புதுடில்லி:கடந்த ஆண்டு, டிசம்பரில், தொழில் துறை உற்பத்தி வளர்ச்சி, 2.4 சதவீதமாக அதிகரித்துள்ளது. இது, நவம்பரில், 0.5 சதவீதம் ; மறுமதிப்பீட்டில், 0.3 சதவீதமாக காணப்பட்டது.


தொழில் துறை உற்பத்தி, 2017, டிசம்பரில், 7.3 சதவீதமாக இருந்தது.நாட்டின் தொழில் துறையில்,77 சதவீத பங்களிப்பை வழங்கும், தயாரிப்பு துறையின் உற்பத்தி வளர்ச்சி, 2018, டிசம்பரில், 2.7 சதவீதமாக உயர்ந்துள்ளது. இது, 2017, டிசம்பரில், 8.7 சதவீதமாக ஏற்றம் கண்டிருந்தது.இதே காலத்தில், சுரங்கத் துறையின் உற்பத்தி, 1.2 சதவீத வளர்ச்சியில் இருந்து, 1 சதவீதமாக பின்னடைவைக் கண்டுள்ளது.


மின் துறையின் உற்பத்தி வளர்ச்சி, மாற்றம் ஏதுமின்றி, 4.4 சதவீதமாக உள்ளது.பொறியியல் சாதனங்கள் துறையின் உற்பத்தி வளர்ச்சி, 13.2 சதவீதத்தில் இருந்து, 5.9 சதவீதமாக குறைந்துள்ளது.நுகர்வோர் சாதனங்கள் துறையின் உற்பத்தி, 2.1 சதவீதத்தில் இருந்து, 2.9 சதவீதமாக வளர்ச்சி கண்டுள்ளது. நுகர்வோர் சாரா சாதனங்கள் துறையின் உற்பத்தி வளர்ச்சி, 16.8 சதவீதத்தில் இருந்து, 5.3 சதவீதமாக குறைந்துஉள்ளது.ஆய்வுக்கு எடுத்துக் கொள்ளப்பட்ட, 23 தொழில் துறைகளில், 13 துறைகளின் உற்பத்தி அதிகரித்துள்ளது.


அடிப்படை பொருட்கள் மற்றும் இடை நிலைப் பொருட்கள் துறையின் உற்பத்தி வளர்ச்சி, முறையே, 1.2 சதவீதம் மற்றும் 1.5 சதவீதமாக குறைந்துள்ளது.அடிப்படை கட்டமைப்பு மற்றும் கட்டுமான பொருட்கள் துறையின் உற்பத்தி, 10.1 சதவீதமாக அதிகரித்துள்ளது.நடப்பு நிதியாண்டில், ஏப்ரல் – டிசம்பர் வரையிலான காலத்தில், தொழில் துறை உற்பத்தி, 4.6 சதவீதம் வளர்ச்சி கண்டுள்ளது. இது, கடந்த நிதியாண்டின் இதே காலத்தில், 3.7 சதவீதமாக இருந்தது.


சில்லரை பணவீக்கம் குறைந்தது


கடந்த, ஜனவரியில், காய்கறிகள், பழங்கள் உள்ளிட்ட, உணவுப் பொருட்களின் விலை சரிவால், சில்லரை பணவீக்கம், மேலும் குறைந்து, 2.05 சதவீதமாக வீழ்ச்சி கண்டுள்ளது.இது, 2018 ஜனவரியில், 5.07 சதவீதமாக இருந்தது. டிசம்பரில், 2.19 சதவீதம்; மறுமதிப்பீட்டில், 2.11 சதவீதமாக காணப்பட்டது.கடந்த, 19 மாதங்களில் இல்லாத வகையில், மதிப்பீட்டு மாதத்தில் சில்லரை பணவீக்கம் குறைந்துள்ளது.


இந்தாண்டு, ஜனவரியில், எரிபொருள் மற்றும் மின்சாரப் பிரிவின் சில்லரை பணவீக்கம், 2.2 சதவீதமாக குறைந்துள்ளது. இது, 2018, டிசம்பரில், 4.54 சதவீதமாக உயர்ந்து இருந்தது. காய்கறிகள், பழங்கள், முட்டை உள்ளிட்ட உணவுப் பொருட்கள் விலையில் ஏற்பட்ட சரிவால், சில்லரை பணவீக்கம் குறைந்துள்ளதாக, மத்திய புள்ளியியல் அலுவலகம் வெளியிட்டுள்ள அறிக்கையில் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 12,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 12,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 12,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 12,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 12,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்