கச்சா எண்ணெய்

இந்த ஆண்­டின் ஆரம்­பம் முதல், விலை அதி­க­ரித்து வர்த்­த­க­மாகி வந்த கச்சா எண்­ணெய், மே மாதத்­தில், 1 பேர­லுக்கு, 700 ரூபாய் வரை சரிந்­தது. தற்­போது, 1 பேரல் விலை, 3,778 ரூபாய் என்ற நிலை­யில், பொருள் வாணிப சந்­தை­யில் வர்த்­த­க­மாகி வரு­கிறது.ஜன­வரி மாதம் முதல், ஏப்­ரல் மாதம் வரை, கச்சா எண்ணெய், 1 பேர­லுக்கு, 1,500 ரூபாய் வரை உயர்ந்தது. இந்த உயர்­வில், நேர் பாதி அள­வுக்கு, மே மாதத்­தில் மட்டும் சரிந்­துள்­ளது குறிப்­பி­டத்­தக்­கது.


கடந்த வியா­ழன் அன்று, அமெ­ரிக்க அதி­பர், மெக்சிகோவில் இருந்து இறக்­கு­மதி செய்­யப்­படும் பொருட்­களுக்கு, 10ம் தேதி முதல், 5 சத­வீ­தம் அள­வுக்கு இறக்­கு­மதி வரியை அதி­கப்­ப­டுத்தி அறி­வித்­துள்­ளார்.மேலும், அக்­டோ­பர், 1ம் தேதி முதல், 25 சத­வீ­தம் வரை அதி­கப்­ப­டுத்­தப்­ப­ட­லாம் என­வும் அறி­வித்­துள்ளார். அமெரிக்க சுத்­தி­க­ரிப்பு நிறு­வ­னங்­கள், தின­சரி, 7 லட்சம் பேரல்­களை இறக்­கு­மதி செய்து வரும் சூழ­லில், இவ்வறிவிப்பு, நிறு­வ­னங்­க­ளின் கொள்­மு­தல் விலையை அதி­க­ரிக்­கும் எனக் கரு­தப்­ப­டு­கிறது.


இத­னால் ஏற்­பட்ட சஞ்­ச­லம் கார­ண­மாக, வியா­ழன், வெள்ளி ஆகிய நாட்­களில், கச்சா எண்­ணெய் கடு­மையான விலை சரிவை சந்­தித்­தது. எண்­ணெய் உற்­பத்தி நாடு­களின் கூட்­ட­மைப்பு, இம்­மாத இறு­தி­யில் கூட உள்­ளது.கடந்த, 2018 டிசம்­ப­ரில், ஒபெக் உறுப்பு நாடு­களும், ரஷ்­யா­வும் இணைந்து, தின­சரி உற்­பத்­தியை, 1.2 மில்லியன் பேரல்­கள் குறைத்து, விலை ஏற்­றத்தை அதிகரிக்க முடி­வெ­டுத்­தன. இந்த உற்­பத்தி குறைப்பு முடிவு, இம்மாதத்­து­டன் முடி­வுக்கு வரு­கிறது.


இந்த உற்­பத்தி குறைப்பை மீண்­டும் நீட்­டிப்­பது குறித்து, கலந்­தா­லோ­சனை நடை­பெற உள்­ளது. உற்­பத்தி குறைப்பை மீண்­டும் தொட­ர­லாமா; வேண்­டாமா என்­பது குறித்து, நடை­பெ­ற­வி­ருக்­கும் கூட்­டத்­தில் முடி­வெ­டுக்­கப்­படும் என்று எதிர்­பார்க்­கப்­ப­டு­கிறது.கடந்த வார இறு­தி­யில் சீனா, அமெ­ரிக்­கா­வில் இருந்து இறக்­கு­மதி செய்­யும் பொருட்­க­ளுக்கு, 60 பில்­லி­யன் டாலர் மதிப்­பி­லான இறக்­கு­மதி வரியை, கடந்த சனிக்­கி­ழமை முதல் அமல்­ப­டுத்­தி­யது.


அமெ­ரிக்கா, கடந்த மாதம், சீனப் பொருட்­க­ளுக்­கான இறக்­கு­மதி வரியை அதி­க­ரித்­த­தற்கு எதி­ராக, சீன அரசு இந்த நட­வ­டிக்­கையை எடுத்­துள்­ளது.அமெ­ரிக்­கா­வின் எண்­ணெய் உற்­பத்தி அதி­க­ரித்து வருகிறது. உலக அள­வில் தின­சரி உற்­பத்­தி­யில், அமெரிக்கா முத­லி­டம் வகிக்­கிறது. இரண்­டா­வ­தாக சவுதி அரேபி­யாவும், மூன்­றா­வ­தாக ரஷ்­யா­வும் உள்­ளன.


அமெ­ரிக்­கா­வில் இயங்கி வரும் ஆழ்­கு­ழாய் கிண­று­களின் எண்­ணிக்கை, தொடர்ந்து அதி­க­ரித்த வண்­ணம் உள்­ளது. தற்­போது, 892 குழாய்­கள் செயல்­பட்டு வரு­கின்­றன. சவுதி அரே­பியா, ரஷ்யா, அமெ­ரிக்கா ஆகிய நாடு­கள், உல­கின் மொத்த நுகர்வு தேவை­யில், 60 சதவீதத்தை பூர்த்தி செய்­வது குறிப்­பி­டத்­தக்­கது.


தங்கம் வெள்ளி

சர்­வ­தேச சந்­தை­யில், கடந்த மே மாதம், தங்­கத்­தின் விலை அதி­க­ரித்து, வர்த்­த­கம் நடை­பெற்­றது. அதற்கு முந்­தைய மூன்று மாதங்­களில், இதை விட விலை குறை­வாக இருந்­தது குறிப்­பி­டத்­தக்­கது.மே மாதத்­தில் மட்­டும், 1 அவுன்ஸ், 31.104 கிராம் தங்­கம், 40 அமெ­ரிக்க டாலர் என்ற அள­வுக்கு விலை ஏற்­றம் காணப்­பட்­டது.இந்த விலை­யேற்­றத்­துக்கு முக்­கி­ய­மான கார­ணங்­கள்:


அமெ­ரிக்கா, சீனா ஆகிய இரு நாடு­க­ளுக்கு இடையே நடை­பெற்று வரும், வர்த்­தக போர் கார­ண­மாக ஏற்பட்டுள்ள அசா­தா­ரண சூழல்.இந்த மோதல் போக்கு கார­ண­மாக, பொரு­ளா­தார வளர்ச்சி குறை­யும் என்ற எதிர்­பார்ப்பு அதி­க­ரித்­தது.அமெ­ரிக்­கா­வின் அண்டை நாடான மெக்­சிகோ நாட்டிலி­ருந்து இறக்­கு­மதி செய்­யப்­படும் பொருட்­களுக்கு, கடு­மை­யான நிபந்­த­னை­களை விதித்­துள்­ளார், அமெ­ரிக்க அதி­பர் டிரம்ப்.மேலும், 10ம் தேதி முதல், மெக்­சி­கோ­வில் இருந்து இறக்­கு­மதி செய்­யப்­படும் அனைத்து பொருட்­க­ளுக்­கும், 5 சத­வீ­தம் இறக்­கு­மதி வரி விதிக்­கப்­படும் என்று அறி­வித்­துள்­ளார்.


வர்த்­தக மோதல் கார­ண­மாக, அமெ­ரிக்­கா­வின் பொருளா­தார வளர்ச்சி குறை­யக்­கூ­டும். இத­னால், அமெரிக்க மத்­திய வங்கி, அடுத்து நடை­பெ­ற­வி­ருக்கும் கூட்­டத்­தில், வட்டி விகி­தத்தை உயர்த்­து­வ­தற்­கான வாய்ப்பு குறை­வாக இருக்­கும் என்று கரு­தப்­ப­டு­கிறது.இதன் கார­ண­மாக, அமெ­ரிக்­கா­வின் நாணய குறியீடான, ‘டாலர் இண்­டெக்ஸ்’ சரிந்­தது. இது, தங்­கம் விலை ஏற்­றத்­துக்கு கார­ண­மாக அமைந்­தது. அமெ­ரிக்­கா­வின், 10 ஆண்டு கால அரசு கரு­வூல ஆதாயம், இந்த ஆண்­டில் இது­வரை, 20 சத­வீ­தம் அளவுக்கு சரிந்­துள்­ளது.


இப்­ப­டிப்­பட்ட சூழல்­கள் நில­வி­ய­தால், முத­லீட்­டா­ளர்­கள் தங்­கத்­தில் அதிக அள­வில் முத­லீடு செய்­த­னர்.தங்­கம் மற்­றும் வெள்ளி ஆகி­யவை எப்­போ­தும் ஒரே மாதி­ரி­யான விலை போக்கை கொண்­டி­ருக்­கும். ஆனால், தற்­போது எதிர்­ம­றை­யான போக்­கில் வர்த்­த­கம் நடை­பெறு­கிறது.
மே மாதத்­தில் தங்­கம் விலை உயர்ந்­தும், வெள்ளி விலை சரிந்­தும் வர்த்­த­கம் ஆனது. இதற்கு, வெள்­ளி­யின் நுகர்வு தேவை முக்­கிய கார­ண­மாக அமைந்­த­தா­கக் கூறப்­ப­டு­கிறது. தங்­கம் எப்­போ­தும் ஒரு முத­லீட்டு பொரு­ளா­கவே கரு­தப்­படும். ஆனால், வெள்­ளி­யின் விலை, அதன் தொழிற்­சாலை தேவை மற்­றும் ஆப­ரண தேவை­யைப் பொறுத்து அமை­யும்.


செம்பு



செம்பு, கடந்த மூன்று மாதங்­க­ளாக, தொடர்ந்து விலை சரிந்து வர்த்­த­க­மாகி வரு­கிறது. பொருள் வாணிப சந்தையில், மார்ச் முதல் மே வரை­யி­லான கால­கட்டத்தில், 1 கிலோ­வுக்கு, 60 ரூபாய் வரை விலை சரிவு நிகழ்ந்துள்ளது.மே மாதத்­தில் மட்­டும், 1 கிலோ­வுக்கு, 40 ரூபாய் சரிந்­துள்­ளது குறிப்­பி­டத்­தக்­கது. தற்­போது, 1 கிலோ, 406 ரூபாய் என்ற நிலை­யில் வர்த்­த­கம் நடை­பெ­று­கிறது.


இந்த சரி­வுக்கு, பல்­வேறு கார­ணங்­கள் உள்­ளன.உல­கின் ஒட்­டு­மொத்த பொரு­ளா­தார வளர்ச்சி சரிவு, இதற்கு முக்­கி­ய­மான கார­ண­மா­கும்.செம்பு அதிக அள­வில் நுக­ரப்­படும் நாடான,
சீனா­வில் ஏற்­பட்­டுள்ள பொரு­ளா­தார வளர்ச்சி மந்­தம் இன்­னொரு கார­ணம். வர்த்­த­கப் போர் கார­ண­மாக, அமெ­ரிக்கா, சீனா ஆகிய நாடு­க­ளின் ஏற்­று­மதி பாதிப்­ப­டைந்து உள்ளது. இதனால், தொழில் துறை வளர்ச்­சி­யில் சரிவு ஏற்­பட்டுள்ளது. இதன் கார­ண­மா­க­வும் செம்பு நுகர்வு கடு­மை­யாக பாதிக்­கப்­பட்­டுள்­ளது.


உல­கில், செம்பை அதிக அள­வில் தொழிற்­சாலை உப­யோ­கத்­துக்­குப் பயன்­ப­டுத்­தும் நாடு சீனா. அந்­நாட்­டின் பொரு­ளா­தார வளர்ச்­சியை முன்­வைத்தே, செம்பு உள்­ளிட்ட கமா­டிட்­டி­க­ளின் விலை மதிப்பு நிர்­ண­யம் செய்யப்­ப­டு­கிறது.தற்­போ­தைய சூழ­லில், சீனா­வின் மொத்த உள்­நாட்டு உற்­பத்தி வளர்ச்சி குறை­யும் என்ற அச்­சம் கார­ண­மாக, செம்பு விலை சரிந்து வரு­கிறது.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 03,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 03,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 03,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 03,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 03,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்