பதிவு செய்த நாள்
02 ஜூன்2017
06:31
புதுடில்லி : உள்நாட்டில் கார்கள் உற்பத்தி மற்றும் விற்பனையில் முன்னணியில் உள்ள, மாருதி சுசூகி இந்தியா, மே மாதம், 1.36 லட்சம் கார்களை விற்பனை செய்துள்ளது. இது, முந்தைய ஆண்டின், இதே மாதத்தில், 1.23 லட்சம் கார்களாக குறைந்திருந்தது. இதே காலத்தில், இந்நிறுவனத்தின் உள்நாட்டு கார்கள் விற்பனை, 15.5 சதவீதம் உயர்ந்து, 1.13 லட்சம் கார்களில் இருந்து, 1.30 லட்சம் கார்களாக அதிகரித்துள்ளது.
ஆல்டோ, வேகன் ஆர் ஆகிய சிறிய மாடல் கார்கள் விற்பனை, 33,105ல் இருந்து, 39,089 ஆக உயர்ந்துள்ளது. சுவிப்ட், எஸ்டிலோ, டிசையர், பலேனோ, இக்னிஸ் ஆகிய மாடல் கார்கள் விற்பனை, 46,554ல் இருந்து, 51,234 ஆக உயர்ந்துள்ளது. எர்டிகா, எஸ் கிராஸ், விட்டாரா பிரெஸ்ஸா ஆகிய கார்கள் விற்பனை, 13,596ல் இருந்து, 22,608 ஆக அதிகரித்துள்ளது.
ஆம்னி, இகோ வேன்கள் விற்பனை, 12,164ல் இருந்து, 12,593 ஆக உயர்ந்துள்ளது. அதேசமயம், சியாஸ் மாடல் கார்கள் விற்பனை, 8.9 சதவீதம் குறைந்து, 4,724 ஆக சரிவடைந்துள்ளது. மாருதியின் கார்கள் ஏற்றுமதியும், 9,872ல் இருந்து, 6,286 ஆக குறைந்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|