இயற்கை விவசாய பொருட்களுக்கு தனி சந்தையை ஏற்படுத்த ‘நிடி ஆயோக்’ ... ...
கரன்சி நிலவரம் ...பதிவு செய்த நாள்
26 ஆக2017
08:28
நான், ஜூலை மாதம், ‘ரிட்டர்ன்’ 3பி படிவம் தாக்கல் செய்யும் போது, வரித் தொகையை அதிகமாக செலுத்தி விட்டேன். தற்போது, அதிகமாக செலுத்திய தொகையை, எவ்வாறு திரும்ப பெறுவது?– கருணாகரன், உளுந்துார்பேட்டைநீங்கள், அதிகப்படியாக செலுத்திய தொகை, தங்களுடைய, ‘எலக்ட்ரானிக் கேஷ் லெட்ஜர்’ எனப்படும், மின்னணு கணக்கில் வரவு வைக்கப்படும். அடுத்த மாதங்களில், நீங்கள் செலுத்த வேண்டிய வரியை, இந்த கணக்கிலிருந்து கழித்து கொள்ளலாம்.
சார், நாங்கள், ஆந்திராவில் சிறிய அளவில் பட்டு உற்பத்தி செய்கிறோம். அதை, தமிழகம் மற்றும் ஆந்திராவில், ஜவுளி உற்பத்தியாளர்களுக்கு விற்பனை செய்கிறோம். நாங்கள், தற்போது, உள்மாநில மற்றும் வெளி மாநில வழங்கலில் ஈடுபட்டு உள்ளோம். எங்களுடைய ஆண்டு வருமானம், 15 லட்சம் ரூபாய்க்கு குறைவாக இருக்கும். நாங்கள், ஜி.எஸ்.டி., பதிவு செய்ய வேண்டுமா? இந்த வழங்கலுக்கு, எத்தனை சதவீதம் வரி வசூல் செய்ய வேண்டும்?– சத்திய விஜய், குண்டூர்நீங்கள் செய்யக் கூடிய பட்டு உற்பத்தி வழங்கலுக்கு, ‘ரிவெர்ஸ் சார்ஜ்’ முறையில் வரி விதிக்கப்படும். நீங்கள் விற்கக் கூடிய பொருளுக்கு, பொருளை வாங்குபவர் வரி செலுத்த வேண்டும். எனவே, நீங்கள் பதிவு செய்ய வேண்டும் என்கிற அவசியமில்லை.
சார், திருவல்லிக்கேணியில், நான் ஒரு வீடு வாங்க உள்ளேன். ஏற்கனவே பயன்படுத்திய வீடு. வீட்டின் உரிமையாளர் எந்தவித வணிகத்திலும் ஈடுபடவில்லை. இவ்வாறு செய்யக் கூடிய பரிவர்த்தனையில், ஜி.எஸ்.டி.,யின் தாக்கம் எவ்வாறு இருக்கும்?– கிஷோர், மயிலாப்பூர்நீங்கள், உரிமையாளரிடமிருந்து வீடு வாங்கும் போது, அதற்கு, ஜி.எஸ்.டி., விதிக்கப்பட மாட்டாது. ‘ஸ்டாம்ப் டூட்டி’ செலுத்தி, பத்திரப்பதிவு செய்யப்படும் இந்த பரிவர்த்தனைக்கு, ஜி.எஸ்.டி., விதிக்கப்படாது.
ஐயா, நாங்கள், சென்னையில் மருத்துவமனை நடத்தி வருகிறோம். எங்களுடைய சேவைக்கு, வரி இல்லை என்கிற காரணத்தால், ஜி.எஸ்.டி., பதிவு செய்யவில்லை. நாங்கள்,எங்கள் மருத்துவமனை அல்லாது பிற மருத்துவமனைகளுக்கும் மற்றும் பயனாளிகளுக்கும், ‘ஆம்புலன்ஸ்’ சேவை வழங்கி வருகிறோம். அதற்கு, தனியாக கட்டணம் வசூலிக்கிறோம். அவ்வாறு பணம் வசூல் செய்தால், அதற்கு, ஜி.எஸ்.டி., வருமா? ஆம் எனில், எத்தனை சதவீதம்?– ராம் கணேஷ், வடபழனிதாங்கள் வழங்கும், ‘ஆம்புலன்ஸ்’ சேவைக்கு, தனியாக கட்டணம் வசூலித்தாலும், அதற்கு, ஜி.எஸ்.டி., விதிக்கப்பட மாட்டாது. இதற்கு, விலக்கு அளிக்கப்பட்டு உள்ளது.
நாங்கள், கைக்கடிகார விற்பனையில் உள்ளோம். அதற்கு, எத்தனை சதவீதம் வரி விதிக்க வேண்டும்? கைக்கடிகார உதிரி பாகங்களுக்கு, எத்தனை சதவீதம் வரி விதிக்கப்படும்?– அம்ஜத், சங்ககிரிபொதுவாக, கைக்கடிகார வகைகள், 28 சதவீதம் வரி விதிப்புக்கு உட்படும். அதன் உதிரி பாகங்களும், 28 சதவீதத்தில் இருக்கும். குறிப்பிட்ட சில உதிரி பாகங்களுக்கு, 18 சதவீதம் வரி விதிப்பு உள்ளது.
நாங்கள், கோபியில், ஒரு மெட்ரிகுலேஷன் பள்ளி நடத்தி வருகிறோம். மாணவர்களிடம், அவர்கள் பள்ளி வந்து செல்வதற்கு, வாகன கட்டணம் தனியாக வசூலிக்கிறோம். அந்த தொகையில், ஜி.எஸ்.டி., உண்டா?– ஷர்மிளா, கோபிதாங்கள் வசூலிக்கும் இந்தத் தொகைக்கு, வரியிலிருந்து விலக்களித்து உள்ளனர்.
நாங்கள், தேங்காய் நார் மூலம், கயிறு உற்பத்தி செய்து, அதை மொத்தமாக விற்பனை செய்கிறோம். எங்களுக்கு பணம் அளிப்பவர்கள், பணமாகவோ அல்லது வங்கி காசோலையாகவோ அளிக்கின்றனர். கயிற்றுக்கு, ஜி.எஸ்.டி., உண்டா?– மருதமூர்த்தி, பொள்ளாச்சிதேங்காய் நார் மூலம், தாங்கள் உற்பத்தி செய்யும் கயிற்றுக்கு, ஜி.எஸ்.டி.,யிலிருந்து விலக்கு அளிக்கப்பட்டு உள்ளது. நீங்கள், பணமாகவோ அல்லது வங்கி காசோலையாகவோ விற்பனைத் தொகையை பெறுவதால், இதில் எந்த மாற்றமும் இல்லை.
-ஜி.சேகர், எப்.சி.ஏ., ஆடிட்டர்
மேலும் பொது செய்திகள்
தினமலர் முதல் பக்கம்|
|
|
Advertisement
|
| Advertisement
|
| Advertisement
|
|
|
|
|
|