‘தனியார் இணையதள மையங்களுக்கு, அரசின் சேவைகளை வழங்க அனுமதி வழங்கியதை அடுத்து, அரசு கேபிள், ‘டிவி’ நடத்தும், ‘இ – சேவை’ மையங்கள் படிப்படியாக குறைக்கப்படுமா?’ என, கேள்வி எழுந்துள்ளது.


மத்திய – மாநில அரசுகளின் சேவைகளை பெற, டி.என்.இ.ஜி.ஏ., எனும் தமிழ்நாடு மின்னாளுமை முகமை இயக்ககம், தமிழ்நாடு அரசு கேபிள், ‘டிவி’ வழியாக, அரசு இ – சேவை மையத்தை செயல்படுத்தி வருகிறது.அரசு இ – சேவை மையத்தில், பிறப்பு சான்றிதழ், வருமான சான்றிதழ், ஆதார் பதிவு செய்தல், மின் கட்டணம் செலுத்துதல், வண்ண வாக்காளர் அட்டை அச்சிடுதல் உட்பட, 80க்கும் மேற்பட்ட சேவைகள் வழங்கப்படுகின்றன.


இந்நிலையில், அரசு சேவைகளை வழங்க, 500 தனியார் இணையதள மையங்களுக்கு சமீபத்தில் அனுமதி வழங்கப்பட்டது. இதையடுத்து, ‘அரசு இ – சேவை மையங்களை குறைக்க திட்டம் இருக்கிறதா?’ என, கேள்வி எழுந்துள்ளது.


இது குறித்து, அரசு கேபிள், ‘டிவி’ அதிகாரிகள் கூறியதாவது:அரசு இ – சேவை மையங்களில், தாலுகா அளவிலான மையங்களை தவிர, இதர மையங்களில் மக்கள் கூட்டம் குறைவாக உள்ளது. மாவட்ட கலெக்டர் அலுவலகங்களில், திங்கட்கிழமை மட்டும் மக்கள் வருகின்றனர்.


இதனால், செலவுக்கேற்ற வருவாய் கிடைக்கவில்லை. மேலும், அரசு இ – சேவை மையங்களில் பணியாற்றும் ஊழியர்கள், சரியாக வேலை செய்வதில்லை. மக்களுக்கு சரியான பதில் அளிப்பதில்லை என்ற புகார்களும் அடிக்கடி வருகின்றன. ஊதியம் குறைப்பு போன்ற நடவடிக்கைகள் எடுக்கப்பட்டுள்ளன.இதே நிலை நீடித்தால், அரசு இ – சேவை மையங்களை குறைக்க, நடவடிக்கை மேற்கொள்ளப்படலாம்.இவ்வாறு அவர்கள் கூறினர்.

– நமது நிருபர் –

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 06,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 06,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 06,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 06,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 06,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்