புதுடில்லி : ‘ஆன்­லைன்’ மூலம் விற்­பனை செய்­யப்­படும் பொருட்­க­ளுக்கு, 2018 முதல், அதி­க­பட்ச சில்­லரை விற்­பனை விலை உள்­ளிட்ட, தேவை­யான விப­ரங்­களை கட்­டா­யம் குறிப்­பிட வேண்­டும் என, விதி­மு­றை­களில் திருத்­தம் வர இருக்­கிறது.

பொது­வாக, ‘ஆன்­லைன்’ மூலம் விற்­பனை செய்­யப்­படும் பொருட்­களில், பெரும்­பா­லா­ன­வைக்கு, அதி­க­பட்ச சில்­லரை விலை உள்­ளிட்ட விப­ரங்­கள் தரப்­ப­டு­வ­தில்லை. ஆனால், இனி இத்­த­கைய தக­வல்­களை தெரி­விக்க வேண்­டி­யது கட்­டா­ய­மாக்­கப்­பட உள்­ளது. அதே போல், மருத்­துவ சாத­ன­மாக கரு­தப்­பட்டு வந்த, ‘ஸ்டென்ட்ஸ்’ உள்­ளிட்­டவை மருந்து பொரு­ளாக அறி­விக்­கப்­பட்­டதை அடுத்து, அவற்­றுக்­கும் அதி­க­பட்ச சில்­லரை விற்­பனை விலை உள்­ளிட்ட, தேவை­யான அனைத்து தக­வல்­க­ளை­யும் கட்­டா­யம் தர வேண்­டும் என்ற நிலை உரு­வாகி உள்­ளது.

மத்­திய உணவு மற்­றும் நுகர்­வோர் விவ­கா­ரத் துறை அமைச்­சர் ராம்­வி­லாஸ் பஸ்­வான், ‘பேக்­கேஜ்’ செய்­யப்­பட்ட பொருட்­க­ளுக்­கான எடை அள­வு­கள் விதி – 2011ல், திருத்­தங்­க­ளுக்­கான ஒப்­பு­தலை வழங்கி இருக்­கி­றார். இந்த திருத்­தங்­கள், 2018 ஜன., 1 முதல் அம­லுக்கு வரு­கிறது. ‘பேக்­கிங்’ செய்­யப்­ப­டு­வ­தற்கு முன், பொருட்­களின் லேபி­ளில், என்­னென்ன தக­வல்­கள் தரப்­பட வேண்­டும் என்­பது குறித்த விதி­களை, இந்த புதிய சட்­டத்­தி­ருத்­தம் வகுத்து கொடுத்­துள்­ளது.

இதன்­படி, மின்­னணு வர்த்­தக நிறு­வ­னங்­கள் விற்­பனை செய்­யும் பொருட்­கள் மற்­றும் மருந்­தாக கரு­தப்­படும் என, அறி­விக்­கப்­பட்ட மருத்­துவ சாத­னங்­கள் ஆகி­ய­வற்­றுக்கு, புதிய திருத்­தங்­கள் படி, லேபி­ளில் கூடு­தல் தக­வல்­களை வழங்க வேண்­டி­ய­தி­ருக்­கும்.

இது குறித்து, அரசு தரப்­பில் கூறப்­ப­டு­வ­தா­வது: நுகர்­வோ­ரின் நலன் காக்­கும் வகை­யி­லும், எளி­தாக தொழில் செய்­வ­தற்கு ஏற்­ற­தா­க­வும், இந்த திருத்­தங்­கள் இருக்­கும். அது­மட்­டு­மின்றி, ஒரே பொரு­ளுக்கு இரண்டு வித­மான அதி­க­பட்ச சில்­லரை விற்­பனை விலை இருக்­கும் நிலை­யை­யும் தடுக்­கும்.இத­னால், யாரும் வெவ்­வேறு வித­மான அதி­க­பட்ச சில்­லரை விலையை பயன்­ப­டுத்த முடி­யாது. ஏதா­வது ஒரு சட்­டம், அப்­படி இரட்டை சில்­லரை விலைக்கு அனு­மதி வழங்கி இருந்­தால் ஒழிய, இனி இரட்டை சில்­லரை விற்­பனை விலைக்கு வழி இருக்­காது.

சினிமா தியேட்­டர்­கள், மால்­கள், விமான நிலை­யங்­கள் ஆகிய இடங்­க­ளி­லும் இனி, இரட்டை சில்­லரை விலை குறித்த பிரச்­னை­கள் இருக்­காது. ‘ஆன்­லைன்’ மூலம் பொருட்­களை விற்­பனை செய்­யும் விற்­ப­னை­யா­ளர்­கள், தயா­ரிப்­பா­ள­ரின் பெயர், முக­வரி, சில்­லரை விற்­பனை விலை, நுகர்­வோர் எங்கு புகார் செய்ய வேண்­டும் என்ற தக­வல் உள்­ளிட்ட தக­வல்­களை தரு­வது கட்­டா­ய­மாக்­கப்­படும்.

மேலும், லேபி­ளில் உள்ள எழுத்துக்கள், பெரும்­பா­லும் படிக்க முடி­யாத அள­வுக்கு சிறி­தாக அச்­சி­டப்­ப­டு­வதை மாற்றி, பெரிய எழுத்­துக்­களில் எளி­தாக வாசிக்­கும்­படி அச்­சிட வேண்­டும். ‘பார்­கோ­டிங், கியூ.ஆர்., கோடிங்’ போன்ற வச­தி­களை, விருப்­பப்­பட்­டால் சேர்த்­துக் கொள்­ள­லாம். இவ்­வாறு அரசு தரப்­பில் தெரி­விக்­கப்­பட்டு உள்­ளது.

மருத்­துவ சாத­னங்­கள்:
மருத்­துவ சாத­னங்­களை பொறுத்­த­வரை, ஸ்டென்ட், வால்வு, சிரிஞ்சு, உட­லி­னுள் வைக்­கப்­படும் செயற்கை பொருட்­கள் போன்­ற­வற்­றுக்­கான விலை குறித்து, பல புகார்­கள் வரு­கின்றன. வாங்க இருக்­கும் நுகர்­வோ­ரின் வச­தியை பொறுத்து, அவற்­றின் விலை சொல்­லப்­ப­டு­வ­தாக குற்­றச்­சாட்­டு­கள் வரு­கின்றன. சில­வற்­றுக்கு, அதி­க­பட்ச சில்­லரை விலையை நிர்­ண­யித்த பின்­னும் கூட, அவற்றை குறிப்­பி­டா­மல் இருக்­கின்­ற­னர். இவற்றை களை­யும் வகை­யில், புதிய சட்­டத்­தி­ருத்­தங்­கள் இருக்­கும் என, எதிர்­பார்க்­கப்­ப­டு­கிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 01,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 01,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 01,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 01,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 01,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்