பதிவு செய்த நாள்
27 ஜூலை2018
23:50
புதுடில்லி : ‘‘சிமென்ட், ‘ஏசி, டிவி’ உள்ளிட்ட பொருட்களுக்கு தற்போது உள்ள, 28 சதவீத, ஜி.எஸ்.டி., குறைக்கப்படும்,’’ என, மத்திய அமைச்சர் அருண் ஜெட்லி தெரிவித்து உள்ளார்.
வரி குறைப்பு:
இது குறித்து, தன் வலைதளத்தில், அவர் மேலும் கூறியுள்ளதாவது: புதிய வரி விதிப்பான, ஜி.எஸ்.டி., 2017, ஜூலை, 1ல் அறிமுகமான போது, 28 சதவீத வரியில் இடம் பெற இருந்த பொருட்களில், 31 சதவீத பொருட்களின் வரி, 18 சதவீதமாக குறைக்கப்பட்டது. அடுத்த நான்கரை மாதங்களில், அதாவது, நவ., 10ல், மேலும், 177 பொருட்களுக்கு, வரி குறைக்கப்பட்டது. நடப்பு ஜூலை, 21ல், மேலும், 15 பொருட்களின் வரி குறைக்கப்பட்டுள்ளது.
ஜி.எஸ்.டி., அறிமுகமான, 13 மாதங்களில், 28 சதவீத வரிப் பிரிவில் இருந்து, பெரும்பான்மை பொருட்கள் அகற்றப்பட்டுள்ளன. இது, ஒரு சாதனையாகும். இன்று, 28 சதவீத வரிப் பிரிவையே நீக்கும் முயற்சி நடக்கிறது. இப்பிரிவில் தற்போது, சில ஆடம்பர சாதனங்களும், உடல் நலன் சாரா பொருட்களும் தான் உள்ளன. இவற்றிலும், சிமென்ட், ‘ஏசி, டிவி’ உள்ளிட்ட பொருட்களின் வரி, விரைவில் குறையும். இவ்வாறு அதில் தெரிவிக்கப்பட்டுள்ளது.
முற்றிலும் நீக்கம் :
கடந்த வாரம், மத்திய நிதியமைச்சர் பொறுப்பில் உள்ள, பியுஷ் கோயல் தலைமையில், ஜி.எஸ்.டி., கூட்டம் நடைபெற்றது. இதில், 100க்கும் மேற்பட்ட பொருட்களின் வரி குறைக்கப்பட்டது. ‘சானிட்டரி நாப்கின்’ களுக்கு, 12 சதவீத, ஜி.எஸ்.டி., முற்றிலும் நீக்கப்பட்டது. மேலும், ரெப்ரிஜிரேட்டர், வாஷிங் மிஷின், வாட்டர் ஹீட்டர், பெயின்ட், வார்னிஷ், சிறிய, ‘டிவி’ உள்ளிட்டவற்றின் வரி, 28 சதவீதத்தில் இருந்து, 18 சதவீதமாக குறைக்கப்பட்டது. குறைக்கப்பட்ட புதிய வரி விகிதம், நேற்று அமலுக்கு வந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|