ரெப்போ விகி­தத்தில் எந்த மாற்­றமும் செய்­யா­ததால், வீட்­டுக்­க­ட­னுக்­கான வட்டி விகிதம் குறை­வ­தற்­கான வாய்ப்பும் குறைந்­தி­ருப்­பது, என்ன வித­மான தாக்­கத்தை ஏற்­ப­டுத்தும்?

வீட்­டுக்­க­ட­னுக்­கான வட்டி விகிதம் மேலும் குறையும் வாய்ப்­பிற்­காக காத்­தி­ருந்­த­வர்­க­ளுக்கு, ஏமாற்றம் அளிக்கும் வகையில், ரிசர்வ் வங்கி அண்­மையில், ரெப்போ விகித மாற்றம் இல்­லாமல் தொடரும் என அறி­வித்­துள்­ளது. வங்­கி­க­ளுக்­கான ரொக்க கையி­ருப்பு விகி­தத்­திலும் மாற்றம் செய்­யப்­ப­ட­வில்லை. பொது­வாக ரெப்போ விகிதம் குறைக்­கப்­பட்டால், வங்­கிகள் வழங்கும் கட­னுக்­கான வட்டி விகி­தமும் குறையும் வாய்ப்பு இருப்­ப­தாக கரு­தப்­ப­டு­கி­றது. வங்­கிகள் குறைந்த வட்­டியில் கடன் பெறு­வதால், அதற்­கேற்ப அவையும் கட­னுக்­கான வட்டி விகி­தத்தை குறைக்கும் வாய்ப்பு உள்­ளது.

புதிய வாடிக்­கை­யா­ளர்:
நடை­மு­றையில் ரெப்போ வட்டி குறைப்பின் பலன் வாடிக்­கை­யா­ளர்­க­ளுக்கு உட­ன­டி­யாக மாற்­றப்­ப­டு­வ­தில்லை எனும் விமர்­சனம் இருந்­தாலும், அண்­மையில் வெளி­யிட்ட நிதிக்­கொள்கை அறி­விப்பில், ரெப்போ விகி­தத்தை ரிசர்வ் வங்கி குறைக்­க­வில்லை என்­பதால், வங்­கிகள் தரப்பில் வட்டி குறைப்­பிற்­கான எதிர்­பார்ப்பும் வடிந்­து­விட்­டது. தற்­போ­தைய நிலையில் வங்­கிகள் வீட்­டுக்­க­ட­னுக்கு வழங்கும் வட்டி விகிதம் சரா­ச­ரி­யாக, 8.5 சத­வீதம் என இருக்­கி­றது. பல வங்­கிகள் ஏற்­க­னவே, எம்.சி.எல்.ஆர்., அடிப்­ப­டை­யி­லான வட்டி விகி­தத்தை குறைத்து விட்­டதால், மேலும் குறைக்­கப்­பட அதிக வாய்ப்­பில்லை என்றே கரு­தப்­ப­டு­கி­றது.

வீட்­டுக்­கடன், தனி­நபர் கடன், வாகனக் கடன் ஆகி­யவை எம்.சி.எல்.ஆர்., விகி­தத்­துடன் இணைக்­கப்­பட்­டி­ருப்­பதால் இந்த விகி­தத்­திற்கு ஏற்­பவே அவற்றின் வட்டி விகி­தமும் அமையும்.கடந்த, 2016 ஏப்­ர­லுக்கு பின், எல்லா கடன்­களும் எம்.சி.எல்.ஆர்., விகி­தத்­துடன் இணைக்­கப்­பட்­டுள்­ளன. எனினும் புதி­தாக கடன் பெற திட்­ட­மிட்­டு உள்ள வாடிக்­கை­யா­ளர்கள் இந்த விகி­தத்தை மட்டும் கணக்கில் கொண்டால் போதாது.

வட்டி விகிதம்:
வட்டி விகிதம் தவிர, மார்க் அப் மற்றும் ரீசெட் காலத்­தையும் கவ­னத்தில் கொள்ள வேண்டும். மேலும் முதல் முறை­யாக வீடு வாங்க இருப்­ப­வர்கள் வீட்­டுக்­கடன் வட்­டிக்­கான மத்­திய அரசின் மானிய திட்­டத்தில் பங்­கேற்கும் வாய்ப்­புள்­ளதா என்­ப­தையும் பரி­சீ­லிக்க வேண்டும். ஏற்­க­னவே கடன் பெற்­ற­வர்­களை பொறுத்­த­வரை, எம்.சி.எல்.ஆர்., விகி­தத்தில் கடன் பெற்­ற­வர்கள் மற்றும் அதற்கு முந்­தைய பேஸ் ரேட் முறையில் கடன் பெற்­ற­வர்கள் என, இரண்டு பிரி­வினர் உள்­ளனர். எம்.சி.எல்.ஆர்., முறையில் கடன் பெற்­ற­வர்­க­ளுக்கு ரிசர்வ் வங்கி முடிவால், உட­ன­டி­யாக எந்த தாக்­கமும் இருக்­காது. ஏனெனில் ரெப்போ விகிதம் குறைக்­கப்­பட்­டி­ருந்­தாலும், கடன் விகி­தத்­திற்­கான ரிசெட் காலம் வரை மாற்றம் இருந்­தி­ருக்­காது.

விழாக்­கால சலு­கை:
இந்த சூழலில், வங்­கிகள் கட­னுக்­கான வட்டி விகிதம் தொடர்­பாக முடி­வெ­டுப்­பது, அவற்றின் லாப விகி­தத்தை பொறுத்தே அமையும். ரிசர்வ் வங்கி ரெப்போ விகி­தத்தை குறைக்­க­வில்லை என்­றாலும், எஸ்.எல்.ஆர்., விகிதம், 0.5 சத­வீதம் குறைக்­கப்­பட்­டுள்­ளது. மத்­திய அல்­லது மாநில அர­சுகள் வசம் வங்­கிகள் செய்ய வேண்­டிய கட்­டாய டிபாசிட் விகி­த­மாக இது அமை­கி­றது. இது குறைக்­கப்­பட்­டுள்­ளதால், வங்­கிகள் கடன் கொடுப்­ப­தற்­கான தொகையும் அதி­க­ரிக்­கலாம் என கரு­தப்­ப­டு­கி­றது. இந்த பின்­ன­ணியில் வங்­கிகள் அளிக்கக் கூடிய பண்­டிகை கால சலு­கைகள் முக்­கி­ய­மா­கின்­றன. வங்­கிகள் பல­வி­த­மான சலு­கை­களை அறி­விக்கத் துவங்­கி­யி­ருந்­தாலும் வட்டி குறைப்பை விட, செயல் முறை கட்­டணம் போன்­ற­வற்றில் தான் சலு­கைகள் இருக்கும் என எதிர்­பார்க்­கப்­ப­டு­கி­றது. மேலும் போட்டி கார­ண­மா­கவும், வங்­கிகள் வாடிக்­கை­யா­ளர்­களை கவர சலு­கை­களை அளிக்­கலாம். எனவே வீட்­டுக்­கடன் பெற திட்­ட­மிட்­டுள்ள வாடிக்­கை­யா­ளர்கள், இந்த அம்சங்களை கருத்தில் கொண்டு செயல்பட வேண்டும்.

முக்­கிய விகி­தங்கள்:
* சி.ஆர்.ஆர்., எனப்­படும் ரொக்க இருப்பு விகிதம், வங்­கிகள் மத்­திய வங்­கி­யிடம் வைத்­தி­ருக்க வேண்­டிய ரொக்­கத்தை குறிக்­கி­றது
* எஸ்.எல்.ஆர்., விகிதம் வங்­கிகள் மத்­திய மற்றும் மாநில அர­சுகள் பத்­தி­ரங்­களில் செய்ய வேண்­டிய டிபா­சிட்டை குறிக்­கி­றது
* ரெப்போ விகிதம் என்­பது வங்­கிகள் மத்­திய வங்­கி­யிடம் இருந்து பெறும் கட­னுக்­கான வட்டி விகி­த­மாகும்
* ரிவர்ஸ் ரெப்போ விகிதம், வங்­கி­க­ளிடம் இருந்து ரிசர்வ் வங்கி பெறும் கட­னுக்கு அளிக்­கப்­படும் வட்­டி­யாகும்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 09,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 09,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 09,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 09,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 09,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்