பங்கு சந்தையில் களமிறங்கும், ‘ஸ்டார்ட் அப்’ நிறுவனங்கள்பங்கு சந்தையில் களமிறங்கும், ‘ஸ்டார்ட் அப்’ நிறுவனங்கள் ... ரூபாயின் மதிப்பு உயர்வு : ரூ.64.22 ரூபாயின் மதிப்பு உயர்வு : ரூ.64.22 ...
வர்த்தகம் » வங்கி மற்றும் நிதி
நாளை வெளியாகிறது நிதி கொள்கை:வங்கிகளின், 'ரெப்போ' வட்டியை ரிசர்வ் வங்கி குறைக்க வாய்ப்பில்லை
எழுத்தின் அளவு:

பதிவு செய்த நாள்

05 டிச
2017
00:41

புதுடில்லி:'ரிசர்வ் வங்கி, நாளை வெளியிடும் நிதிக் கொள்கையில், வங்கிகளின் குறுகிய கால கடனுக்கான, 'ரெப்போ' வட்டி விகிதம் குறைக்கப்பட வாய்ப்பில்லை' என, நிதி வல்லுனர்கள் தெரிவித்து உள்ளனர்.ரிசர்வ் வங்கியின் நிதிக் கொள்கை குழு, இரு மாதங்களுக்கு ஒருமுறை கூடி, நிதிக் கொள்கையை அறிவிக்கிறது.
இதன்படி, ஆகஸ்டில், வங்கிகள், ரிசர்வ் வங்கியிடம் இருந்து பெறும் குறுகிய கால கடனுக்கான, 'ரெப்போ' வட்டி விகிதம், 0.25 சதவீதம் குறைக்கப்பட்டு, ஆறு ஆண்டுகளில் இல்லாத அளவிற்கு, 6 சதவீதமாக நிர்ணயிக்கப்பட்டது.
இதை தொடர்ந்து, ஏப்., - ஜூன் காலாண்டிற்கான, மொத்த உள்நாட்டு உற்பத்தி குறித்த, அரசின் புள்ளி விபரம் வெளியானது.அதில், மூன்று ஆண்டுகளில் இல்லாத அளவிற்கு, மொத்த உள்நாட்டு உற்பத்தி, 5.7 சதவீதமாக குறைந்து உள்ளதாக தெரிவிக்கப்பட்டு இருந்தது.மேலும், ஜூனில், 1.54 சதவீதமாக இருந்த சில்லரை பணவீக்கம், செப்டம்பரில், 3.28 சதவீதமாக அதிகரித்தது. பணவீக்கம் மேலும் அதிகரிக்கும் என்ற மதிப்பீட்டில், ரிசர்வ் வங்கி, அக்டோபரில் வெளியிட்ட நிதிக் கொள்கையில், 'ரெப்போ' விகிதத்தில் மாற்றம் செய்யவில்லை.
இந்நிலையில், மொத்த உள்நாட்டு உற்பத்தி, சில்லரை பணவீக்கம் ஆகியவற்றின் மதிப்பீட்டில் அதிருப்தி தெரிவித்த, பிரதமரின் பொருளாதார ஆலோசனைக் குழு உறுப்பினரான, ஆஷிமா கோயல், 'ரிசர்வ் வங்கி, 'ரெப்போ' விகிதத்தை குறைக்க வேண்டும்' என, சமீபத்தில் வலியுறுத்தி இருந்தார்.



இந்நிலையில், ஜூலை - செப்., காலாண்டில், மொத்த உள்நாட்டு உற்பத்தி, 6.3 சதவீதமாக உயர்ந்துள்ள தகவல் வெளியானது.அதே சமயம், அக்டோபரில், சில்லரை பணவீக்கம், ஏழு மாதங்களில் இல்லாத அளவிற்கு, 3.58 சதவீதமாக அதிகரித்துள்ளது.அதனால், ரிசர்வ் வங்கி, நாளை, 'ரெப்போ' விகிதத்தை குறைக்காது; அடுத்து, 2018 பிப்ரவரியில் வெளியிட உள்ள நிதிக் கொள்கையிலும், வட்டியில் மாற்றம் இருக்காது என, வல்லுனர்கள் தெரிவித்து உள்ளனர்.
கச்சா எண்ணெய் விலை உயர்வு, ஏழாவது ஊதியக் குழு பரிந்துரையால் அதிகரித்துள்ள பணப்புழக்கம், பணவீக்கம் அதிகரிப்பு போன்றவற்றால், இத்தகைய நிலைப்பாட்டை ரிசர்வ் வங்கி எடுக்கும்.இது, வட்டியை குறைக்க விரும்பும், மத்திய அரசின் விருப்பத்திற்கு மாறான நிலைப்பாடாக இருக்கும் எனவும், அவர்கள் கூறியுள்ளனர்.


அடுத்த ஆண்டு முழுவதும், 'ரெப்போ' வட்டியில் மாற்றம் இருக்காது
'நோமுரா' நிறுவனம்

ஒரு பீப்பாய் கச்சா எண்ணெய் விலை, 63 டாலரை நெருங்கி உள்ளதால், நாட்டின் பணவீக்கம் மேலும் உயர வாய்ப்புள்ளது. அதனால், இம்முறை மட்டுமின்றி, பிப்ரவரியிலும், 'ரெப்போ' வட்டியை ரிசர்வ் வங்கி உயர்த்தாது.
மாதவி அரோரா, பொருளாதரர வல்லுனர், கோட்டக் இன்ஸ்டிடியூஷனல் ஈக்யுட்டீஸ்

வரும் மாதங்களில், சில்லரை பணவீக்கம், ரிசர்வ் வங்கியின் இலக்கான, 4 சதவீதத்தை தாண்டக் கூடும்.
'ராய்ட்டர்ஸ்' நிறுவனம்

Advertisement

மேலும் வங்கி மற்றும் நிதி செய்திகள்

business news
வர்த்தக துளிகள் டிசம்பர் 05,2017
கார் வாங்கும் எண்ணம்புதிதாக நுழைவு நிலை கார் வாங்குவது அல்லது இருக்கும் காரை மேம்படுத்துவது போன்ற ... மேலும்
business news
வளமான எதிர்காலத்திற்கு திட்டமிட்டு முதலீடு செய்வது அவசியம். சரியான முதலீடு சாதனங்களை தேர்வு செய்வதோடு, ... மேலும்
business news
வட்டி விகித உயர்வு, கட்டுமான பொருட்களின் விலை உயர்வு உள்ளிட்ட அம்சங்களை மீறி, ரியல் வீடுகளுக்கான தேவை ... மேலும்
business news
பொதுவாக, 60 வயது முதல் 80 வரையான மூத்த குடிமக்களுக்கான வருமான வரிச் சலுகைகள் குறித்து விளக்கவும். ... மேலும்
business news
புதுடில்லி:உணவு வினியோகத்தில் ஈடுபட்டுள்ள நிறுவனமான ஸ்விக்கி, உணவக தொழில்நுட்ப நிறுவனமான ‘டைன் அவுட்’ ... மேலும்
  தினமலர் முதல் பக்கம்
வர்த்தகம் முதல் பக்கம் »
Advertisement
Advertisement
Advertisement
dinamalar-advertisement-tariff-2018
  • தங்கம்
  • வெள்ளி
  • கரன்சி
  • மளிகை மார்க்கெட்
 
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)