பதிவு செய்த நாள்
28 ஜன2018
01:41
@subtitle@‘ஆடி கியூ – 5’ சென்னையில் அறிமுகம்@@subtitle@@
ஆடி’ நிறுவனத்தின், ‘கியூ 5’ சொகுசு கார், சில மாற்றங்களுடன், சந்தையில் களமிறக்கப்பட்டு உள்ளது. ‘கியூ 5’ அறிமுகமானது முதல், அதன் போட்டியாளர்களை பின்னுக்கு தள்ளி, நீண்ட காலமாக முதலிடத்தை பெற்றிருந்தது தெரிந்ததே. தற்போது, மேலும் சில கவர்ச்சியான அம்சங்கள் சேர்க்கப்பட்டு, இரண்டாம்தலைமுறை, ‘கியூ 5’ கார் சந்தைக்குள் வந்துள்ளது.இதன் அறிமுக விழா, சென்னையில் சில தினங்களுக்கு முன் நடந்தது. ‘ஆடி இந்தியா’ நிறுவன தலைவர், ரஹில் அன்சாரி, காரை அறிமுகம் செய்து வைத்தார்.இதில், ‘எலக்ட்ரிக் போல்டிங் மிரர், இரு புறங்களிலும் ஆன்ட்டி – லாக் பிரேக்கிங், ஆட்டோ டிம், தானே திறந்து மூடும் மேற்கூரை, லெதர் அப்ஹோல்ஸ்ட்ரி, எட்டு ஏர்பேக், ரியர் வியூ கேமரா, முன்புற மற்றும் பின்புற பார்க்கிங் சென்சார்கள், புதிய எலக்ட்ரோ மெக்கானிக்கல் பவர் ஸ்டீரிங் உட்பட, சிறப்பு அம்சங்கள் ஏராளம்.மேலும், 190 எச்.பி., திறனை உருவாக்கும், ‘35 டிடிஐ இன்ஜின்’ பொருத்தப்பட்டு உள்ளது. இது புறப்பட்ட, 7.9 வினாடிகளில், 100 கி.மீ., வேகத்தை எட்டுமாம். உச்சபட்ச வேகம், 218 கி.மீ.,சென்னை ஷோரூமில் இதன் விலை, 53.25 லட்சம் ரூபாயில் இருந்து துவங்குகிறது.
@subtitle@ஹோண்டா@@subtitle@@
‘கிராசியா’ விற்பனை விறுவிறு!‘ஹோண்டா’ நிறுவனம், சமீபத்தில் அறிமுகம் செய்த, ‘கிராசியா’ ஸ்கூட்டரின் விற்பனை அதிகரிக்க துவங்கி உள்ளது. கடந்த தீபாவளி பண்டிகையின் போது, கிராசியா அறிமுகம் செய்யப்பட்டது. அப்போதில் இருந்து, அதன் விற்பனை தொடர்ந்து அதிகரித்து வருகிறது.கடந்தாண்டு முடிவில், இந்தியாவில் அதிகம் விற்பனையாகும் முதல், 10 ஸ்கூட்டர்களின் வரிசையில், கிராசியாவும் இடம் பெற்றது.தற்போது அறிமுகம் செய்யப்பட்டு, இரண்டரை மாதங்கள் ஆகியுள்ள நிலையில், அதன் விற்பனை, 50 ஆயிரத்தை கடந்துள்ளது. இந்த சிறப்பு குறித்து, அந்நிறு வனத்தினர் கூறும் போது, ‘கிராசியாவின் ஸ்டைல், எல்.இ.டி., ஹெட்லேம்ப், டிஜிட்டல் மீட்டர், த்ரீ ஸ்டெப் இகோ இன்டிகேட்டர்’ போன்ற வசதிகள், வாடிக்கையாளர்களை பெரிதும் கவர்ந்துள்ளன. இதுவே, விற்பனை அதிகரிப்புக்கு காரணம்’ என்கின்றனர்.இதன் விலை, 60 ஆயிரம் ரூபாயில் இருந்து துவங்குகிறது.
@subtitle@டேட்சன்@@subtitle@@
‘ஸ்மார்ட் டிரைவ் ஆட்டோ’‘டேட்சன்’ நிறுவனம், ‘ரெடி – கோ ஹேட்ச்பேக் காரில், ஏ.எம்.டி., எனும், ஆட்டோ கியர் வசதியுடன் கூடிய காரை அறிமுகம் செய்துள்ளது. இந்தியாவில், ‘ஹேட்ச்பேக்’ ரக காரில், ஏ.எம்.டி., வசதியை, ‘ஆல்டோ கே 10’ காரில், மாருதி சுசூகி நிறுவனம் தான் அறிமுகம் செய்தது. அதன்பின், பல நிறுவனங்கள், ஏ.எம்.டி.,கார்களை அறிமுகம் செய்தன.எனினும், டேட்சன் நிறுவனம், ‘தற்போது களத்தில் உள்ள, ஏ.எம்.டி., கார்களை விட, அதிக வசதிகளை உடைய கார், இந்த, ரெடி – கோ ஸ்மார்ட் டிரைவ்’ தான் என, கூறுகிறது.இதில், விருப்பப்பட்டால், கியரிலோ அல்லது கியரை பயன்படுத்தாமலோ இயக்கும், ‘டூயல் டிரைவிங் மோட்’ வசதி உள்ளது. மேலும், குறைந்த வேகத்தில் இயங்க உதவும், ‘ரஷ் ஹவர் மோட், பெரிய கேபின் மற்றும் பூட் ஸ்பேஸ், புளூ டூத் ஆடியோ’ போன்ற வசதிகள் உண்டு. மேலும், ‘1.0 லி., மூன்று சிலிண்டர் இன்ஜின்’ பொருத்தப்பட்டு உள்ளது. இந்த கார், ரூபி ரெட், லைம் கிரீன், ஒயிட், கிரே, சில்வர் ஆகிய நிறங்களில் கிடைக்கும். இதன் ஷோரூம் விலை, 3.86 லட்சம் ரூபாயில் இருந்து துவங்குகிறது.
@subtitle@யு.எம்.,@@subtitle@@
3 பைக்குகள் அறிமுகம்அமெரிக்க மோட்டார் சைக்கிள் நிறுவனமான, யு.எம்., இந்தியாவில் மூன்று புதிய, ‘க்ரூய்சர்’ ரக பைக்குகளை அறிமுகம் செய்ய உள்ளது. இந்நிறுவனத்தின், ‘ரெனகேட்’ வரிசை பைக்குகளுக்கு, இந்தியாவில் ஏற்கனவே நல்ல மவுசு உள்ளது. அதை தொடர்ந்து, ‘கமாண்டோ ஐயன் 300, கமாண்டோ 300 எல்.எக்ஸ்., வேகாஸ் 300’ என, மூன்று புதிய பைக்குகளை, விரைவில் களமிறக்குகிறது.அவற்றில் தற்போது, இங்கு விற்பனையாகும் அதன் பைக்குகளில் உள்ள அதே, ‘279.5 ‘சிசி’ சிங்கிள் சிலிண்டர், லிக்விட் கூல்டு இன்ஜின்’ பொருத்தப்பட உள்ளது. இது, 24.8 எச்.பி., திறனை உருவாக்கக் கூடியது. சிற்சில தொழில்நுட்ப மாற்றங்கள் மட்டும் இருக்கும். தற்போது, விலையை குறைத்து விற்பதற்காக, இன்ஜினில், ‘கார்பரேட்டரை’ யு.எம்., பொருத்தி உள்ளது.எனினும், 2020ல், பி.எஸ்., 6 சுற்றுச்சூழல் விதிமுறை அமலுக்கு வரும் போது, கார்பரேட்டருக்கு பதில், ‘பியூயல் இன்ஜெக்டர்’களை பொருத்தி விற்க முடிவெடுத்து உள்ளது. இந்த மூன்று பைக்குகளை தவிர, ‘பேட்டரி’யால் இயங்கும், ‘ரெனகேட் எலக்ட்ரிக்’ பைக்கையும், யு.எம்., விரைவில் அறிமுகம் செய்ய உள்ளது.
@subtitle@போர்டு @@subtitle@@
எண்டெவர் பனோரெமிக் ரூபிங்‘போர்டு’ நிறுவனம், அதன், எண்டெவர் 2.2 லிட்டர் மாடல்,எஸ்.யு.வி.,யில் புதிய, ‘எலக்ட்ரிக், பனோரமிக் சன்ரூப்’ பொருத்தி, சந்தையில் களமிறக்கி உள்ளது. அதாவது, கண்ணாடியிலான, திறந்து மூடக்கூடிய மேற்கூரையை, இந்த, எஸ்.யு.வி., பெற்றுள்ளது. 3.2 லி., எண்டெவர் டைட்டேனியம் டிரிம் மாடலில் தான், இதுவரை இந்த வசதி இடம் பெற்றிருந்தது.இந்நிலையில், புதிதாக களத்தில் அறிமுகமாகி உள்ள, ‘எண்டெவர் பனோரெமிக் ரூபிங்’ மாடலின் விலை, டில்லி ஷோரூமில், 29.57 லட்சம் ரூபாயில் இருந்து துவங்குகிறது.எனினும், இந்த புதிய மாடலில், தொழில்நுட்பத்தில் வேறு எதுவும் மாற்றம் செய்யப் படவில்லை. இருப்பினும், காரின் உட்புறத்தில் ஓசையை குறைத்துக் காட்டும், ‘நாய்ஸ் கேன்சலேஷன்’ வசதி, புதிதாக இடம் பிடித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|