பதிவு செய்த நாள்
07 மே2017
04:09
புதுடில்லி : இந்தியா உட்பட, உலகளவில், சிறிய, நடுத்தர தொழில் நிறுவனங்களில், ‘ரோபோ’ இயந்திரங்கள் பயன்பாடு பெருகி வருகிறது. தயாரிப்புத் துறை சார்ந்த நிறுவனங்கள், அதிகளவில் இத்தகைய இயந்திரங்களை பயன்படுத்தி, உற்பத்தியை அதிகரித்து, செலவை குறைத்து வருகின்றன. இதனால், ரோபோ தயாரிப்பில், பல நிறுவனங்கள் களமிறங்கி உள்ளன.டென்மார்க்கைச் சேர்ந்த, யுனிவர்சல் ரோபோட்ஸ் நிறுவனம், இந்தியாவில் இதுவரை, 250 ரோபோக்களை விற்பனை செய்துள்ளது. இந்நிறுவனம், உணவகங்களில், முட்டை தோசை சுட்டு தருவது முதல், கண்களுக்கான கேட்டராக்ட் லென்ஸ் தயாரிப்பு வரை, பல்வேறு பணிகளுக்கு தேவையான ரோபோக்களை தயாரிக்கிறது.வளர்ச்சிஉள்நாட்டில், பஜாஜ் ஆட்டோ, டி.வி.எஸ்., ஆப்பிள் ஐபோன்களை தயாரிக்கும், விஸ்ட்ரான் உள்ளிட்ட நிறுவனங்கள், இதன் வாடிக்கையாளர்களாக உள்ளனர்.இது குறித்து, யுனிவர்சல் ரோபோட்ஸ் நிறுவனத்தின், இந்திய – இலங்கை பிரிவின் தலைவர் பிரதீப் டேவிட் கூறியதாவது:ரோபோக்களுக்கான தேவை, பிரமிக்கத்தக்க வகையில் அதிகரித்து வருகிறது. கடந்த ஆண்டு, 75 ரோபோக்களை விற்பனை செய்தோம். இந்தாண்டு, 200 ரோபோக்களை விற்பனை செய்வதற்கான, ‘ஆர்டர்’ கிடைத்துள்ளது. ஆண்டுதோறும், எங்கள் விற்பனை இரு மடங்கு உயர்ந்து வருகிறது.தற்போது, சிறிய, நடுத்தர தொழில்களுக்கான ரோபோக்களை தயாரிப்பதற்கு, அதிக முக்கியத்துவம் அளித்து வருகிறோம்.பெரும் வரவேற்புஇவற்றை ரோபோ என்பதை விட, அனைத்து வேலைகளையும் ஒருங்கிணைந்து செய்யும் ஆற்றல் கொண்ட, ‘கோபோட்ஸ்’ என, அழைப்பது தான் பொருத்தமாக இருக்கும்.நரம்பியல் நிபுணர், பிசியோதெரபிஸ்ட், தலைமை சமையல் கலைஞர், மது பார் சேவையாளர் ஆகியோருக்கு, இந்த கோபோட்ஸ் பெரிதும் உதவக் கூடியதாக உள்ளது.இவற்றின் விலையும் குறைவு என்பதால், சிறிய, நடுத்தர நிறுவனங்களில், பெரும் வரவேற்பு கிடைத்து வருகிறது. இந்த இயந்திரங்கள், மேம்பட்ட தரத்தில், உற்பத்தி மற்றும் சேவைகளை வழங்குவதும், இதற்கு காரணம்.நிறுவனத்தின் மொத்த விற்பனையில், பெரிய நிறுவனங்கள், 70 சதவீத பங்களிப்பையும், சிறிய நிறுவனங்கள், 30 சதவீத பங்கையும் கொண்டுள்ளன.இது, அடுத்த 2 – -3 ஆண்டுகளில், தலைகீழாக மாறும். அந்த அளவிற்கு, சிறிய, நடுத்தர நிறுவனங்களில், கோபோட்ஸ்களின் ஆதிக்கம் பெருகி வருகிறது.மதுரையில், கேட்டராக்ட் லென்ஸ் தயாரிப்பு நிறுவனம், கோவையில், பம்பு செட் தயாரிக்கும் நிறுவனம், குஜராத்தில், ராணுவ தளவாடங்களை தயாரிக்கும் நிறுவனம் ஆகியவை, எங்கள் வாடிக்கையாளர்களாக உள்ளன. ஜார்க்கண்டில், டிரக் உதிரி பாகங்கள் தயாரிப்பிலும், எங்கள் ரோபோ பங்கெடுத்து வருகிறது.வாகனம், நுகர்பொருள், மின்னணு உள்ளிட்ட துறைகளைச் சேர்ந்த நிறுவனங்கள், அதிகளவில் ஆர்டர்களை வழங்கி வருகின்றன.இவ்வாறு அவர் கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|