பதிவு செய்த நாள்
11 டிச2017
00:38
செயல்திறன் மற்றும் உற்பத்தி திறனை மேம்படுத்திக் கொள்ள, மூன்று முக்கிய பழக்கங்கள்
அவசியம் என்கிறார், ‘ஹை பர்பார்மன்ஸ் ஹாபிட்ஸ்’ புத்தகத்தின் ஆசிரியரான, பெர்னார்டு பர்கர்டு.
அதிக
செயல் திறன் கொண்டவர்கள், எந்த சூழலிலும் விரும்பிய உணர்வுகளை
உருவாக்கி கொள்ளக் கூடியவர்களாக இருக்கின்றனர். அன்றைய தினத்தின்
மனநிலையை சுமந்து திரிய வேண்டிய அவசியம் இல்லை என்பதையும், அவர்கள்
அறிந்திருக்கின்றனர். ஆற அமர உட்கார்ந்து, மனநிலையை மாற்ற வேண்டிய
அவசியத்தை, அவர்கள் உணர்வதில்லை.
செயல்திறன் மிக்கவர்கள்,
தங்களை வந்தடையும் மனநிலையை விட, விரும்பிய மனநிலையை உருவாக்கி
கொள்ளக் கூடியவர்களாக இருக்கின்றனர்.
ஒரு சூழலில் இருந்து
இன்னொரு சூழலுக்கு மாறும் போது, கண்களை மூடி, மன அழுத்தத்தை மெல்ல
விடுவிக்கவும். இது உங்களுக்கு விருப்பமான உணர்வை பெற உதவும்.
அவசியமானவர்களாக உணர்வது எத்தனை ஆற்றல் அளிக்கக் கூடியது என்பதை, செயல்திறன் மிக்கவர்கள் அறிந்துள்ளனர்.
செயல்திறன் மிக்கவர்கள் சிறப்பாக செயல்படும் வாய்ப்பை எதிர்பார்ப்பதில்லை. சிறப்பாக செயல்படும் கட்டாயத்தைஏற்படுத்தும் சூழலை உருவாக்கி கொள்கின்றனர். உங்கள் இலக்குகள் என்னவோ
அதற்கேற்ற அடையாளத்தை உருவாக்கி கொள்ளவும். பணியாற்றுவதற்கான
உற்சாகம் பெறும் போது, இது தான் நான், இப்படி தான் இருப்பேன் என,
சொல்லிக் கொள்ளுங்கள்.
பலருக்கு உதவி செய்வதைவிட, ஒருவர் மீது கவனம் செலுத்துங்கள். உங்கள் நோக்கம் மற்றும் பணிகளுக்கு அர்த்தம் அளிக்கக் கூடிய ஒருவரை கண்டுபிடியுங்கள். இதை
கண்டறிய, என்னுடைய செயல்பாடு யாருக்கு தேவை என, கேட்டுக் கொள்ளுங்கள்.
இதன் மூலம் தனிப்பட்ட செயல்பாடுகளை கடந்து, மற்றவர்களுடன்
அர்த்தமுள்ள வகையில் தொடர்பு கொள்வதற்கான வாய்ப்பு உண்டாகும்.
துடிப்புடன் செயல்படுவதற்கு, தகுதியுள்ள ஒருவரை கண்டறிய இது
ஊக்கமாக அமையும். மற்றவர்களுக்கு உங்கள் சிறந்த செயல்பாட்டை
வெளிப்படுத்த, இது நிர்ப்பந்தித்து உங்கள் தனிப்பட்ட செயல்திறனை
அதிகரிக்கும்.நீங்கள் உதவ விரும்பும் நபரை தேடும் போது, அந்த நபர் குடும்ப உறுப்பினராக இருக்கலாம்,
அலுவலக ஊழியராக இருக்கலாம்; நண்பராக இருக்கலாம். யாராக
இருந்தாலும், அவர்கள் முகத்தை கண் முன் கொண்டு வந்துப் பாருங்கள்.
பணியில் சுமையை உணர்ந்தாலோ அல்லது கவனம் செலுத்த முடியாமல்
அவதிப்பட்டாலோ, யாருக்கு என் திறன் தேவை எனும் கேள்வியை கேட்டுக்
கொள்ளுங்கள்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|