­லீட்­டா­ளர்கள், இந்­திய பங்­கு­களை வாங்கிக் குவித்தால், இந்­திய முத­லீட்­டா­ளர்­களும் வாங்க வேண்­டிய கட்­டா­யத்­திற்கு தள்­ளப்­ப­டுவர். இதை நாம் மனதில் கொள்ள வேண்டும்.
வரும் வாரத்தில், உலகச் சந்­தைகள், அமெ­ரிக்­காவில் நிலவும் ஒபா­மாகேர் என்ற மருத்­துவ காப்பு திட்டம் சார்ந்த அர­சியல் நகர்­வு­களை கூர்ந்து கவ­னிக்கும். இந்த திட்டம் அகற்­றப்­பட வேண்டும் என்ற, ட்ரம்ப் அரசின் நோக்கு நிறை­வேறத் தவ­றினால், சந்­தையில் ஏற்­ப­டுத்­தக்­கூ­டிய பாதிப்­புகள் ஏராளம். சந்­தையில் இவற்றின் தாக்கம் போகப் போகத்தான் தெரியும்.
கேள்­விக்­கு­றிஅமெ­ரிக்க மக்கள் பல­ருக்கு, இந்த திட்டம் கொடுக்கும் மருத்­துவ வச­தி­களை திரும்ப பெற திட்­ட­மிட்டே, ட்ரம்ப் மாற்­றங்­களை கொண்டு வரு­கிறார். இதில் அவர் வெற்றி பெற்றால், பல அமெ­ரிக்­கர்கள் பாதிப்­புக்கு உள்­ளா­வார்கள். உல­க­ளவில், மருந்து உற்­பத்தி தொழிலும் பின்­ன­டை­வு­களை சந்­திக்கும் என்ற அச்சம் நில­வு­கி­றது. இந்த சர்ச்­சையில் முடிவு எப்­படி ஏற்­படும் என்­பது கேள்­விக்­கு­றி­யா­கவே உள்­ளது.
அண்­மையில் வெளி­வந்த, இந்­திய ஏற்­று­மதி சார்ந்த புள்­ளி­வி­ப­ரங்கள் மிகவும் உற்­சாகம் ஊட்டும் வகையில் அமைந்­தன. தொடர்ந்து மார்ச் மாதம் வரும் எண்கள், பொரு­ளா­தார திருப்­பத்தின் வேகத்தை தெளி­வு­ப­டுத்தும். வரி வசூல் சார்ந்து வெளி­வந்த புள்­ளி­வி­பரங்கள், சற்றே மந்த நிலையை உணர்த்­தி­னாலும், அரசு தொடர்ந்து வரி வசூலை நிலை­நாட்ட தொடர்­மு­யற்­சிகள் மேற்கொண்டு வரு­கி­றது.
ஏற்­று­ம­தியை கூட்­டு­வதும், வரி வசூலை பெருக்­கு­வதும் மோடி அரசின் பொரு­ளா­தார சீர­மைப்பின் முக்­கிய நகர்­வுகள். இதில் அரசு வெற்றி பெற்றே ஆக வேண்டும். இந்த முயற்­சி­களின் வெற்றி, நிதி பற்­றாக்­கு­றையை திட்­ட­மிட்­ட­படி கட்­டுப்­ப­டுத்த, அர­சுக்கு அவ­சியம். கடந்த வார சந்­தையின் முக்­கிய நிகழ்­வாக, டிமார்ட் நிறு­வனம் வெளி­யிட்ட பங்கின் பட்­டி­ய­லி­டு­தலை சொல்­லலாம். முதல்நாள் அன்றே இரு­ம­டங்கு விலை உயர்ந்த இந்த பங்கு, இந்­தி­யாவின் முக்­கிய முத­லீட்­டா­ள­ரான ராதா­கிஷன் தமானி அவர்­களால் நிறு­வப்­பட்­டது.
இந்த பங்கு வெளி­யீட்டின் அபார வெற்றி, சந்­தையில் சிறந்த பங்­கு­களை வாங்க இருக்கும் அசா­தா­ரண மோகத்­தையே வெளிக்­காட்­டு­கி­றது. இதற்கு முத­லீட்­டா­ளர்கள் ஆர்வம் முக்­கிய காரணம் என்­றாலும், நிதி நிறு­வ­னங்கள் கொடுக்கும் முத­லீட்டு கடன்­களும் முக்­கிய காரணம் என்று சொல்ல வேண்டும். தொடர்ந்து பல நிறு­வ­னங்கள் தங்கள் பங்­கு­களை சந்­தை­ம­யப்­ப­டுத்­து­வ­தற்கு டிமார்ட் பங்கு வெளி­யீடு ஒரு திருப்பு முனை என்றே சொல்ல வேண்டும்.
நம்­பிக்­கைஇந்த வாரம், நிதி­யாண்டின் இறுதி வாரம். இந்த காலத்தில், பரஸ்­பர நிதிகள் தங்கள் திட்­டங்­களின் மதிப்பைக் கூட்டும் வகையில் முத­லீ­டு­களை அமைப்­பது வழக்கம். எப்.­அண்ட்.ஓ.,வின் முடிவும் சேர்ந்து வரு­வதால் சந்­தையில் ஏற்ற நகர்வு ஏற்­பட வாய்ப்­புக்கள் அதிகம். இறக்க ஏற்­றங்கள் நிறைந்த நிதி­யாண்டு முடி­வுக்கு வரு­வது முத­லீட்­டா­ளர்­க­ளுக்கு ஆறு­தலும் நம்­பிக்­கையும் கொடுக்கும் என்­பது உறுதி.

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 27,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 27,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 27,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 27,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 27,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்