தமிழ்­நாடு எம்.எல்.ஏ.களுக்கு மட்­டும்­தான் சம்­பள உயர்வா, நமக்கு இல்­லையா என்று மத்­தி­ய­மர்­கள் ஏங்க வேண்­டாம். பல்­வேறு தொழிற்­து­றை­யி­னர் மத்­தி­யில் நடத்­தப்­பட்ட ஆய்வு ஒன்று, நல்ல செய்­தி­யைச் சொல்­கிறது. இந்த ஆண்டு சம்­பள உயர்­வு­கள் எப்­படி இருக்­கப் போகின்றன?
‘மெர்­சர்’ என்ற அமைப்பு, ‘இந்­தியா டோட்­டல் ரெமு­ன­ரே­ஷன் சர்வே’யை ஒவ்­வொரு ஆண்­டும் நடத்தி, முடி­வு­களை வெளி­யிட்டு வரு­கிறது. இந்த ஆண்டு, இந்த அமைப்பு பல்­வேறு துறை­க­ளைச் சேர்ந்த, 791 நிறு­வ­னங்­க­ளி­டம் மேற்­கொண்ட ஆய்­வில், பல சுவா­ர­சி­ய­மான தக­வல்­கள் வெளி­யா­கி­உள்ளன. அதில் முக்­கி­ய­மா­னது, சம்­பள உயர்வு.
சுமார், 10 சத­வீத அள­வுக்கு சம்­பள உயர்வு தரு­வ­தற்கு இந்த நிறு­வ­னங்­கள் திட்­ட­மிட்­டுள்ளன. சென்ற ஆண்­டு­களில், 8 முதல் 13 சத­வீ­தம் வரை சம்­பள உயர்வு வழங்­கு­வது என்ற திட்­ட­மி­ருந்­தது. இந்த ஆண்டு, வளர்ச்சி சூழ்­நிலை சுமு­க­மா­கி­யுள்­ள­தால், 10 சத­வீத சம்­பள உயர்வு நிச்­ச­ய­மா­கி­யுள்­ளது.
10 சத­வீத சம்­பள உயர்வு என்­பது மிகப்­பெ­ரி­யதா? ஆமாம். வில்­லிஸ் டவர்ஸ் வாட்­சன் என்ற மற்­றொரு அமைப்பு வெளி­யிட்­டுள்ள அறிக்கை, இப்­ப­டித்­தான் தெரி­விக்­கிறது. அதா­வது ஆசிய பசி­பிக் பகு­தி­யில், இந்­தி­யா­வில் தான் அதி­க­பட்ச சம்­பள உயர்வு இருக்­கப் போகி­ற­தாம்.இந்­தோ­னே­சி­யா­வில் சம்­பள உயர்வு, 8.5 சத­வீ­த­மாக இருக்க, சீனா­வில், 7 சத­வீ­தம், பிலிப்­பைன்­ஸில், 6 சத­வீ­தம், ஹாங்­காங் மற்­றும் சிங்­கப்­பூ­ரில் இது, 4 சத­வீத அள­வுக்கே இருக்­கப் போகின்றன. அத­னோடு ஒப்­பி­டும்­போது, இந்­திய நிறு­வ­னங்­கள் கூடு­த­லான உயர்­வையே வழங்­க­வுள்ளன.
சம்­பள உயர்­வி­லும் துறைக்­குத் துறை மாறு­பா­டும், பல்­வேறு படி­நி­லை­களில் வேறு­பா­டும் இருக்­கப்­போ­கிறது. இடை­நிலை மேலா­ளர்­கள் மத்­தி­யில் கூட சாதா­ர­ண­மான வேலை­செய்­ப­வர்­கள், 2 – 3 சத­வீத உயர்வு வழங்­கப்­பட, நன்­றா­கச் செயல்­பட்­ட­வர்­கள் 15 சத­வீத அள­வுக்கு உயர்வு கொடுக்­கப்­பட வாய்ப்­புண்டு என்று கூறு­கிறது வில்­லிஸ் டவர்ஸ் வாட்­சன்.புதிய வேலை­வாய்ப்­பு­கள் உரு­வாக்­கம் பற்­றிய ‘மெர்­சர்’ தெரி­விக்­கும் தக­வ­லும் மகிழ்ச்சி அளிக்­கிறது. ஆய்­வு­செய்­யப்­பட்ட, 791 நிறு­வ­னங்­களில், 55 சத­வீத நிறு­வ­னங்­கள், புதிய நபர்­களை வேலைக்கு எடுத்­துக்­கொள்ள உத்­தே­சித்­தி­ருக்­கின்றன.
சென்ற ஆண்டு, 48 சத­வீத நிறு­வ­னங்­களே புதிய வேலை­களை உரு­வாக்க முன்­வந்­தி­ருந்­தன. இம்­முறை நிலைமை மாறி­யி­ருப்­ப­தால், நிறு­வ­னங்­க­ளுக்கு நம்­பிக்கை பிறந்­தி­ருக்­கிறது. அத­னால், ஆளெ­டுப்­பின் எண்­ணிக்­கை­யும் உயர்­வ­தற்­கான வாய்ப்­புள்­ளது.இது வழக்­க­மான ஓய்வு பெற்­ற­வர்­கள் மற்­றும் வேலையை விட்டு வெளி­யே­றி­ய­வர்­க­ளுக்­கான ‘மாற்று நபர்’ என்று சொல்­லப்­படும் ரீப்­ளேஸ்­மென்ட் ஆளெ­டுப்பு அல்ல; முற்­றி­லும் புதிய பத­வி­கள் உரு­வாக்­கப்­ப­டு­வ­த­னால், ஏற்­பட்­டுள்ள ஆளெ­டுப்பு.

எந்­தெந்த துறை­களில் ஆளெ­டுப்பு நடக்­கப் போகிறது? சில்­லறை வர்த்­த­கம், எப்.எம்.சி.ஜி., உற்­பத்­தித் துறை மற்­றும் மருந்­து­கள் தயா­ரிப்­புத் துறை ஆகி­ய­வற்­றில் வேலை­வாய்ப்­பு­கள் பெரு­கி­யுள்ளன. அதே­போல், சப்ளை செயின் திட்­ட­மி­டல், அனா­லி­டிக்ஸ், டிமாண்ட் பிளா­னிங், கம்ப்­யூட்­டர் இமே­ஜரி, ஸ்டோர் டிசைன், வர்த்­த­க­வி­யல் போன்ற துறை­களில் புதிய வேலை­கள் உரு­வா­கி­யுள்ளன.
செயற்கை நுண்­ண­றிவு, கணினி கற்­பித்­தல், தானி­யங்கி தொழில்­நுட்­பம், ரோபோ­டிக்ஸ், இன்­டர்­நெட் ஆப் திங்க்ஸ் ஆகிய நவீ­ன­கால சவால்­கள் பெரு­கி­வ­ரு­வ­தால், தக­வல் தொழில்­நுட்­பத் துறை­யில் உள்­ள­வர்­கள், தங்­க­ளைத் தொடர்ந்து மேம்­ப­டுத்­திக்­கொள்ள வேண்­டிய தேவை உரு­வா­கி­யுள்­ளது. இன்­றைய கால­கட்­டத்­துக்­கான திறன்க­ளோ­டும் படிப்­பு­க­ளோ­டும் வரு­ப­வர்­க­ளுக்கே, வேலை­வாய்ப்­புக்­கான கத­வு­கள் திறந்­துள்ளன.
வேலை­வாய்ப்­பில் உள்ள மற்­றொரு அள­வீ­டும் முக்­கி­ய­மா­னது. அது ‘அட்­ரி­ஷன்’ என்று ஆங்­கி­லத்­தில் குறிப்­பி­டப்­படும் வேலை­யை­விட்­டுச் செல்­ப­வர்­களின் எண்­ணிக்கை. அது, 1.8 சத­வீ­தம் குறைந்­துள்­ளது. 2017ல் 13.3 சத­வீ­த­மாக இருந்த அட்­ரி­ஷன், 2018ல் 11.5 சத­வீ­த­மா­கக் குறைந்­துஉள்­ளது.இதற்கு முக்­கிய கார­ணம், நிறு­வ­னங்­கள், தகு­தி­யுள்ள நபர்­க­ளைத் தக்­க­வைத்­துக்­கொள்ள மேற்­கொண்­டி­ருக்­கும் நட­வ­டிக்கை.
தக­வல் தொழில்­நுட்ப நிறு­வ­னங்­க­ளான இன்­போ­சிஸ், டி.சி.எஸ். ஆகி­யவை, சமீ­பத்­தில் வெளி­யிட்ட மூன்­றாம் காலாண்­டுக்­கான அறிக்­கை­களில், பணி­யா­ளர்­க­ளைத் தக்­க­வைத்­துக் கொள்­வ­தற்­குச் செய்­தி­ருக்­கும் செல­வு­க­ளைக் குறிப்­பிட்­டுள்ளன.குறிப்­பாக, ஆய்வு மற்­றும் மேம்­பாட்­டுத் துறை (ஆர்.& டி.) மற்­றும் விற்­ப­னைத் துறை­யைச் சேர்ந்­த­வர்­கள் தொடர்ந்து ‘தாவி’க்கொண்டே இருக்­கி­றார்­கள்.
அவர்­க­ளைத் தக்­க­வைத்­துக் கொள்­வ­து­தான், சவா­லாக இருக்­கிறது என்று தெரி­விக்­கின்றன, ஐ.டி., நிறு­வ­னங்­கள். இன்­போ­சி­ஸில், 2017 – -18 இரண்­டாம் காலாண்­டில், 17.2 சத­வீ­த­மாக இருந்த அட்­ரி­ஷன், மூன்­றாம் காலாண்­டில், 15.8 சத­வீ­த­மா­கக் குறைந்­து உள்­ளது. டி.சி.எஸ்., முற்­றி­லும் வேறொரு அணு­கு­மு­றை­யைப் பின்­பற்­று­கிறது. சென்ற ஆண்­டு­களில், கல்லுா­ரி­க­ளி­லேயே சென்று ஆளெ­டுப்பு நடத்தி, ஆபர் கடி­தங்­களை வழங்கி, பின்­னர் வேலைக்­குச் சேர்த்­துக்­கொண்­டன.
இதன்­மூ­லம், எப்­போ­தும் ஒரு குறிப்­பிட்ட அள­வி­லான பணி­யா­ளர்­கள் ‘பெஞ்ச்’ என்று சொல்­லப்­படும் ‘காத்­தி­ருப்­பில்’ இருப்­பார்­கள். இப்­போது அந்த நிலை மாறி­விட்­டது. தேவை ஏற்­ப­டும்­போது, புதிய பணி­யா­ளர்­க­ளைச் சேர்த்­துக்­கொள்­கிறது, டி.சி.எஸ்.,இதன் தொடர்ச்­சி­யாக புரிந்­து­கொள்­ள­வேண்­டிய இன்­னொரு அள­வீ­டும் முக்­கி­ய­மா­னது. அதற்கு பணி­யா­ளர் பய­னீட்டு அளவு (எம்ப்­ளாயீ யுடி­லை­சே­ஷன் லெவல்) என்று பெயர். டிசம்­பர் காலாண்­டில் இன்­போ­சிஸ் நிறு­வ­னத்­தின் பணி­யா­ளர் பய­னீட்டு அளவு 84.9 சத­வீ­தம். ஆறு மாதங்­க­ளுக்கு முன் இதுவே, 81.9 சத­வீ­த­மாக இருந்­தது.
அதா­வது நூறு பேரில், 85 பேர், இன்­போ­சிஸ் நிறு­வ­னத்­தின் வாடிக்­கை­யா­ளர்­க­ளி­டம் நேர­டி­யாக வேலை செய்­கி­றார்­கள். மீத­முள்ள பதி­னைந்து பேர் ஒன்று ‘காத்­தி­ருப்­பில்’ வைக்­கப்­பட்­டுள்­ளார்­கள், அல்­லது நிறு­வ­னத்­தின் சொந்த திட்­டங்­களில் ஈடு­ப­டுத்­தப்­பட்­டி­ருப்­பார்­கள். பய­னீட்டு அளவை அதி­க­ரிப்­ப­தில்­தான் நிறு­வ­னங்­கள் முனைப்­போடு இருக்­கின்றன.
இவை தனி­யார் துறை, தக­வல் தொழில்­நுட்­பத் துறை­யில் ஏற்­ப­டக்­கூ­டிய சம்­பள உயர்­வு­கள் பற்­றிய தக­வல்­கள். இந்­திய அள­வில் இத்­து­றை­களில் ஏற்­பட்­டுள்ள முன்­னேற்­றம் மற்­றும் நம்­பிக்­கை­யி­னால் இத்­த­கைய கணிப்­பு­கள் செய்­யப்­ப­டு­கின்றன.
பண­வீக்­கத்­தை­யும் விலை­வாசி உயர்­வை­யும் சமா­ளிக்க மட்­டுமே, இத்­த­கைய உயர்­வு­கள் போது­மா­னவை. உண்­மை­யான தனி­ந­பர் வளர்ச்சி என்­பது இதற்கு அப்­பு­றம், கையில் தேங்­கக்­கூ­டிய உப­ரி­யி­னால் ஏற்­ப­டு­வது. 2018ல் அந்த உபரி கிடைத்­தால், மகிழ்ச்சி இரட்­டிப்­பா­கும்.-– ஆர்.வெங்­க­டேஷ்பத்­தி­ரி­கை­யா­ளர்

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 15,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 15,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 15,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 15,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 15,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்