பதிவு செய்த நாள்
01 ஜூலை2019
07:21
‘டெபிட் கார்டு மற்றும் கிரெடிட் கார்டு’ அடிப்படையில் வேறுபட்டவைஎன்றாலும், கிரெடிட் கார்டு அளிக்கும் பல பலன்களை டெபிட்கார்டுகளும் அளிக்கின்றன. டெபிட் கார்டை பணம் எடுப்பதற்கானகருவியாக மட்டும் கருத வேண்டியதில்லை. டெபிட் கார்டுபயன்பாட்டில் பலரும் அறிந்திராத பலன்கள் உள்ளன :வார்டு புள்ளிகள்: ஏ.டி.எம்.,களில் இருந்து பணம் எடுக்கவும், பில் தொகை செலுத்தவும் டெபிட் கார்டு பெரும்பாலும் பயன்படுத்தப்படுகின்றன. எனினும், இவை தவிரவும் டெபிட் கார்டு தரும் பலன்கள் பல இருக்கின்றன. கிரெடிட் கார்டு போலவே, ரிவார்டு புள்ளிகள், வவுச்சர்கள், விமான நிலைய சலுகை, விபத்து காப்பீடு போன்றவற்றை அளிக்கின்றன.
கடன் மட்டும் இல்லை: கிரெடிட் கார்டுடன் ஒப்பிடும் போது, டெபிட் கார்டுகளில் இல்லாத பலன், கடனில் வாங்கும் வசதி மற்றும் வட்டி இல்லா காலமாகும். ஆனால், ஒரு சில டெபிட் கார்டுகள், குறிப்பிட்ட சில நிறுவனங்களின் பொருட்களை வாங்கும் போது, மாதத்தவணையாக மாற்றிக்கொள்ள வழி செய்கின்றன.பிரிமியம் கார்டுகள்: பொதுவாக டெபிட் கார்டுகள் அளிக்கும் பலன்கள், வழக்கமான கார்டுகளைவிட, பிரிமியம் வகை கார்டுகளில் அதிகம் உள்ளன. பிரிமியம் கார்டுகள், அதிக பேலன்ஸ் உள்ள கணக்குகளுக்கு வழங்கப்படுபவை. இவற்றின் குறைந்த பட்ச தொகை பராமரிப்புக்கு ஏற்ப, வங்கிகள் டெபிட் கார்டு கட்டணத்திலும் சலுகை அளிக்கலாம்.கேஷ்பேக் சலுகைகள்: ஒரு சில டெபிட் கார்டுகள் இப்போது கேஷ்பேக் சலுகைகளும் அளிக்கின்றன. விமான நிலையங்களில் சலுகையும் அளிக்கின்றன.
மேலும், டெபிட் கார்டுகள், மொபைல் மூலம் கான்டாக்ட்லெஸ் வழியே பணம் செலுத்தும் வசதியை அளிக்கின்றன். இந்த வசதி அதிகம் பயன்படுத்தப்படாமல் இருக்கிறது.தேர்வு எப்படி? எனினும், டெபிட் கார்டை விட கிரெடிட் கார்டு அளிக்கும் ரிவார்டு சலுகைகள் அளவு, அதிகமாக இருக்கலாம். அதே போல, ரிவார்டு புள்ளிகள் காலாவதியாகும் காலம் உண்டு என்பதால், அதற்கேற்ப செயல்பட வேண்டும். இவற்றை சரியாக கவனித்து உரிய நேரத்தில் பயன்படுத்திக்கொள்ள வேண்டும்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|