பதிவு செய்த நாள்
10 செப்2017
03:18
ஐயா, நான், சேவையில் ஈடுபட்டு உள்ளேன். ஜி.எஸ்.டி., பதிவையும் பெற்றுவிட்டேன். நாங்கள், எந்த விற்பனையிலும் ஈடுபடவில்லை. எங்களுடைய அலுவலக உபயோகத்திற்காக, காகிதம், கோப்புகள் போன்ற பொருட்களின் கொள்முதலில் செலுத்திய, ஜி.எஸ்.டி.,யை உள்ளீட்டு வரி பயனாக பெற முடியுமா? முன், இத்தகைய கொள்முதலில் செலுத்திய, ‘வாட்’ வரியை, நாங்கள், உள்ளீட்டு வரி பயனாக பெறவில்லை.– சிவகுமார், சிறுசேரிபதிவு செய்யப்பட்ட நபர், வணிகத்திற்காக கொள்முதலில் செலுத்திய, ஜி.எஸ்.டி.,யை உள்ளீட்டு வரி பயனாக பெறலாம். முன், நீங்கள், சேவை வரியின் கீழ் பதிவு செய்திருப்பீர்கள். ஆகையால், ‘வாட்’ வரியை உள்ளீட்டு வரி பயனாக பெற இயலாது. ஆனால், தற்போது, சேவை வரி மற்றும் ‘வாட்’ வரியை உள்ளடக்கி, ஜி.எஸ்.டி., வந்த காரணத்தால், உள்ளீட்டு வரி பயன் எந்த தடையுமின்றி கிடைக்கும். இதனால், வணிகர்கள் மற்றும் நுகர்வோர் பயன்பெறுவர்.
சார், நாங்கள், வரி விலைப் பட்டியலில், எச்.எஸ்.என்., குறியீட்டை தவறாக குறிப்பிட்டு விட்டோம். இதை, எவ்வாறு மாற்றுவது? இதனால், வரியில் பாதிப்பு இருக்குமா?– நதியா, சேலம்ஜி.எஸ்.டி., சட்ட விதிகளின்படி, சரியான குறியீட்டை, விலைப் பட்டியலில் குறிப்பிட வேண்டும். ஜி.எஸ்.டி., சட்டம், புதிதாக அறிமுகப்படுத்திய காரணத்தால், எச்.எஸ்.என்., குறியீட்டை, சிலர் தவறாக குறிப்பிட்டு உள்ளனர். அவ்வாறு குறிப்பிட்டாலும், நீங்கள் வரி சதவீதத்தில், பிழை இல்லாமல் வசூலித்து செலுத்தி இருந்தால், உங்களுக்கு வரியில் பாதிப்பு இருக்காது. நீங்கள், ‘ரிட்டர்ன்’ படிவம் தாக்கலின் போது, எச்.எஸ்.என்., குறியீட்டை சரியாக குறிப்பிடலாம்.
ஐயா, தங்க நகைகளுக்கு, 3 சதவீதம், ஜி.எஸ்.டி., என, முன் குறிப்பிட்டிருந்தீர்கள். வெள்ளி நகைகளுக்கு, எத்தனை சதவீதம் வரி விதிக்கப்படும்? சென்னையில், ஒரு நகைக் கடையில், வெள்ளி நகைகளுக்கு, 12 சதவீதம் வசூல் செய்தனர். இது சரியா?– இசக்கி, சென்னைதங்க நகைகளை போலவே, வெள்ளி நகைகளுக்கு, 3 சதவீத வரி விதிக்கப்படும். இவற்றை, 71 எனும், எச்.எஸ்.என்., குறியீட்டில் வகைப்படுத்த வேண்டும். நீங்கள் கூறியது போல், ஒருவேளை, தவறாக வரி வசூல் செய்திருந்தால், அவர்களிடம் விளக்கி கூறி, தொகையை திரும்ப பெறலாம்.
நாங்கள், ஐந்து லட்சம் ரூபாய் முதலீட்டில், சிறிய எலக்ட்ரானிக்ஸ் கடை நடத்தி வருகிறோம். ஆண்டு வருமானம், இருபது லட்சம் ரூபாய்க்கு கீழ் தான், நாங்கள், ஜி.எஸ்.டி.,யில் சேர வேண்டுமா? நாங்கள் விற்பனை செய்யும் பொருட்களுக்கு, வரி கட்ட வேண்டுமா? எங்களை போன்ற சிறு வியாபாரிகளுக்கு, ஜி.எஸ்.டி.,யால் பாதிப்பு ஏற்படுமா?– ஸ்ரீவராகன், காங்கேயம்ஜி.எஸ்.டி., பதிவிற்கான உச்ச வரம்பு தொகையை தாண்டாத நிலையில், நீங்கள் பதிவு பெற வேண்டியது இல்லை. நீங்கள் விற்பனை செய்யும் பொருட்களுக்கு, வரி செலுத்த வேண்டாம். ஆனால், நீங்கள் பதிவு பெற்ற விற்பனையாளரிடமிருந்து பொருட்களை கொள்முதல் செய்யும் போது, ஜி.எஸ்.டி., செலுத்த வேண்டும். அதை, உள்ளீட்டு வரி பயனாக பெற இயலாது. இதனால், சிறு வியாபாரிகளுக்கு எந்த பாதிப்பும் இருக்காது.
நாங்கள், கிரானைட் சிலாப் ஏற்றுமதி தொழில் செய்கிறோம். நாங்கள் தற்போது, தொழிற்சாலையில் இருந்து, ‘பாலிஷ்’ செய்யாத சிலாப்களை, 28 சதவீதம், ஜி.எஸ்.டி., செலுத்தி கொள்முதல் செய்துள்ளோம். அதை, நாங்கள் வெளிநாட்டிற்கு ஏற்றுமதி செய்ய உள்ளோம். ஏற்றுமதி செய்த பின், நாங்கள் செலுத்திய, 28 சதவீத, ஜி.எஸ்.டி.,யை திரும்ப பெறுவது எப்படி மற்றும் எல்.யு.டி., எனும், உத்தரவாத கடிதம் பெற்று சமர்ப்பிக்க வேண்டுமா?– கார்த்திகேயன், மேலுார்ஏற்றுமதியில் ஈடுபட்டிருக்கும் நீங்கள் செலுத்திய, ஜி.எஸ்.டி.,யை முழுமையாக திரும்ப பெற இயலும். நீங்கள் ஏற்றுமதியின் போது, விதிமுறைகளுக்கேற்ப, 15 சதவீத உத்தரவாத பத்திரமோ அல்லது கடிதமோ அளித்து, ஏற்றுமதி செய்ய வேண்டும். நீங்கள் ஏற்றுமதி செய்த பின், அதன் விபரத்தை, ஜி.எஸ்.டி., ரிட்டர்ன் படிவம், ஜி.எஸ்.டி.ஆர்., – - 2 மூலம் தாக்கல் செய்து, வரியை திரும்ப பெறலாம்.
நாங்கள், பழைய கார்களை வாங்கி விற்கும் தொழிலில் ஈடுபட்டு உள்ளோம். காரின் விற்பனை தொகையில், ஜி.எஸ்.டி., செலுத்த வேண்டுமா அல்லது எங்களுடைய லாப தொகையில், ஜி.எஸ்.டி., செலுத்த வேண்டுமா? ஏனெனில், நாங்கள் அதிகமாக, ஜி.எஸ்.டி., பதிவு பெறாத நுகர்வோரிடமிருந்து தான், பழைய ஊர்திகளை வாங்குகிறோம்.– ஹரிணி, சென்னைஇத்தகைய பரிவர்த்தனைகளுக்கு, ஜி.எஸ்.டி., சட்டத்தில், தனியாக விதி உள்ளது. இதற்கு, ‘மார்ஜின் ஸ்கீம்’ என, பெயர். ஜி.எஸ்.டி., செலுத்துவதற்கு, உங்களின் விற்பனை தொகையிலிருந்து கொள்முதல் தொகையை கழித்து, மீத தொகைக்கு வரி விதிக்கப்படும்.
சார், ஜூன், 30ல், வேலை பணியாளரிடம் இருந்த சரக்கின் விபரத்தை, எந்த படிவத்தில் தாக்கல் செய்ய வேண்டும்? இதில், எந்த விபரங்களை குறிப்பிட வேண்டும்?– சதிஷ், பாலக்காடுநீங்கள், ஜூன், 30ல், வேலை பணியாளரிடம் இருந்த சரக்கின் விபரத்தை, ஜி.எஸ்.டி., டிரான் – -1 எனும் படிவத்தில், வரிசை எண், 9ல் குறிப்பிட வேண்டும். சரக்கு அனுப்பிய செலான் எண், சரக்கின், எச்.எஸ்.என்., குறியீடு, அதன் அலகு, எண்ணிக்கை, மதிப்பு ஆகிய விபரங்களை குறிப்பிட வேண்டும்.
மாட்டுத் தீவனமாக உபயோகப்படுத்தப்படும், வைக்கோல் மற்றும் புண்ணாக்கு வகைகளுக்கு, ஜி.எஸ்.டி., எத்தனை சதவீதம் விதிக்கப்படும்?– புகழேந்தி, பெரம்பூர்மாட்டுத் தீவனமாக உபயோகப்படுத்தப்படும், மேற்கூறிய பொருட்களுக்கு, ஜி.எஸ்.டி., விதிக்கப்படாது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|