‘போலி பில்கள் மூலமாக, ஜி.எஸ்.டி., வரிச்சலுகை பெற்றது கண்டுபிடிக்கப்பட்டால், ஏழு ஆண்டுகள் வரை, சிறை தண்டனை நிச்சயம்’ என, ஜி.எஸ்.டி., அதிகாரிகள் எச்சரித்துள்ளனர்.


இது குறித்து, ஜி.எஸ்.டி., அதிகாரிகள் கூறியதாவது:


ஜி.எஸ்.டி., எனும் சரக்கு மற்றும் சேவை வரி சட்டம் அமலுக்கு வந்த பின், போலி, ‘பில்’கள் மூலமாக, சலுகைகள் பெறுவது, அதிகரித்து வருகிறது. போலி பில் தயாரிப்பதற்காக, ஜி.எஸ்.டி., பதிவு எண் பெற்று, போலி நிறுவனங்கள் துவங்கப்படுகின்றன.இவற்றை தடுக்கும் விதமாக, சென்னையில் மட்டும், இதுவரை, ஆறு பேர் கைது செய்யப்பட்டுள்ளனர்; 400 கோடி ரூபாய் வரி ஏய்ப்பு கண்டுபிடிக்கப்பட்டுள்ளது.


அசல் – போலி பில்லுக்கு இடையே வித்தியாசம் தெரியாத வகையில், துல்லியமாக அச்சிடுகின்றனர். மிகவும் நுட்பமாக பார்த்தால் மட்டுமே, போலியை கண்டுபிடிக்க முடியும்.சில நேர்மையான உற்பத்தி நிறுவனங்கள், வணிகர்கள் வரிச் சலுகை பெறுவதற்காக, இதுபோன்ற போலி பில் தயாரிப்பவர்களை அணுகுகின்றனர். ‘கமிஷன்’ பெற்று, போலி பில்களை அளிக்கின்றனர்.


போலி பில்கள் வழங்கியது கண்டுபிடிக்கப்பட்டால், மோசடி செய்த தொகைக்கு, 24 சதவீத வட்டியும், 100 சதவீத அபராதமும் விதிக்கப்படும். மேலும், அவர்கள் மீது வழக்கு பதிவு செய்யப்பட்டு, அதிகபட்சம், ஏழு ஆண்டு சிறை தண்டனை பெற்று தர நடவடிக்கை எடுக்கப்படும்.இதனால், போலி பில்கள் வழங்கி, வரி சலுகை பெற, உற்பத்தி நிறுவனங்கள் மற்றும் வணிகர்கள் முயற்சிக்க வேண்டாம்.இவ்வாறு, அவர்கள் கூறினர்.

– நமது நிருபர் –

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 12,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 12,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 12,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 12,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 12,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்