கச்சா எண்ணெய்

கச்சா எண்­ணெய் விலை­யில் அக்­டோ­பர் மற்­றும் நவம்பர் மாதங்­களில் அதி­கப்­ப­டி­யான சரிவு நிகழ்ந்­தது. 2011-ம் ஆண்டுக்கு பின் ஏற்­பட்ட சரிவு இது­வே­யா­கும்.அக்­டோ­பர் மாதத்­தில், 1 பேரல் கச்சா எண்­ணெய் விலை, 76 அமெ­ரிக்க டாலர்­கள். தற்­போது, 26 டாலர்­கள் குறைந்து, 1 பேரல் விலை, 50 அமெ­ரிக்க டாலர் என்ற நிலை­யில் உள்­ளது.


இந்த ஆண்­டின் ஜன­வரி மாதம் முதல், செப்­டம்­பர் மாதம் வரை விலை உயர்வு கண்ட கச்சா எண்­ணெய், அமெ­ரிக்­கா­வில் ஏற்­பட்ட அதிக அள­வி­லான உற்­பத்தி மற்­றும் இருப்பு கார­ண­மாக விலை சரிந்­தது.மேலும், ஈரான் நாட்­டின் மீது அமெ­ரிக்கா கொண்டு வந்துள்ள பொரு­ளா­தா­ரத் தடை­யால், சந்­தை­யில் தட்­டுப்­பாடு நில­வும் என்ற கருத்­தில் முன்பு விலை­யேற்­றம் காணப்­பட்­டது.ஆனால், ஈரா­னி­டம் இருந்து இறக்­கு­மதி செய்ய, இந்­தியா உட்­பட சில முக்­கி­ய­மான நாடு­க­ளுக்கு, அமெ­ரிக்கா விதி­விலக்கு அளித்­தது. அதன் கார­ண­மாக, முன்பு நிலவி வந்த அசா­தா­ரண சூழ்­நிலை மாறி­யது. இது, எண்­ணெய் விலை சரி­வுக்கு கார­ண­மாக அமைந்­தது.


தற்­போது, கச்சா எண்­ணெய் உற்­பத்­தி­யில், அமெ­ரிக்கா முத­லி­டத்­தி­லும், சவுதி அரே­பியா இரண்­டாம் இடத்­தி­லும், ரஷ்­யா­ மூன்­றாம் இடத்­திலும் உள்­ளன.அமெ­ரிக்­கா­வின், ஷெல் கச்சா எண்­ணெய் உற்­பத்தி, தொடர்ந்து அதி­க­ரித்த வண்­ணம் உள்­ளது. இயங்கி வரும் ஆழ்­கு­ழாய் கிண­று­க­ளின் எண்­ணிக்­கை­யும், கடந்த மூன்று ஆண்­டு­களில் அதி­க­ரித்து, தற்­போது, 175 எண்­ணெய் குழாய் கிண­று­கள் இயங்கி வரு­கின்­றன.


தின­சரி எண்­ணெய் உற்­பத்தி, 1 லட்­சம் பேரல்­கள் அதி­கரித்து, மொத்த உற்­பத்தி, தின­சரி, 11.4 மில்­லி­யன் பேரல்­கள் என்ற நிலை­யில் உற்­பத்தி பெருகி வரு­கிறது. அதி­க­ரித்து வரும் உற்­பத்தி மற்­றும் தேவை குறை­வால் ஏற்­பட்­டுள்ள இருப்பு அதி­க­ரிப்பு போன்­ற­வற்­றால் விலை ஏற்­றம் கட்­டுக்­குள் கொண்டு வரப்­பட்டு, விலை சரிந்து வர்த்­த­க­மாகி வரு­கிறது.


கடந்த வார இறு­தி­யில், ‘ஜி – -20’ மாநாடு நடை­பெற்றது. இதில், எண்­ணெய் உற்­பத்­தி­யில் உள்ள மிகப் பெரிய நாடு­களும் பங்­கேற்­றன. மேலும், இந்த வாரம் வியா­ழன் அன்று, ஒபெக் கூட்­ட­மைப்பு நாடு­க­ளின் கூட்­டம் நடை­பெற உள்ளது. இதில் உற்­பத்­தியை குறைத்து, விலை சரிவை கட்டுக்­குள் கொண்டு வரு­வது என தீர்­மா­னிக்­கப்­படும் என்று எதிர்­பார்க்­கப்­ப­டு­கிறது.


தங்கம் வெள்ளி


ஏப்­ரல் மாதம் முதல், செப்­டம்­பர் மாதம் வரை, சரி­வில் இருந்து வந்த தங்­கம் மற்­றும் வெள்ளி விலை, கடந்த இரு மாதங்­க­ளாக உயர்­வில் வர்த்­த­க­மாகி வரு­வதுகுறிப்­பி­டத்­தக்­கது.பிளாட்­டி­னம் விலை வர­லாறு காணாத உச்­சத்தை எட்டியது. பிளாட்­டி­னம் ஆப­ரண தேவை­யைக் காட்­டி­ லும் அதிக அள­வில் தொழிற்­சா­லை­களில் உப­யோ­கிக்­கப்­ப­டு­கிறது. குறிப்­பாக, வாக­னங்­களில் ஏற்­படும் அதி­கப்­ப­டி­யான புகையை கட்­டுப்­ப­டுத்த உப­யோ­கிக்­கப்­படு­கிறது. 2017 ஜன­வ­ரிக்கு பின், மாத அள­வி­லான உச்ச விலை ஏற்­றம், நவம்­பர் மாதத்­தில் ஏற்­பட்­டது.


ஜி – -20 மாநாட்­டில், அமெ­ரிக்க அதி­ப­ரும், சீன அதி­ப­ரும் பேச்சு நடத்தி, வர்த்­தக மோத­லுக்கு ஒரு முடிவை ஏற்­ப­டுத்­து­வர் என்­றும், சுமுக நிலை ஏற்­ப­டக்­கூ­டும் என்ற கண்­ணோட்­டத்­தி­லும், சந்­தை­யில் அமெ­ரிக்க நாண­யத்­தின் மதிப்பு உயர்ந்­தது. அதன் கார­ண­மாக, வார இறு­தி­யில், சிறி­த­ளவு தங்­கம் மற்­றும் வெள்ளி ஆகி­ய­வற்­றின் விலை சரிந்­தது.ஜி.எப்.எம்.எஸ்., நிறு­வ­னம் நடத்­திய, உலக தங்க உற்பத்தி கருத்­துக்­க­ணிப்பு நில­வ­ரத்­தில், சீனா தொடர்ந்து முத­லி­டம் வகித்து வரு­கிறது. சீனா­வின்மொத்த உற்பத்தி, 426 டன். இரண்­டா­வ­தாக ஆஸ்திரேலியா, 275 டன்; மூன்­றா­வ­தாக ரஷ்யா, 270 டன் ஆகும்.


உலக நாடு­க­ளின் மொத்த உற்­பத்­தி­யா­னது, 2017ல், 3,247 டன்­னாக இருந்­தது. இது, முந்­தைய, 2016ம் ஆண்டு­டன் ஒப்­பி­டும் போது, 5 டன் குறை­வா­கும்.டால­ருக்கு நிக­ரான இந்­திய ரூபா­யின் மதிப்பு, கடந்த வாரம் வர­லாறு காணாத வீழ்ச்சி அடைந்­தது. ஒரு அமெரிக்க டால­ரின் மதிப்பு, 70 ரூபாயை கடந்து வர்த்த­கம் ஆகிறது.


இதன் கார­ண­மாக, சர்­வ­தேச சந்­தை­யில், தங்­கத்­தின் விலை குறைந்­தா­லும், உள்­நாட்டு சந்­தை­யில் தங்கத்­தின் விலை குறை­யா­மல், சிறி­த­ளவு அதி­க­ரித்­தது குறிப்பி­டத்­தக்­கது.கடந்த சில மாதங்­க­ளா­கவே சர்­வ­தேச சந்­தை­யில் தங்­கத்­தின் விலை குறைந்­தும், நம் நாட்டு நாண­யத்­தின் மதிப்பு குறை­வால், உள்­நாட்டு சந்­தை­யில் விலை குறை­யா­மல் இருந்து வரு­கிறது.கடந்த மூன்று மாதங்­க­ளாக, சர்­வ­தேச சந்­தை­யில், தங்­கம் விலை, 1 அவுன்ஸ், 1,200 டாலர் என்ற மிகப் பெரிய சப்­போர்ட்­டு­டன் வர்த்­த­கம் ஆகிறது.


செம்பு


சமீ­ப­கா­ல­மாக செம்பு வர்த்­த­கம், தொடர்ந்து விலை சரி­வில் நடந்த நிலை­யில், கடந்த நான்கு வாரங்­க­ளாக, சீரான நிலை­யில் வர்த்­த­க­மாகி வரு­கிறது.அமெ­ரிக்கா மற்­றும் சீனா ஆகிய நாடு­க­ளுக்கு இடை­யே­யான வர்த்­த­கப் போர் மற்­றும் சீனா­வின் பொரு­ளா­தார வளர்ச்­சி­யில் ஏற்­பட்ட மாற்­றங்­கள் ஆகி­யவை, செம்பு விலை­யில் தாக்­கத்தை ஏற்­ப­டுத்­தி­யது.


பொரு­ளா­தார கார­ணி­க­ளின் முன்­னேற்­றம், பொருளா­தார வளர்ச்சி, கச்சா எண்­ணெய் விலை­யில் சரிவு போன்­றவை கார­ண­மாக, அடுத்த மாதம் நடை­பெற உள்ள, அமெ­ரிக்க மத்­திய வங்கி கூட்­டத்­தில், வட்டி விகி­தம் உயர்த்­தப்­ப­ட­லாம் என்ற கருத்து நில­வு­வ­தால், அமெரிக்க டாலர் குறி­யீடு உயர்ந்­தது. இது, செம்பு விலை­யில் பாதிப்பை ஏற்­ப­டுத்­தி­யது.


கடந்த சில மாதங்­க­ளாக, அமெ­ரிக்கா மற்­றும் சீனா ஆகி­ய­வற்­றுக்கு இடையே நடந்து வரும் வர்த்­தக மோதல் கார­ண­மாக, சீனா­வின் பொரு­ளா­தார வளர்ச்சி பாதிக்­கப்­பட்­டுள்­ளது. இத­னால், தொழிற்­சாலை முதலீட்டு பொருட்­க­ளின் தேவை குறைந்து, அதன் கார­ண­மா­க­வும் செம்பு விலை சரிந்து வரு­கிறது.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 02,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 02,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 02,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 02,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 02,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்