மும்பை : ‘நடப்பு நிதி­யாண்­டில், பல்­வேறு கட்­டுப்­பா­டு­கள் கார­ண­மாக, ஓட்­டல் துறை­யின் ஒட்­டு­மொத்த வளர்ச்சி குறைந்­தா­லும், வரு­வாய், 6 – 7 சத­வீ­தம் அதி­க­ரிக்க வாய்ப்பு உள்­ளது’ என, ஆய்­வொன்­றில் தெரிய வந்­துள்­ளது.

தர நிர்­ணய நிறு­வ­ன­மான, ‘இக்ரா’ இந்­திய ஓட்­டல் துறை­யின் செயல்­பா­டு­களை ஆய்வு செய்து வெளி­யிட்­டுள்ள அறிக்கை: இந்­திய ஓட்­டல் துறை, பல்­வேறு பிரச்­னை­களை எதிர்­கொண்டு வரு­கிறது. தேசிய, மாநில நெடுஞ்­சா­லை­களில் மது விற்­ப­னைக்கு தடை; ஜூலை, 1ல் அறி­மு­க­மா­கும் ஜி.எஸ்.டி.,யில் அதிக வரி விதிப்பு போன்­றவை, இத்­து­றை­யின் வளர்ச்­சிக்கு சவா­லாக உள்ளன.

இவற்­றால், நடப்பு, 2017 – 18ம் நிதி­யாண்­டில், இந்­திய ஓட்­டல் துறை­யின் ஒட்­டு­மொத்த வளர்ச்சி, முந்­தைய நிதி­யாண்­டின், 8 – 10 சத­வீ­தத்தை விட குறை­வாக இருக்­கும் என, எதிர்­பார்க்­கப்­ப­டு­கிறது.இருந்த போதி­லும், ஓட்­டல் துறை­யின் வரு­வாய், 6 – 7 சத­வீ­தம் வளர்ச்சி காணும் என, மதிப்­பி­டப்­பட்டு உள்­ளது. இதற்கு, ஓட்­டல் அறை­க­ளுக்­கான தேவை அதி­க­ரித்­து உள்­ள­தும், அறை வாடகை வாயி­லான சரா­சரி வரு­வாய் உயர்ந்து வரு­வ­தும், முக்­கிய பங்­க­ளிப்பை வழங்­கும் என­லாம்.

எனி­னும், கடந்த நிதி­யாண்­டின், ஜன., – மார்ச் வரை­யி­லான நான்­கா­வது காலாண்­டில், ஓட்­டல் துறை­யின் வரு­வாய் வளர்ச்சி குறைந்­துள்­ளது. அதே சம­யம், செலவு குறை­வால், செயல்­பாட்டு லாப வரம்பு அதி­க­ரித்­துள்­ளது. கடந்த நிதி­யாண்­டில், தேசிய அள­வில், ஓட்­டல் அறை­களின் சரா­சரி பயன்­பாடு, 64 சத­வீ­தம் உயர்ந்­துள்­ளது. இது, முந்­தைய நிதி­யாண்­டில், 62 சத­வீ­த­மாக இருந்­தது. ஓட்­டல் அறை­யின் ஒரு நாள் சரா­சரி வாடகை, 5,700 ரூபா­யாக உள்­ளது.

ஓட்­டல் அறை­களின் பயன்­பாடு அதி­க­ரித்­துள்­ள­தால், அவை வாயி­லான, ஒரு நாள் சரா­சரி வரு­வாய், 5 – 5.5 சத­வீ­தம் உயர்ந்­துள்­ளது. இந்த வரு­வாய், கடந்த, 11 காலாண்­டு­க­ளாக உயர்ந்து வரு­வது குறிப்­பி­டத்­தக்­கது. இதன் கார­ண­மாக, ஓட்­டல்­கள் பெருகி வரு­கின்றன. எனி­னும், ஒரு­சில கட்­டு­மான திட்­டங்­களின் தாம­தத்­தால், பிரீ­மி­யம் ஓட்­டல் பிரி­வில், புதிய அறை­களின் எண்­ணிக்கை, 5 – 5.5 சத­வீத அள­விற்கே வளர்ச்சி கண்­டுள்­ளது. இந்த வளர்ச்சி, 2020 மார்ச் வரை, இதே அள­வில் இருக்­கும் என, எதிர்­பார்க்­கப்­ப­டு­கிறது. இது, 2010 – 13ல், 17 சத­வீ­த­மா­க­வும், 2013 – 16ல், 7 சத­வீ­த­மா­க­வும் இருந்­தது. இவ்­வாறு அதில் கூறப்­பட்டு உள்­ளது.

ஊக்குவிப்பு:
ஓட்­டல் மற்­றும் சுற்­றுலா துறை­யில், 100 சத­வீத அன்­னிய நேரடி முத­லீட்­டிற்கு அனு­மதி வழங்­கப்­பட்டு உள்­ளது. யுனெஸ்­கோ­வால் அங்­கீ­க­ரிக்­கப்­பட்ட, உலக பாரம்­ப­ரிய நினை­வுச் சின்­னங்­கள் அருகே அமைக்­கப்­படும், இரண்டு, மூன்று மற்­றும் நான்கு நட்­சத்­திர ஓட்­டல்­க­ளுக்கு, ஐந்து ஆண்­டு­கள் வரி விலக்கு சலுகை அளிக்­கப்­ப­டு­கிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 02,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 02,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 02,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 02,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 02,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்